உங்க முகம் கருப்பா, டல்லா இருக்கா? அப்ப உளுத்தம் பருப்பு வெச்சு இப்படி ஃபேஸ் பேக் போடுங்க.. வெள்ளையாவீங்க..

Skin Care Tips In Tamil: அழகை மேம்படுத்தவும், பராமரிக்கவும் அக்காலத்தில் நம் முன்னோர்கள் இயற்கை பொருட்களைத் தான் பயன்படுத்தி வந்தனர். அதுவும் பாரம்பரியமாக கடலை மாவு, மஞ்சள், கற்றாழை போன்ற பொருட்களை அதிகம் பயன்படுத்தி வந்தனர். இது தவிர நம் வீட்டு சமையலறையில் உள்ள பல்வேறு பொருட்கள் நமது சரும பிரச்சனைகளைப் போக்கி, சருமத்தின் அழகையும், ஆரோக்கியத்தையும் மேம்படுத்த உதவுகின்றன. அதில் ஒன்று தான் உளுத்தம் பருப்பு.

இட்லி, தோசை மாவில் பயன்படுத்தப்படும் உளுத்தம் பருப்பில் புரோட்டீன்கள், வைட்டமின் பி, கொழுப்புக்கள் மற்றும் கார்போஹைட்ரேட்டுகள் போன்றவை அதிகம் உள்ளன. இது தவிர உளுத்தம் பருப்பில் பெண்களுக்கு நன்மை அளிக்கும் இரும்புச்சத்து, ஃபோலிக் அமிலம், கால்சியம், மக்னீசியம், பொட்டாசியம் போன்றவைகளும் நிறைந்துள்ளன. எனவே பெண்கள் உளுத்தம் பருப்பை தங்களின் உணவில் அதிகம் சேர்த்துக் கொள்வது மிகவும் நல்லது.

அதுவும் உளுத்தம் பருப்பை உட்கொள்வதைத் தவிர, அவற்றைக் கொண்டு சருமத்திற்கு பராமரிப்பு கொடுக்கும் போது, அது சருமத்தில் உள்ள இறந்த செல்களை நீக்கும், சரும கருமையைப் போக்கும் மற்றும் முகப்பரு பிரச்சனையில் இருந்து விடுவிக்கும். இவ்வளவு நன்மை அளிக்கும் உளுத்தம் பருப்பைக் கொண்டு பலவாறு ஃபேஸ் பேக்குகளைப் போடலாம். இப்போது டாப் 8 உளுத்தம் பருப்பு ஃபேஸ் பேக்குகளைக் காண்போம்.

ஃபேஸ் பேக் #1

தேவையான பொருட்கள்:

* உளுத்தம் பருப்பு பவுடர் - 1 டேபிள் ஸ்பூன்
* ஓட்ஸ் பவுடர் - 1 டேபிள் ஸ்பூன்
* பால் - தேவையான அளவு

பயன்படுத்தும் முறை:

* ஒரு பௌலில் உளுத்தம் பருப்பு பவுடரை எடுத்து, அத்துடன் ஓட்ஸ் பொடியை சேர்த்துக் கொள்ள வேண்டும்.
* பின் அதில் பால் ஊற்றி பேஸ்ட் செய்து கொள்ள வேண்டும்.
* பின்பு அதை முகத்தில் தடவி, 10 நிமிடம் ஊற வைக்க வேண்டும்.
* பிறகு குளிர்ந்த நீரால் முகத்தை மென்மையாக தேய்த்து கழுவ வேண்டும்.

ஃபேஸ் பேக் #2

தேவையான பொருட்கள்:

* உளுத்தம் பருப்பு பவுடர் - 1 டேபிள் ஸ்பூன்
* மஞ்சள் தூள் - 1 சிட்டிகை
* எலுமிச்சை சாறு - சிறிது
* தண்ணீர் - சிறிது

பயன்படுத்தும் முறை:

* ஒரு பௌலில் உளுத்தம் பருப்பு பவுடரை எடுத்து, அத்துடன் மஞ்சள் தூள், எலுமிச்சை சாற்றினை சிறிது சேர்க்க வேண்டும்.
* பின் அதில் சிறிது நீரை ஊற்றி பேஸ்ட் செய்து கொள்ள வேண்டும்.
* பின்பு அதை முகத்தில் தடவி 20 நிமிடம் ஊற வைக்க வேண்டும்.
* பிறகு குளிர்ந்த நீரால் கழுவ வேண்டும்.

ஃபேஸ் பேக் #3

தேவையான பொருட்கள்:

* உளுத்தம் பருப்பு பவுடர் - 2 டேபிள் ஸ்பூன்
* கற்றாழை ஜெல் - 1 டேபிள் ஸ்பூன்

பயன்படுத்தும் முறை:

* இந்த ஃபேஸ் பேக்கிற்கு ஒரு பௌலில் உளுத்தம் பருப்பு பவுடர் மற்றும் கற்றாழை ஜெல்லை ஒன்றாக எடுத்துக் கொள்ள வேண்டும்.
* பின்பு அதை ஒன்றாக கலந்து பேஸ்ட் செய்து, முகத்தில் தடவ வேண்டும்.
* 20 நிமிடம் நன்கு ஊற வைத்து, பின் குளிர்ந்த நீரால் முகத்தைக் கழுவ வேண்டும்.

