வசீரக அழகைப் பெற உதவும் முல்தானி மெட்டி ஃபேஸ் பேக்குகள்!!!

எண்ணெய் பசையை குறைக்க...

முல்தானி மெட்டியை ரோஸ் வாட்டர் சேர்த்து கலந்து, சருமத்திற்கு வாரம் ஒரு முறை ஃபேஸ் பேக்குகளைப் போட்டு வந்தால், சருமத்தின் pH அளவானது சீராக பராமரிக்கப்பட்டு, சருமத்தில் உள்ள அதிகப்படியான எண்ணெய் பசையும் நீங்கும்.

மென்மையான சருமத்தைப் பெற...

முல்தானி மெட்டியுடன் சிறிது பால் மற்றும் 1 டீஸ்பூன் பாதாம் பொடி சேர்த்து கலந்து, முகத்தில் தடவி உலர வைத்து குளிர்ந்த நீரில் கழுவ வேண்டும். இதனால் சருமத்தின் மென்மைத்தன்மை அதிகரித்து, சரும வறட்சியும் நீங்கும்.

பொலிவான சருமத்தைப் பெற...

2 ஸ்பூன் முல்தானி மெட்டியுடன், சிறிது தக்காளி சாறு, சந்தனப் பொடி சேர்த்து கலந்து, அத்துடன் சிறிது மஞ்சள் தூளும் சேர்த்து கலந்து, முகத்தில் தடவி 10 நிமிடம் ஊற வைத்து, வெதுவெதுப்பான நீரில் கழுவினால், பொலிவான சருமத்தைப் பெறலாம். அதிலும் இதனை தொடர்ந்து வாரம் ஒருமுறை போட்டு வந்தால் நல்ல பலன் தெரியும்.

பளிச்சென்ற முகத்தைப் பெற...

முல்தானி மெட்டியுடன், தக்காளி சாறு, 1 டீஸ்பூன் தேன், எலுமிச்சை சாறு மற்றும் சிறிது பால் சேர்த்து கலந்து, முகத்தில் தடவி 10 நிமிடம் ஊற வைத்து கழுவ வேண்டும். இப்படி தவறாமல் செய்து வந்தால், சருமம் பளிச்சென்று மின்னும்.

கரும்புள்ளிகளைப் போக்க...

1 டேபிள் ஸ்பூன் முல்தானி மெட்டியுடன், சிறிது அரைத்த புதினா மற்றும் தயிர் சேர்த்து கலந்து, பாதிக்கப்பட்ட இடத்தில் தடவ 20 நிமிடம் ஊற வைத்து வெதுவெதுப்பான நீரில் கழுவ வேண்டும். இதன் மூலம் சருமத்தில் உள்ள கரும்புள்ளிகள் நீங்கும்.

பிரச்சனையில்லா சருமத்தைப் பெற...

1/4 டேபிள் ஸ்பூன் முல்தானி மெட்டி பொடியுடன், 1 டேபிள் ஸ்பூன் தயிர் மற்றும் ஒரு முட்டையின் வெள்ளைக்கருவை சேர்த்து கலந்து, முகத்தில் தடவி 20 நிமிடம் ஊற வைத்து, பின் வெதுவெதுப்பான நீரில் கழுவ வேண்டும். இதனால் பிரச்சனையில்லா சருமத்தைப் பெறலாம்.

கருமையைப் போக்க...

வெயிலில் சுற்றி கருமையடைந்த சருமத்தை சரிசெய்ய, முல்தானி மெட்டி பொடியுடன் இளநீர் மற்றும் சர்க்கரை சேர்த்து கலந்து, சருமத்தில் தடவி ஊற வைத்து, வெதுவெதுப்பான நீரில் கழுவ வேண்டும். இப்படி தொடர்ந்து செய்து வந்தால், சரும கருமை நீங்கும்.