குத்தும் எரியும் வியர்குரு பிரச்சனையை வேரோடு விரட்ட சில எளிய வழிகள்!!!

ஓட்ஸ்

பாத் டப்பில் உள்ள நீரில் சிறிது ஓட்ஸ் பவுடரை சேர்த்து கலந்து, அந்நீரில் 1 மணிநேரம் உட்கார்ந்து, உடலை அதனுள் ஊற வைக்க வேண்டும். இப்படி கோடைக்காலத்தில் தினமும் இரண்டு முறை செய்து வந்தால், வியர்குரு பிரச்சனை வருவதைத் தடுக்கலாம்.

பேக்கிங் சோடா

1 டேபிள் ஸ்பூன் பேக்கிங் சோடாவை, 1 கப் குளிர்ந்த நீரில் கலந்து, அந்த நீரை காட்டனில் நனைத்து, பாதிக்கப்பட்ட இடத்தில் தடவி வந்தால், அரிக்கும் வியர்க்குருவில் இருந்து உடனடி நிவாரணம் கிடைக்கும்.

பாகற்காய்

பாகற்காயை பேஸ்ட் செய்து, அதனை பாதிக்கப்பட்ட இடத்தில் தடவி 1 மணிநேரம் ஊற வைத்து கழுவினால், வியர்குருவினால் ஏற்படும் அரிப்பு மற்றும் எரிச்சலில் இருந்து நிவாரணம் கிடைக்கும்.

வெள்ளரிக்காய்

வெள்ளரிக்காயை பேஸ்ட் செய்து, அதனை பாதிக்கப்பட்ட இடத்தில் தடவி ஊற வைத்து வந்தால், வியர்குரு பிரச்சனை நீங்கி, சருமம் குளிர்ச்சியுடன் இருக்கும்.

கற்றாழை ஜெல்

கற்றாழை ஜெல் கூட வியர்குரு பிரச்சனைக்கு நிவாரணம் அளிக்கும். அதற்கு அதன் ஜெல்லை சருமத்தில் தடவி மசாஜ் செய்ய வேண்டும்.

சீரகம்

இரவில் படுக்கும் போது சீரகப் பொடியை தேங்காய் எண்ணெயுடன் சேர்த்து கலந்து, பாதிக்கப்பட்ட இடத்தில் தடவி இரவு முழுவதும் ஊற வைத்து, மறுநாள் காலையில் குளிர்ந்த நீரில் கழுவ வேண்டும்.

வேப்பிலை

வேப்பிலையை அரைத்து குளிர்ந்த நீரில் கலந்து, அந்த நீரைக் கொண்டு குளித்து வந்தாலும் வியர்குரு நீங்கும் அல்லது வேப்பிலை பேஸ்ட்டை வியர்குரு உள்ள இடத்தில் தடவி சிறிது நேரம் ஊற வைத்து கழுவ வேண்டும்.

சந்தனப் பொடி

சந்தனப் பொடியை ரோஸ் வாட்டர் சேர்த்து கலந்து பேஸ்ட் செய்து, சருமத்தில் தடவி சிறிது நேரம் ஊற வைத்து கழுவி வர வியர்குரு பிரச்சனையில் இருந்து விடுபடலாம்.

முல்தானி மெட்டி

முல்தானி மெட்டி பவுடரை ரோஸ் வாட்டர் சேர்த்து கலந்து, பாதிக்கப்பட்ட இடத்தில் தடவி 15 நிமிடம் ஊற வைத்து, பின் குளிர்ந்த நீரில் கழுவ வேண்டும்.

கடலை மாவு

தினமும் குளிக்கும் போது கடலை மாவு தேய்த்து குளித்து வந்தால், அதிகம் வியர்ப்பது குறைந்து, வியர்குரு வருவது தடுக்கப்படும்.