குளிர்காலத்தில் சந்திக்கும் சரும வறட்சிக்கு குட்-பை சொல்லணுமா? அப்ப இத செய்யுங்க...

சர்க்கரை மற்றும் ஆலிவ் ஆயில்

சரும வறட்சியைப் போக்கும் ஒரு சிறந்த நேச்சுரல் மாய்ஸ்சுரைசர் தான் சர்க்கரை சிரப். இதில் ஆலிவ் ஆயில் மற்றும் சர்க்கரை சேர்ந்திருப்பதால், இது சருமத்தில் உள்ள இறந்த செல்களை நீக்குவதோடு, சரும வறட்சியையும் போக்கும். அதற்கு 1/2 கப் சர்க்கரையில் 2 டேபிள் ஸ்பூன் ஆலிவ் ஆயில் சேர்த்து கலந்து, சருமத்தில் தடவி மென்மையாக சிறிது நேரம் ஸ்கரப் செய்து, பின் குளிர்ந்த நீரால் கழுவ வேண்டும். இப்படி குளிர்காலத்தில் தினமும் இரவு நேரத்தில் செய்து வந்தால், சருமத்தில் ஏற்படும் அதிகப்படியான வறட்சி தடுக்கப்படும்.

பால்

பால் வறண்ட சருமத்தைப் போக்க உதவுவதோடு மட்டுமின்றி, பருக்கள் பிரச்சனையை எதிர்த்துப் போராடவும் உதவுகிறது. அதற்கு குளிர்ந்த பாலை பஞ்சுருண்டையில் நனைத்து, சருமம் அதிகம் வறட்சியாகும் பகுதிகளில் தடவி 5-10 நிமிடம் ஊற வைத்து, பின் நீரில் நனைத்த பஞ்சுருண்டையால் துடைத்து எடுக்க வேண்டும். இதனால் சருமத்தில் உள்ள அழுக்குகள் முழுமையாக நீக்கப்பட்டு, சருமம் பொலிவோடும், வறட்சியின்றியும் இருக்கும்.

குளிக்கும் நீரில் எண்ணெய் சேர்க்கவும்

எண்ணெய்கள் மிகச்சிறந்த மாய்ஸ்சுரைசர்களாகும். இந்த எண்ணெய்களை நேரடியாக சருமத்தில் தடவினால் பிசுபிசுப்பாக இருக்கும். ஆனால் குளிக்கும் நீரில் சில துளிகள் தேங்காய் எண்ணெய் அல்லது ஆலிவ் ஆயிவை ஊற்றி, அந்நீரால் குளித்தால், குளிர்காலத்தில் ஏற்படும் சரும வறட்சியைத் தடுக்கலாம். வேண்டுமானால் முயற்சித்துப் பாருங்கள்.

வேப்பிலைகள்

சரும வறட்சியைத் தடுக்கும் மற்றொரு அற்புதமான பொருள் தான் வேப்பிலை. உங்களுக்கு சருமம் அதிகமாக வறட்சியடைந்தால், 2 டீஸ்பூன் வேப்பிலை பொடியுடன் 1 டீஸ்பூன் மில்க் க்ரீம் மற்றும் 2 டீஸ்பூன் நீர் சேர்த்து கலந்து, அதை சருமத்தில் தடவி 20 நிமிடம் ஊற வைத்து, பின் குளிர்ந்த நீரால் கழுவ வேண்டும். இப்படி செய்வதால் வேப்பிலை சருமத்தின் ஆரோக்கியத்தை மேம்படுத்துவதோடு, ஊட்டமளிக்கும்.

அவகேடோ

அவகேடோ என்னும் வெண்ணெய் பழம் அதன் பெயருக்கு ஏற்ப எண்ணெய்ப்பசையைக் கொண்டது. இந்த அவகேடோ பழத்தின் தசைப்பகுதியை சிறிது எடுத்து மசித்து, அத்துடன் 1 டீஸ்பூன் ஆலிவ் ஆயில் மற்றும் 1 டேபிள் ஸ்பூன் தேன் சேர்த்து கலந்து, முகம் மற்றும் அதிக வறட்சியடையும் பகுதியில் தடவி 20 நிமிடம் ஊற வைத்து, பின் குளிர்ந்த நீரால் கழுவ வேண்டும். இந்த மாஸ்க்கை அடிக்கடி போடுவதன் மூலம், குளிர்கால சரும வறட்சிக்கு குட்-பை சொல்லலாம்.