இந்த விதையை தினமும் இப்படி சாப்பிட்டால், ஒரே மாதத்தில் எடையில் நல்ல மாற்றம் தெரியுமாம்..

சியா விதைகள் எப்படி உடல் எடையைக் குறைக்க உதவுகின்றன?

சியா விதைகளில் நார்ச்சத்து ஏராளமான அளவில் நிறைந்துள்ளதால், அது நீண்ட நேரம் வயிற்றை நிரப்பி வைத்திருக்க உதவுகிறது. இதன் விளைவாக உடல் எடையைக் குறைக்க உதவுவதாக கூறுப்படுகிறது. மேலும் ஆய்வுகளில் சியா விதைகளை உட்கொண்டு வந்தால், அது வயிற்றுப் பகுதியில் உள்ள உள்ளுறுப்பு கொழுப்புக்ளை குறைக்க உதவுவது தெரிய வந்துள்ளது. சியா விதைகளின் ஒரு சிறப்பம்சம் என்னவென்றால், அதை பல வழிகளில் உட்கொள்ளலாம். இப்போது சியா விதைகளை எப்படியெல்லம் சாப்பிடலாம் என்பதைக் காண்போம்.

சியா புட்டிங்

* ஒரு பௌலில் பால், தயிர், சியா விதைகள், மாப்பிள் சிரப் மற்றும் சிறிது உப்பு ஆகியவற்றை எடுத்துக் கொள்ள வேண்டும்.

* பின் அனைத்தையும் ஒன்றாக கலந்து, 30 நிமிடம் ஊற வைக்க வேண்டும்.

* பின்பு அதை மூடி வைத்து, ஃப்ரிட்ஜில் இரவு முழுவதும் வைத்து, மறுநாள் காலையில் எடுத்தால், க்ரீமியான சியா புட்டிங் தயார்.

* விருப்பமிருந்தால், அதன் மேல் சிறிது விருப்பமான பழங்களைத் தூவி சாப்பிடலாம்.

ஃபுரூட் அண்ட் நட்ஸ் சாலட்

* முதலில் தேங்காய் பாலில், சிறிது சியா விதைகளைப் போட்டு, தேன் சேர்த்து கலந்து, 2 மணிநேரம் ஊற வைக்க வேண்டும்.

* பின் உங்களுக்கு விருப்பமான பழங்களை துண்டுகளாக்கி ஒரு பௌலில் எடுத்து கொள்ள வேண்டும்.

* பின்பு அதில் சிறிது நட்ஸை பொடியாக வெட்டி, பழங்களுடன் சேர்த்து கிளற வேண்டும்.

* பிறகு அதில் சியா விதை கலவை சேர்த்து நன்கு கலந்தால், சாலட் தயார். இது எடையைக் குறைக்க நினைப்போருக்கான சிறந்த சாலட் ஆகும்.

சியா விதை ஓட்ஸ்

* ஒரு பாத்திரத்தில் ஓட்ஸ், சியா விதைகள், பட்டைத் தூள் மற்றும் சிறிது உப்பு சேர்த்து கலந்து கொள்ள வேண்டும்.

* பின் அதில் பாதாம் பாலை சேர்த்து கலந்து, அடுப்பில் வைத்து, மிதமான தீயில் வேக வைக்க வேண்டும்.

* ஓட்ஸ் நன்கு வெந்ததும், அடுப்பை அணைத்துவிட்டு இறக்கி, குளிர வைக்க வேண்டும்.

* அடுத்து அதில் சுவைக்கேற்ப தேன் மற்றும் விருப்பமான பழங்கள் மற்றும் நட்ஸ்களை சேர்த்து கலந்தால், சுவையான சியா ஓட்ஸ் தயார்.

சியா விதை லெமன் ஜூஸ்

* ஒரு பாத்திரத்தில் சியா விதைகளை எடுத்து, அதில் நீரை ஊற்ற வேண்டும்.

* பின் அதில் புதினா இலைகள், எலுமிச்சை சாறு மற்றும் தேன் சேர்த்து கலந்து, 20-30 நிமிடம் ஊற வைக்க வேண்டும்.

* 30 நிமிடம் ஆனதும், அதை நன்கு கலந்தால் ஜூஸானது ஜெல் போன்று இருக்கும். இப்போது சுவையான சியா விதை லெமன் ஜூஸ் தயார்.