ஒரு மாதம் இப்படி செய்து பாருங்கள்!! பின் மாற்றத்தை சொல்லுங்கள்!! சவாலுக்கு ரெடியா?

இனிப்பு மிட்டாய் மற்றும் குக்கிஸ் களுக்கு பை பை :

விதவிதமான நிறத்தில் இருக்கும் இனிப்பு மிட்டாய்கள் இப்போது அதிகம் மார்க்கெட்டுகளில் கிடைக்கிறது. அதன் மீதும் மோகமும் அதிகரித்துள்ளது. அதுபோல் குக்கிஸ் சாப்பிடாதவர்களை விரல் விட்டு எண்ணிடலாம். இந்த இரண்டையுமே தொட மாட்டேன் என்று சவால் விட்டுக் கொள்ளுங்கள்.

தினம் ஒரு சாலட் அல்லது சூப்- சட்டம் :

ஒரு சட்டத்தை உங்களுக்கு நீங்களே போட்டுக் கொள்ளுங்கள். தினமும் ஏதாவது பழங்கள் அல்லது காய்களில் சாலட் செய்து சாப்பிட வேண்டுமென்று. ஆரம்பத்தில் சற்று கடினமாக இருக்கும்.

ஆனால் போகப் போக இது பழகிக் கொண்டால் உங்களால் விட முடியாத நல்ல பழக்கமாக இது மாறி விடும். அல்லது சூப்பாக சாப்பிடுங்கள்.

நட்ஸ் மற்றும் பேரிச்சை :

ஒரு வாரத்திற்கு தேவையான நட்ஸ் மற்றும் பேரிச்சம் பழத்தை வாங்கிக் கொள்ளுங்கள். அந்த வாரம் முடியும்போது அவற்றை சாப்பிட்டு முடித்திருக்க வேண்டும் என திட்டம் போட்டுக் கொள்ளுங்கள். ஒரு வாரத்தில் அவ்வப்போது கொரித்தாலே போதும். காலியாகிவிடும்.

நீர் :

மிக முக்கியமான விஷயம் இதுதான். தினமும் குறைந்தது 10 டம்ளர் நீரை ஒரு மணி நேரத்திற்கு ஒருமுரை குடிக்க வேண்டும் என உறுதி கொள்ளுங்கள். உங்கள் உடலின் ஒட்டுமொத்த செயல்பாடு மற்றும் நச்சுக்கள் வெளியேறவும் நீர் குடிப்பது முக்கியம்.

வாரம் 3 கீரை :

வாரத்தில் 3 நாட்கள் கீரை கட்டாயம் சாப்பிட வேண்டும் என்று முடிவில் உறுதியாக இருங்கள். மூடி வைத்து சமைக்காமல் அதிக நேரம் வேகாமல், சத்துக்கள் அழியாத வண்ணம் சமைத்திடுங்கள்.