முகம் எப்பவும் பளிச்சுன்னு இருக்கணுமா? அப்ப இந்த ஒரு பொருளை இப்படி யூஸ் பண்ணுங்க போதும்...!

கற்றாழை மற்றும் எலுமிச்சை ஃபேஸ் பேக்

எலுமிச்சையில் வைட்டமின் சி அதிகம் உள்ளது. கற்றாழை ஜெல் மற்றும் எலுமிச்சை கலவை சருமத்தில் நல்ல மாற்றத்தைத் தரும். குறிப்பாக இது நேச்சுரல் டேன் ரிமூவராக செயல்படும். அதற்கு 2 டீஸ்பூன் கற்றாழை ஜெல்லுடன் எலுமிச்சை சாற்றினை சேர்த்து கலந்து, முகத்தில் தடவி 5 முதல் 10 நிமிடம் ஊற வைத்து, பின் வெதுவெதுப்பான நீரால் கழுவ வேண்டும்.

கற்றாழை, மஞ்சள் மற்றும் தேன் ஃபேஸ் பேக்

தேன் மிகச்சிறந்த சரும பராமரிப்பு பொருள். இந்த தேனுடன் கற்றாழை ஜெல் மற்றும் ஒரு சிட்டிகை மஞ்சள் தூள் சேர்த்து கலந்து, முகத்தில் தடவி 20 நிமிடம் ஊற வைத்து, பின் வெதுவெதுப்பான நீரால் கழுவ வேண்டும்.

கற்றாழை மற்றும் தயிர் ஃபேஸ் பேக்

தயிர் ஈரப்பதமூட்டும் பண்புகளைக் கொண்டது. தயிருடன் கற்றாழை ஜெல் சேர்த்து அற்புதமான ஃபேஸ் பேக் போடலாம். அதற்கு 2 டேபிள் ஸ்பூன் கற்றாழை ஜெல், 1 டீஸ்பூன் தயிர் மற்றும் 1 டீஸ்பூன் தேன் சேர்த்து கலந்து, முகத்தில் தடவி 15 நிமிடம் ஊற வைத்து, பின் குளிர்ந்த நீரால் கழுவ வேண்டும்.

கற்றாழை மற்றும் ரோஸ் வாட்டர் ஃபேஸ் பேக்

ஒரு பௌலில் 1 டேபிள் ஸ்பூன் ரோஸ் வாட்டர் மற்றும் 1 டேபிள் ஸ்பூன் கற்றாழை ஜெல் சேர்த்து நன்கு கலந்து கொள்ள வேண்டும். பின் அதை முகம் மற்றும் கழுத்துப் பகுதியில் தடவி 20 நிமிடம் ஊற வைத்து, பின் குளிர்ந்த நீரால் கழுவ வேண்டும்.

கற்றாழை மற்றும் தேங்காய் எண்ணெய் ஃபேஸ் பேக்

இந்த ஃபேஸ் பேக்கிற்கு கற்றாழை ஜெல்லுடன் சில துளிகள் தேங்காய் எண்ணெய் சேர்த்து கலந்து, சருமத்தில் தடவி சிறிது நேரம் ஊற வைத்து, பின் குளிர்ந்த நீரால் கழுவ வேண்டும். இவ்வாறு செய்வதால் சருமம் மென்மையாகவும், பொலிவோடும் இருக்கும்.