வயிறு திம்முனு இருக்கா? மலச்சிக்கலால் நீங்க கஷ்டப்படுறீங்களா? அப்ப இத குடிங்க...உடனே சரியாகிடுமாம்!

Constipation In Tamil: பொதுவாக கோடை காலத்தில் மக்களுக்கு பல்வேறு சுகாதார பிரச்சனைகள் ஏற்படுகின்றன. சுட்டெரிக்கும் கோடை வெப்பம் மக்களின் உடல் செயல்பாடுகளையும் உடலையும் வெகுவாக பாதிக்கிறது. ஆதலால், மக்கள் தங்கள் ஆரோக்கியத்தின் மீது மிக கவனமாக இருக்க வேண்டும்.

கோடை வெப்பத்தினால் மக்கள் அதிகமாக வியர்வையை வெளியேற்ற ஆரம்பிக்கிறார்கள் மற்றும் போதுமான திரவங்களை எடுத்துக்கொள்கிறார்கள். இது நீரிழப்புக்கு வழிவகுக்கும். மேலும், சிலர் உணவுப் பழக்கவழக்கங்களில் ஏற்படும் மாற்றங்களுடன் உடல் செயல்பாடு குறைபாட்டை அனுபவிக்கிறார்கள்.

நாம் எடுத்துக்கொள்ளும் உணவுகள் நம் உடல் ஆரோக்கியத்தோடு சம்பந்தப்பட்டுள்ளது. அதிக பதப்படுத்தப்பட்ட உணவுகள் மற்றும் குறைந்த நார்ச்சத்து நிறைந்த உணவுகளை உட்கொள்வது போன்றவை உங்கள் உடலை கடுமையாக பாதிக்கலாம். மேலும், அதிக வெப்பம், செரிமான அமைப்பை பாதித்து, குடல் இயக்கத்தை குறைத்து, மலச்சிக்கலுக்கு வழிவகுக்கும்.

எனவே, கோடையில் மலச்சிக்கல் ஏற்படுவதைத் தடுக்க நீரேற்றத்தை பராமரிப்பது, வழக்கமான உடல் செயல்பாடுகளில் ஈடுபடுவது மற்றும் போதுமான நார்ச்சத்துள்ள சமச்சீர் உணவை உட்கொள்வது அவசியம். மலச்சிக்கலை குணப்படுத்துவது மட்டுமின்றி, உங்களின் செரிமான சக்தியையும் பலப்படுத்தும் சில இயற்கை பானங்கள் உள்ளன. அவை என்னென்ன பானங்கள் என்று இக்கட்டுரையில் தெரிந்துகொள்ளுங்கள்.

பெருஞ்சீரகம் தேநீர்
வயிற்று பிரச்சனைகளை சரிசெய்ய உதவும் பெருஞ்சீரகம், பல்வேறு ஆரோக்கிய நன்மைகளை கொண்டுள்ளது. இதை பெருஞ்சீரக நீராகவும், பெருஞ்சீரகம் தேநீராகவும் அல்லது அப்படியேவும் மென்று சாப்பிடலாம். வயிற்றை குளிர்ச்சியாக வைத்திருப்பதோடு, வயிற்றில் இருக்கும் வாயு மற்றும் அஜீரண பிரச்சனையையும் பெருஞ்சீரக தேநீர் நீக்குகிறது.

இந்த டீயில் நிறைய நார்ச்சத்து உள்ளதால், உங்களுக்கு மலச்சிக்கல் பிரச்சனை ஏற்படாது. பெருஞ்சீரகம் தேநீர் மலத்தை மென்மையாக்கி வெளியேற்ற உதவுவதோடு, மலச்சிக்கலையும் நீக்குகிறது.

திராட்சை தண்ணீர்
கோடையில் ஏற்படும் மலச்சிக்கல் பிரச்சனையை உலர் திராட்சை நீரின் உதவியுடன் குணப்படுத்தலாம். திராட்சை தண்ணீரை தயாரிக்க, 7 முதல் 8 திராட்சைகளை ஒரே இரவில் தண்ணீரில் ஊற வைக்கவும். காலையில் எழுந்தவுடன் வெறும் வயிற்றில் இந்த தண்ணீரை குடியுங்கள். இந்த நீர் வயிற்றை சுத்தப்படுத்துவதோடு மலச்சிக்கல் பிரச்சனையும் நீக்க உதவும்.

மோர்
கோடையில் மோர் குடிப்பது உடலுக்கு மிகவும் நன்மை பயக்கும். உடலை நீர்ச்சத்துடன் வைத்திருப்பதோடு, வயிற்றில் உள்ள வாயு, மலச்சிக்கல், அஜீரணம், அமிலத்தன்மை போன்ற பிரச்சனைகளையும் எளிதில் நீக்குகிறது. மலச்சிக்கல் பிரச்சனையை போக்க மோரில், வறுத்த சீரகம், புதினா இலைகளை அதனுடன் சேர்த்து அருந்தலாம். இவ்வாறு செய்வதால் வயிறு குளிர்ச்சி பெற்று மலச்சிக்கல் நீங்கும்.

கிவி மற்றும் புதினா பானம்
ஒரு கிளாஸ் தண்ணீரில் புதிய பழுத்த கிவி பழங்களை சிறுசிறு துண்டுகளாக நறுக்கி சேர்க்கவும். அதில், சிறிதளவு புதினா இலைகள், எலுமிச்சை சாறு மற்றும் ஆகியவற்றை சேர்த்து நன்றாக கலக்க வேண்டும். தேவையென்றால், சிறிதளவு சர்க்கரை சேர்த்துக்கொள்ளுங்கள். கிவி மற்றும் புதினா கலந்த பானம் நிறைய ஆரோக்கிய நன்மைகளை கொண்டுள்ளது.

இது உங்கள் செரிமானத்திற்கு உதவுகிறது மற்றும் நோய் எதிர்ப்பு சக்தியை அதிகரிக்கிறது. இந்த பானத்தில் வைட்டமின்-சியும், அதிக நார்ச்சத்தும் நிறைந்துள்ளதால், மலச்சிக்கல் பிரச்சனையை போக்க உதவுகிறது. மேலும், உங்களை புத்துணர்ச்சியாக வைத்திருக்கவும் உதவுகிறது.

Disclaimer: இந்தக் கட்டுரையில் வழங்கப்பட்ட தகவல்கள் பொதுவான தகவல் மற்றும் கல்வி நோக்கங்களுக்காக மட்டுமே, மேலும் இது தொழில்முறை மருத்துவ ஆலோசனை, நோயறிதல் அல்லது சிகிச்சைக்கு மாற்றா பகிரப்படவில்லை. மருத்துவ நிலை குறித்து உங்களுக்கு ஏதேனும் கேள்விகள் இருந்தால் உங்கள் மருத்துவர் அல்லது தகுதிவாய்ந்த சுகாதார வழங்குநரின் ஆலோசனையைப் பெறவும்.