இந்த வாரம் இந்த 3 ராசிக்காரங்களுக்கு அதிர்ஷ்டமாகவும், இந்த 3 ராசிகளுக்கு மோசமாகவும் இருக்கப்போகுது...

Weekly Lucky And Unlucky Zodiac Signs: வேத ஜோதிடத்தின் படி, கிரகங்களின் நிலைகளின் அவ்வப்போது மாற்றங்கள் ஏற்படுவதால், அதன் நிலைகளுக்கு ஏற்ப மனித வாழ்க்கையிலும் அவ்வப்போது மாற்றங்கள் ஏற்படும். அந்த வகையில் 2025 மார்ச் 30 ஆம் தேதி முதல் 2025 ஏப்ரல் 05 ஆம் தேதி வரையிலான காலகட்டத்தில், 12 ராசிக்காரர்களின் நிதி நிலை, குடும்ப வாழ்க்கை, தொழில் வாழ்க்கை போன்றவற்றில் மாற்றங்கள் ஏற்படும்.

அதில் சில ராசிக்காரர்களுக்கு இந்த வாரம் மிகவும் அதிர்ஷ்டமானதாவும், இன்னும் சிலருக்கு பிரச்சனைகள் நிறைந்ததாகவும் இருக்கும். இப்போது இந்த வாரத்தின் அதிர்ஷ்டமான மற்றும் துரதிர்ஷ்டமான ராசிக்காரர்கள் யார்யார் என்பதைக் காண்போம்.

இந்த வாரத்தின் அதிர்ஷ்ட ராசிகள்...

மேஷம்

மேஷ ராசிக்காரர்களுக்கு இந்த வாரம் உங்களுக்கு அதிர்ஷ்டமானதாக இருக்கும். தொழில் மற்றும் வணிகத்தில் குறிப்பிடத்தக்க முன்னேற்றத்தையும் லாபத்தையும் காணக்கூடும். ஏற்கனவே செய்த முதலீடுகளிலிருந்து லாபம் கிடைக்கும். நீண்ட காலமாக எதிர்பார்க்கப்பட்ட ஒரு பணி முடிவதால் மகிழ்ச்சியாக உணர்வீர்கள்.

வேலையில்லாமல் இருந்தால், நீங்கள் விரும்பிய வேலையைப் பெறலாம். பணிபுரிபவர்களின் மரியாதை பணியிடத்தில் அதிகரிக்கும். கடின உழைப்பும், முயற்சிகளும் பாராட்டப்படும். வணிகம் தொடர்பான பயணங்கள் லாபகரமானதாக இருக்கும். குடும்ப உறுப்பினர்களுடன் மகிழ்ச்சியான நேரத்தை செலவிட உங்களுக்கு வாய்ப்புகள் கிடைக்கும். திருமண வாழ்க்கை மகிழ்ச்சியாக இருக்கும்.

மிதுனம்

மிதுன ராசிக்காரர்களுக்கும் இந்த வாரம் உங்களுக்கு அதிர்ஷ்டமாக இருக்கும். திட்டமிட்ட வேலை சரியான நேரத்தில் முடிவடையும். வார தொடக்கத்தில் சில நல்ல செய்திகள் கிடைப்பதால் குடும்பத்தில் மகிழ்ச்சியான சூழ்நிலை நிலவும். நீண்டகாலமாக ஒருவருடன் இருந்த வேறுபாடுகள் மற்றும் தவறான புரிதல்கள் தீர்க்கப்படும். எழுத்து மீதான ஆர்வம் அதிகரிக்கும்.

வேலையில் இருப்பவர்கள் தங்கள் மேலதிகாரிகளுடன் நல்ல உறவைப் பேணுவார்கள். பணியிடத்தில் உங்களுக்குக் கீழ் பணிபுரிபவர்களிடமிருந்து முழு ஒத்துழைப்பும் ஆதரவும் தொடர்ந்து கிடைக்கும். இந்த வாரம் நீங்கள் உங்கள் தொழிலை விரிவுபடுத்தவோ அல்லது வேறு தொழிலில் பெரிய முதலீடு செய்யவோ முடிவு செய்யலாம். காதல் வாழ்க்கை இனிமையாக இருக்கும்.

தனுசு

தனுசு ராசிக்காரர்களுக்கு இந்த வாரம் மிகவும் சிறப்பாக இருக்கும். உங்கள் குடும்ப உறுப்பினர்களுடன் மகிழ்ச்சியாக நேரத்தை செலவிடும் வாய்ப்பு கிடைக்கும். தொழில் மற்றும் வியாபாரத்தில் சாதகமான சூழ்நிலை இருக்கும். சிக்கிய பணம் கைக்கு வந்து சேரும். மூதாதையர் சொத்து தொடர்பான தகராறுகள் தீரும். ஒரு பெரிய வணிக ஒப்பந்தம் ஏற்பட வாய்ப்புள்ளது.

