நீரிழிவு நோயாளிகளே! தீபாவளி ஆரோக்கியமானதாக இருக்க வேண்டுமா? இதோ சில டிப்ஸ்...

கலோரிகளில் கட்டுப்பாடு வேண்டும்

அதிக கலோரி உள்ள உணவுகள் நீரிழிவு நோயாளிகளுக்கு மட்டுமின்றி, இதய நோயாளிகளுக்கும் ஆபத்தை ஏற்படுத்தும். அதிலும் பண்டிகை நாட்களில், அதிகப்படியான எண்ணெய் பலகாரங்களை தயாரிப்போம். ஆனால் இந்த உணவுப் பொருட்களை நீரிழிவு இருப்பவர்கள் அறவே தவிர்க்க வேண்டும். ஏனெனில் கலோரி குறைவாக இருந்தால் தான், இனிப்புக்களை எளிதில் செரிமானமடையும்.

செயற்கை இனிப்புக்களை தவிர்க்கவும்

நீரிழிவு நோயாளிகளுக்கு பெரிய எதிரியே செயற்கை இனிப்புகள் தான். எனவே தீபாவளி அன்று எந்த ஒரு சூழ்நிலையிலும் மறந்தும் கூட, செயற்கை இனிப்புகள் கலந்த உணவுப் பொருட்களைத் தொடவேக் கூடாது. மாறாக இயற்கை இனிப்புகளான தேன் கலந்த உணவுப் பொருட்களை உட்கொள்ளலாம்.

ஆரோக்கியமான கொழுப்புக்கள்

மோனோ-அன்-சாச்சுரேட்டட், பாலி-அன்-சாச்சுரேட்டட் மற்றும் ஒமேகா-3 கொழுப்புக்கள், இரத்தத்தில் உள்ள சர்க்கரையின் அளவைக் குறைக்கும். ஆகவே ஆரோக்கியமான கொழுப்புக்கள் நிறைந்த ஆளி விதை, சால்மன், டூனா, சாலட், ஆலிவ் ஆயில் போன்றவற்றை உணவில் சேர்த்துக் கொள்ளுங்கள்.

பாகற்காய் அல்லது வேப்பிலை ஜூஸ்

ஒருவேளை தவறாமல் இனிப்புக்களை சற்று அதிகமாக சாப்பிட்டு விட்டால், தவறாமல் பாகற்காய் அல்லது வேப்பிலை ஜூஸ் குடித்துவிடுங்கள். இதனால் அவை உடலில் உள்ள சர்க்கரையின் அளவை கட்டுப்பாட்டுடன் வைக்கும்.

சர்க்கரை சேர்க்காத இனிப்புகளை சாப்பிடவும்

நிச்சயம் தீபாவளி அன்று இனிப்புக்களை முற்றிலும் தவிர்க்க முடியாது. ஆகவே அப்போது சர்க்கரை சேர்க்காத இனிப்புக்களை தேர்ந்தெடுத்து சாப்பிடுங்கள். இதனால் எந்த ஒரு ஆபத்தும் ஏற்படாது.

உடற்பயிற்சி

தீபாவளி தானே என்று தினமும் செய்யக்கூடிய உடற்பயிற்சியை செய்யாமல் இருக்க வேண்டாம். ஏனெனில் தினமும் உடற்பயிற்சி செய்வதால் தான், இதுவரை ஆரோக்கியமான வாழ்க்கையை வாழ முடிகிறது என்பதை முதலில் உணருங்கள்.

இரத்த பரிசோதனை செய்யுங்கள்

தீபாவளி ஆரோக்கியமானதாக இருக்க செய்ய வேண்டிய செயல்களில் ஒன்று தான் இரத்த பரிசோதனை செய்வது. இதனால் இரத்தத்தில் உள்ள சர்க்கரையின் அளவை தெரிந்து கொண்டு, அதற்கேற்றாற் போல் நடந்து கொள்ள முடியும்.

உணவில் கட்டுப்பாடு

பண்டிகையன்று வீட்டில் வகை வகையாக உணவுகளை சமைப்பார்கள். உணவுகள் சூப்பராக உள்ளது என்று அதிகமாக உட்கொள்ளாமல், அளவாக உட்கொண்டால், நிச்சயம் ஆரோக்கியமாக இருக்கலாம்.