காட்டுத்தீ போல இளைஞர்களை பாதித்து வரும் மாரடைப்பு!

சோர்வு

இன்றைய கணினிமயமான உலகில், இரவு, பகல் என மாறி மாறி வேலைப்பார்க்கும் வழக்கம் சாதாரணமாகிவிட்டது. இதன் காரணமாக அவர்கள் மிகவும் சோர்வடைகின்றனர். ஆனால், அவர்கள் அறிய வேண்டிய முக்கியமான விஷயம் சோர்வு ஏற்படுவதும் கூட ஒருவகையான இதய கோளாறுகளின் அறிகுறி தான். அதுவும், வேலை வலுவின்றி இருக்கும் போது கூட ஏற்படும் உடல் சோர்வு இதய பாதிப்பின் காரணாமாக ஏற்படுவது தான்.

முதுகு, தோள்பட்டை வலி

முதுகு, தோள்பட்டை மற்றும் இடுப்பு பகுதிகளில் ஏற்படும் வலிகள் கூட மாரடைப்பிற்கான அறிகுறிகள் தான். இதயத்தில் ஆக்ஸிஜனின் அளவு குறையும் போது இவ்விடங்களில் வலிகள் ஏற்பட வாய்ப்புகள். எனவே, இதுபோன்ற வலிகள் ஏற்படும் போது குறித்த மருத்துவரிடம் பரிசோதனை செய்துக் கொள்வது நல்லது.

மூச்சுவிடுவதில் சிரமம்

மாடி படி ஏறி இறங்கும் போது, சிறிது தூரம் நடந்து சென்றால் மூச்சு வாங்குவது, ஏன் சிறு வேலை செய்யும் போது கூட மூச்சுவிடுவதில் சிரமம் ஏற்படுவது போன்றவையும் இதய பாதிப்புகளுக்கான அறிகுறிகள் தான்.

நெஞ்செரிச்சல்

காரமான உணவுகளோ அல்லது மசாலா நிறைந்த உணவுகளோ சாப்பிட்டால் கூட நெஞ்செரிச்சல் வரும். அது பற்றி கவலைக் கொள்ள தேவையில்லை. ஆனால், இதயத்தில் இரத்த ஓட்டம் குறையும் போது கூட இது போன்ற நெஞ்செரிச்சல் ஏற்படலாம். எனவே, மருத்துவரிடம் அணுகி பரிசோதித்து கொள்வது நல்லது.

வயிறு உப்புசம்

இதய பாதிப்புகள் ஏற்படும் போது, வயிறு சார்ந்த கோளாறுகளும் ஏற்பட வாய்ப்புகள் இருக்கிறது. இது இதய நோய்களுக்கான அறிகுறிகள். குமட்டல் ஏற்படுவது, வயிறு உப்புசமாக இருப்பது போன்றவை உங்களுக்கு இதய நோய் ஏற்படுவதற்கான அலாரமாய் இருக்கலாம்.

அசௌகரியம்

கழுத்து, தொண்டை, தாடை பகுதிகளில் அசௌகரியம் ஏற்படுவது. ஏதோ இறுக்கமாக பிடித்து வைத்தது போல இருப்பவை போன்றவை எல்லாம் மாரடைப்பு ஏற்படுவதற்கான முன்னெச்சரிக்கைகளாக கூறப்படுகிறது.

மனநிலை

மாரடைப்பு ஏற்பட்டவர்களில் பலர் மருத்துவர்களிடம், சில நாட்களாகவே எனது மனநிலை சரியாக இருக்கவில்லை என கூறியிருக்கின்றனர். பலருக்கு இது போன்ற மனநிலை ஏற்படுகிறது. இதுவும் கூட மனநிலை சார்ந்த ஒரு அறிகுறியாக மாரடைப்பிற்கு கூறப்படுகிறது.