மாதவிடாயின் போது முகத்திற்கு சோப்பு பயன்படுத்தக் கூடாதாம், ஏன்?

எண்ணெய் சருமம்

எண்ணெய் சருமம் கொண்டவர்களுக்குக் கண்டிப்பாக அவர்களின் மாதவிடாய் சுழற்சியின் போது ஹார்மோன்களின் மாற்றத்தினால் முகப்பரு போன்ற பிரச்சனைகள் ஏற்படும். தினமும் உங்கள் முகத்தினை இரண்டு முறை சோப்பு பயன்படுத்தாமல் நல்ல பேஷ் வாஷ் பயன்படுத்திக் கழுவுங்கள். சோப்பில் ஒலீயிக் அமிலம் உள்ளது. எனவே பேஷ் வாஷ் பயன்படுத்துவதே சிறந்தது. இதனை நீங்கள் உங்களின் மாதவிடாய் வருவதற்கு ஒரு வாரத்திற்கு முன்பு இருந்து செய்யத் தொடங்குங்கள். நல்ல டிஸ்யூ கொண்டு முகத்தினை அவ்வப்போது துடைத்துக் கொள்ளுங்கள்.

வறண்ட சருமம்

வறண்ட சருமம் கொண்டவர்கள் அல்லது முகப்பரு உள்ளவர்கள் தேனைப் பயன்படுத்தலாம். தேனில் இயற்கையாக ஆன்டிசெப்டிக் இருப்பது மட்டுமல்லாமல் உங்கள் சருமத்தை ஈரப்பதத்துடன் வைக்கவும் பளபளக்கச் செய்யவும் உதவுகிறது. மேலும் நீங்கள் வீட்டிலேயே வெள்ளரிக்காய் மற்றும் கற்றாழை பயன்படுத்தி முகத்தில் மாஸ்க் போட்டுக் கொள்ளலாம். இவை உங்கள் முகத்தினை ஈரப்பதத்துடன் வைக்கும். இந்த மாஸ்கினை கழுவிய பின்பு ரோஸ் வாட்டரை முகத்தில் அப்ளை செய்யுங்கள்.

மேக்கப்

உங்கள் மாதவிலக்கு நேரத்தில் நீங்கள் மேக்கப் செய்யாமல் இருப்பதே சிறந்து. ஏனெனில் உங்கள் முகத் துளைகளைச் சுவாசிக்க விடுங்கள். முகத்துளைகள் சுவாசிக்க முடியாத காரணத்தினால் தான் முகப்பரு வறண்ட சருமம் போன்ற பிரச்சனைகள் வருகின்றன. முகத்திற்கு இயற்கையான பொருட்களாகிய பால் மஞ்சள், பழதோல்கள், தயிர், முட்டை, பப்பாளி போன்றவற்றை பயன்படுத்துங்கள். அப்படி நீங்கள் மேக்கப் அணிய வேண்டிய கட்டாயம் இருந்தால் இரவு படுக்கைக்குச் செல்லும் முன்பு முகத்தினை நன்றாகச் சுத்தப்படுத்தி மாய்சரைசர் பயன்படுத்துங்கள். வெயில் செல்லும் போது கண்டிப்பாக சன்ஸ்கிரீம் பயன்படுத்துங்கள்.

ஆரோக்கியமான உணவு

மாதவிடாயின் போது நீங்கள் ஆரோக்கியமான உணவுகளை மட்டும் தான் தேர்வு செய்ய வேண்டும். உங்களுடைய விருப்பமான ஜங்க் புட்க்கு பை பை சொல்லுங்கள். சோயா, வான்கோழி, மீன், பீன்ஸ் மற்றும் பயறு வகைகள் போன்ற சத்தான உணவுகளை உண்பதால் உங்களின் இரத்த சர்க்கரை அளவினை அதிகரிக்கும். ஆனால் நீங்கள் உண்ணும் ஜங்க் புட் உங்களின் வாய்க்கு ருசியாக இருந்தாலும் உங்களின் உடலுக்குத் தேவையான சத்துக்களை வழங்காது. கீரைகள், காய்கறிகள், பழங்கள், முட்டை, பால் போன்ற ஆரோக்கியமான உணவுகள் உங்கள் உடலுக்குத் தேவையான சக்தியைத் தரும்.

மசாஜ்

மாதவிடாயின் போது உடலுக்கு மசாஜ் செய்வதினால் உடல் வலி மற்றும் சோர்வுகளிலிருந்து விடுதலை பெறலாம். மசாஜ் செய்யும் போது நரம்புகள் மற்றும் தசைகள் மென்மையாக்கப்பட்டு இரத்த ஓட்டத்தைச் சீராக வைக்கின்றன.

தூக்கம்

எவ்வளவு வேலைகள் இருந்தாலும் மாதவிடாயின் போது கண்டிப்பாக நீங்கள் 8 மணி நேரம் தூக்கத்தினை மேற்கொள்ள வேண்டும். உங்கள் மாதவிடாய் சுழற்சியின் போது உடல் மற்றும் மனதளவில் சில மாற்றங்கள் நிகழும் அவற்றை எல்லாம் கட்டுப்படுத்த கண்டிப்பாகத் தூக்கம் அவசியம். அப்படியில்லையெனில் மனதளவில் அல்லது உடலில் சில பிரச்சனைகளை ஏற்படுத்தக் கூடும். எனவே கண்டிப்பாக 8 மணிநேர அமைதியான தூக்கத்தை கடைப்பிடிங்கள்.