Hair Care: வழுக்கை வராமல் தடுக்க ஒரு நாளைக்கு எத்தனை கிளாஸ் தண்ணீர் குடிக்கணும் தெரியுமா?

'நீரின்றி அமையாது உலகு' என்று நம் முன்னோர்கள் கூறுவார்கள், அது 100% உண்மையானது. உலகம் மட்டுமல்ல நம் உடலும் நீரின்றி இயங்க முடியாது. நமது ஒட்டுமொத்த ஆரோக்கியம் முதல் சருமம், முடி அனைத்தையும் ஆரோக்கியமாக பராமரிப்பதில் தண்ணீர் முக்கியப்பங்கு வகிக்கிறது. ஆனால் நாம் ஒவ்வொரு நாளும் எவ்வளவு தண்ணீர் உட்கொள்கிறோம் என்பதைக் கண்காணிக்கிறோமா, அது நமக்குப் போதுமானதா என்று நமக்குத் தெரியுமா?

தண்ணீர் நம் உள் உடலைப் பாதிக்கவில்லை என்றாலும், உடலில் போதுமான அளவு நீர் இல்லை என்றால் முகத்திலும், உங்கள் தலைமுடியின் ஆரோக்கியத்திலும் சில பிரச்சினைகளை நீங்கள் அனுபவிக்கலாம். நீரிழப்பு அதிகமாகும் போது அது முடியை பலவீனமாக்கும், மேலும் ஆண்கள் மற்றும் பெண்களுக்கு முடி உதிர்வுக்கு, வழுக்கைக்கும் வழிவகுக்கும் என்பது உங்களுக்குத் தெரியுமா?

நீரிழப்பு ஏற்படும் போது, முடிகளின் முனைகள் பிளவுபடும், இது முடியை உடைக்க வைக்கிறது. எனவே போதுமான அளவு நீர் அருந்த வேண்டியது அவசியம். ஒரு நாளைக்கு எத்தனை கிளாஸ் தண்ணீர் உங்கள் தலைமுடி ஆரோக்கியத்திற்கு நன்மை பயக்கும் என்பதை இந்த பதிவில் தெரிந்து கொள்ளலாம்.

நீரிழப்பு முடியை எப்படி பாதிக்கிறது?

நமது நகங்கள் மற்றும் தோல் போலவே முடியும் நமது உடலின் ஒரு முக்கிய பகுதியாகும். நமது முடி வேர்கள் உச்சந்தலையின் உள்ளே அமைந்துள்ளன, முடியின் வேர்கள் ஆரோக்கியமாக இருக்க போதுமான ஊட்டச்சத்துக்கள் அவசியம். வைட்டமின்கள் மற்றும் தாதுக்கள் போலவே தண்ணீரும் முதன்மை ஊட்டச்சத்துக்களில் ஒன்றாகும். முடி இழைகளுக்கு உள்ளேயும் வெளியேயும் உயவு தேவைப்படுகிறது.

நீர் நம் உடலை நீரேற்றமாக வைத்திருப்பதுடன் உடலின் சுற்றோட்ட அமைப்பை ஒழுங்குபடுத்துவதால், அது முடி நுனிகளை உயவூட்டுகிறது, இது முடியின் வளர்ச்சியைத் தூண்டுகிறது. ஒருவேளை முடி நுனிகளுக்கு போதுமான நீர் வழங்கப்படாவிட்டால், அது உடையக்கூடிய பலவீனமான முடிக்கு வழிவகுக்கும், இதன் விளைவாக முடி ஆரோக்கியம் இழந்து இறுதியில் வழுக்கை ஏற்படும். முடி உதிர்தலுக்கான முக்கியமான காரணங்களில் ஒன்று நீரிழப்பாகும்.

முடியின் இயல்பு

எலும்பு மஜ்ஜைக்குப் பிறகு மனித உடலில் இரண்டாவதாக வேகமாக வளரும் உறுப்பு முடி, அதன் ஆயுட்காலம் 6 ஆண்டுகள் ஆகும். இது வளர்கிறது, ஓய்வெடுக்கிறது, பின்னர் உதிர்கிறது. முடி உதிர்தல் இரண்டு வழிகளில் நிகழ்கிறது, ஒன்று உதிர்தல் அல்லது உடைதல். முடி வேர்களில் இருந்து உதிர்கிறது, ஆனால் அது எங்கிருந்து வேண்டுமென்றால் உடைந்து போகலாம்.

நீரிழப்பு நேரடியாக உதிர்தல் செயல்முறையை பாதிக்கிறது மற்றும் முடியின் வேர்களை பலவீனப்படுத்துகிறது, இதன் விளைவாக இறுதியில் தலை வழுக்கையாகிறது. ஒவ்வொரு முடி தண்டுக்கும் குறைந்தது ¼ லிட்டர் தண்ணீர் தேவைப்படுகிறது, மேலும் ஒருவர் போதுமான அளவு உட்கொள்ளாதபோது, அது பலவீனமாகவும், உடையக்கூடியதாகவும் மாறி இறுதியில் உதிர்ந்து விடும். உங்கள் தண்ணீர் உட்கொள்ளல் போதுமானதாக இல்லாவிட்டால், உங்கள் முடி ஆபத்தில் உள்ளது என்று அர்த்தம்.

ஒரு நாளைக்கு எவ்வளவு தண்ணீர் குடிக்க வேண்டும்?

ஆரோக்கியமான முடியைப் பராமரிக்க ஒரு நாளைக்கு குறைந்தது 7-8 கிளாஸ் தண்ணீரை உட்கொள்ள வேண்டும். முடியின் அடிப்பகுதியில் வெள்ளை நுனி இருந்தால், அது உங்கள் தலைமுடியின் ஆரோக்கியத்திற்கு அதிக கவனம் தேவை என்பதற்கான அறிகுறியாகும். எனவே நல்ல ஷாம்பு மற்றும் கண்டிஷனர் கலவையுடன் எண்ணெய் மசாஜ்கள் மற்றும் ஹேர் மாஸ்க்குகளில் கவனம் செலுத்த வேண்டும். நம் உடல் பல்வேறு வழிகளில் நீர்ச்சத்தை இழக்கிறது. அந்த நீரிழப்பு உடனடியாக சரிசெய்யப்படாவிட்டால், நம் உடல் நீரிழப்பு செயல்முறையைத் தொடங்குகிறது.

நீரிழப்பின் அறிகுறிகள்

உதடுகள் வறண்டு போவது, தசை பலவீனம், தலைவலி, சோர்வு மற்றும் தலைச்சுற்றல் ஆகியவை நீரிழப்பின் ஆரம்பகட்ட அறிகுறியாக இருக்கலாம். ஆனால் உங்கள் சருமம் வெளிர் நிறமாகவும், கடுமையான முடி உதிர்தலையும் அனுபவித்தால், நீங்கள் ஆபத்தில் இருக்கிறீர்கள் என்று அர்த்தம். இந்த நிலை உச்சந்தலையின் மற்றும் வேர்களின் நீர் மற்றும் ஊட்டச்சத்துக்களை உறிஞ்சும் திறனை பலவீனப்படுத்துகிறது.