ஃபேஸ் பேக் #4

தேவையான பொருட்கள்:

* உளுத்தம் பருப்பு மாவு - 1 டேபிள் ஸ்பூன்
* தயிர் - 1 டீஸ்பூன்
* வைட்டமின் ஈ கேப்ஸ்யூல் - 2

பயன்படுத்தும் முறை:

* ஒரு பௌலில் உளுத்தம் பருப்பு மாவை எடுத்து, அத்துடன் தயிர் சேர்த்து, 2 வைட்டமின் ஈ கேப்ஸ்யூலில் உள்ள எண்ணெயை ஊற்றி நன்கு பேஸ்ட் செய்து கொள்ள வேண்டும்.
* பின் அதை முகத்தில் தடவி நன்கு காய வைக்க வேண்டும்.
* அதன் பின் குளிர்ந்த நீரால் முகத்தைக் கழுவ வேண்டும்.

ஃபேஸ் பேக் #5

தேவையான பொருட்கள்:

* சந்தன பவுடர் - 1 டேபிள் ஸ்பூன்
* வைட்டமின் ஈ கேப்ஸ்யூல் - 2
* உளுத்தம் பருப்பு பவுடர் - 1 டேபிள் ஸ்பூன்
* பால் - தேவையான அளவு

பயன்படுத்தும் முறை:

* இந்த ஃபேஸ் பேக்கிற்கு ஒரு பௌலில் 1 டேபிள் ஸ்பூன் சந்தன பவுடரை எடுத்து, அத்துடன் 1 டேபிள் ஸ்பூன் உளுத்தம் பருப்பு பவுடரை சேர்த்துக் கொள்ள வேண்டும்.
* பின் அதில் 2 வைட்டமின் ஈ கேப்ஸ்யூலில் உள்ள எண்ணெயை சேர்த்து, சிறிது பாலை ஊற்றி பேஸ்ட் செய்து கொள்ள வேண்டும்.
* பின் அதை முகத்தில் தடவி 15 நிமிடம் ஊற வைத்து, பின் குளிர்ந்த நீரால் கழுவ வேண்டும்.

ஃபேஸ் பேக் #6

தேவையான பொருட்கள்:

* வாழைப்பழம் - 1/2
* உளுத்தம் மாவு - 1 டேபிள் ஸ்பூன்
* தேன் - சில துளிகள்

பயன்படுத்தும் முறை:

* இந்த ஃபேஸ் பேக்கிற்கு ஒரு பௌலில் பாதி வாழைப்பழத்தை எடுத்து மசித்து, அத்துடன் 1 டேபிள் ஸ்பூன் உளுத்தம் பருப்பு மாவை சேர்த்துக் கொள்ள வேண்டும்.
* அதன் பின் அதில் சில துளிகள் தேனை சேர்த்து பேஸ்ட் செய்து கொள்ள வேண்டும்.
* பின்பு அதை முகத்தில் தடவி 10 நிமிடம் ஊற வைக்க வேண்டும்.
* பிறகு குளிர்ந்த நீரால் முகத்தைக் கழுவ வேண்டும்.

ஃபேஸ் பேக் #7

தேவையான பொருட்கள்:

* ஆரஞ்சு தோல் பவுடர் - 1 டேபிள் ஸ்பூன்
* உளுத்தம் பருப்பு மாவு - 1 டேபிள் ஸ்பூன்
* தேன் - 1 டேபிள் ஸ்பூன்

பயன்படுத்தும் முறை:

* இந்த ஃபேஸ் பேக்கிற்கு ஒரு பௌலில் ஆரஞ்சு தோலை பவுடர் மற்றும் உளுத்தம் பருப்பு மாவை எடுத்துக் கொள்ள வேண்டும்.
* பின்பு அதில் 1 டேபிள் ஸ்பூன் தேன் சேர்த்து பேஸ்ட் செய்து கொள்ள வேண்டும்.
* பிறகு அதை முகத்தில் தடவி 15 நிமிடம் ஊற வைக்க வேண்டும்.
* பின் குளிர்ந்த நீரால் முகத்தைக் கழுவ வேண்டும்.

ஃபேஸ் பேக் #8

தேவையான பொருட்கள்:

* அரிசி மாவு - 1 டேபிள் ஸ்பூன்
* தயிர் - 1 டேபிள் ஸ்பூன்
* உளுத்தம் பருப்பு மாவு - 2 டேபிள் ஸ்பூன்

பயன்படுத்தும் முறை:

* இந்த ஃபேஸ் பேக்கிற்கு ஒரு பௌலில் அரிசி மாவு மற்றும் தயிரை எடுத்துக் கொள்ள வேண்டும்.
* பின் அத்துடன் உளுத்தம் பருப்பு மாவை சேர்த்து பேஸ்ட் செய்து கொள்ள வேண்டும்.
* பின்பு அதை முகத்தில் தடவி 30 நிமிடம் ஊற வைக்க வேண்டும்.
* பிறகு குளிர்ந்த நீரால் முகத்தைக் கழுவ வேண்டும்.

(பொறுப்புத் துறப்பு: மேலே கொடுக்கப்பட்டுள்ள தகவல் இணையத்தில் கிடைக்கும் அனுமானங்கள் மற்றும் தகவல்களின் அடிப்படையில் கொடுக்கப்பட்டுள்ளன மற்றும் நம்பகத்தன்மைக்கு உத்தரவாதம் இல்லை. தமிழ் போல்ட்ஸ்கை கட்டுரை தொடர்பான தகவலை உறுதிப்படுத்தவில்லை. மேலும் எங்கள் ஒரே நோக்கம் தகவலை வழங்குவது மட்டுமே. அதை வெறும் தகவலாக மட்டும் எடுத்துக் கொள்ள வேண்டும். எந்தவொரு தகவலையும் அனுமானத்தையும் பயிற்சி செய்வதற்கு அல்லது செயல்படுத்துவதற்கு முன், தயவுசெய்து சம்பந்தப்பட்ட நிபுணரை அணுகவும்.)