இந்த வாரம் முக்கியமான பணிகளைச் செய்யும்போது எந்தவிதமான அவசரத்தையும் அல்லது கவனக்குறைவையும் தவிர்க்க வேண்டும். வீட்டின் வசதிக்காக அதிக அளவு பணத்தை செலவிட நேரிடும். உறவுகளைப் பொறுத்தவரை இந்த வாரம் சாதகமாக இருக்கும். கணவன் மனைவி இடையே சிறந்த ஒருங்கிணைப்பு இருக்கும். உங்கள் குழந்தைகளிடமிருந்து நல்ல செய்திகளைப் பெறுவீர்கள்.

இந்த வாரத்தின் துரதிர்ஷ்ட ராசிகள்...

சிம்மம்

சிம்ம ராசிக்காரர்கள் இந்த வாரம் எந்த வேலையையும் செய்வதில் கவனக்குறைவாக இருப்பதைத் தவிர்க்க வேண்டும். இல்லையெனில் பணம் மற்றும் மன பிரச்சனைகளை சந்திக்க நேரிடும். வேலை செய்பவர்கள் தங்கள் வேலையை வேறொருவரிடம் விட்டுவிடுவதற்குப் பதிலாக, தாங்களாகவே சிறப்பாகச் செய்ய முயற்சிக்க வேண்டும்.

வாரத்தின் பிற்பகுதியில் உங்கள் வேலையில் சில பெரிய மாற்றங்களைக் காணக்கூடும். திடீரென்று நீண்ட அல்லது குறுகிய தூர பயணங்களை மேற்கொள்ள நேரிடும். காதல் விஷயங்களில் சில சிக்கல்களைச் சந்திக்க நேரிடும். உங்கள் துணையின் உடல்நிலை குறித்து நீங்கள் தொடர்ந்து கவலைப்படலாம்.

விருச்சிகம்

விருச்சிக ராசிக்காரர்கள் இந்த வாரம் தொழிலில் எதிர்பார்த்த பலன்கள் கிடைக்காததால் நீங்கள் பல முறை விரக்தியாகவும் ஏமாற்றமாகவும் உணரலாம். வாரத்தின் முதல் பாதியில் வேலையில் சில தடைகள் ஏற்படக்கூடும். உறவினர்களிடமிருந்து சரியான நேரத்தில் ஆதரவு கிடைக்காததால் நீங்கள் வருத்தப்படுவீர்கள். வேலை செய்பவராக இருந்தால், உங்கள் பணியிடத்தில் முக்கியமான பணிகளை முடிக்காமல் விட்டுவிடாதீர்கள்.

நிலம் அல்லது கட்டிடத்தை வாங்கவோ விற்கவோ திட்டமிட்டால், நலம் விரும்பிகளின் ஆலோசனையைப் பெறுங்கள். சமூக கௌரவத்திற்காக பாடுபடுகிறீர்கள் என்றால், அதற்காக நீங்கள் போராட வேண்டியிருக்கும். காதல் உறவில் தேவையற்ற பிரச்சனைகளை சந்திக்க நேரிடும். கணவன்-மனைவி இடையே ஏதாவது ஒரு விஷயத்தில் கருத்து வேறுபாடு ஏற்பட வாய்ப்புள்ளது.

மீனம்

மீன ராசிக்காரர்கள் இந்த வார தொடக்கத்தில் உங்களுக்கு உடல்நலம் தொடர்பான சில பிரச்சினைகள் ஏற்படக்கூடும். ஆரோக்கியத்தில் சிறப்பு கவனம் செலுத்துங்கள். இந்த வாரம் வருமானத்தை விட செலவுகள் அதிகமாக இருப்பதால் உங்கள் பணத்தை கவனமாக நிர்வகிக்க வேண்டியிருக்கும்.

வாரத்தின் நடுப்பகுதியில் வீட்டிற்காக திடீரென்று அதிக அளவு பணத்தை செலவிட வேண்டியிருக்கும். இந்த வாரம் பணிச்சூழல் கொஞ்சம் மன அழுத்தத்தை ஏற்படுத்தும். நிலம், கட்டிடம் அல்லது வாகனம் போன்றவற்றை வாங்க நினைத்தால், இந்த வாரம் சாதகமாக இருக்கும். காதல் விஷயங்களில் நீங்கள் எச்சரிக்கையுடன் இருக்க வேண்டும். குழந்தைகளின் முன்னேற்றம் குறித்து நீங்கள் கொஞ்சம் கவலைப்படலாம்.

(பொறுப்புத் துறப்பு: மேலே கொடுக்கப்பட்டுள்ள தகவல் இணையத்தில் கிடைக்கும் அனுமானங்கள் மற்றும் தகவல்களின் அடிப்படையில் கொடுக்கப்பட்டுள்ளன மற்றும் நம்பகத்தன்மைக்கு உத்தரவாதம் இல்லை. தமிழ் போல்ட்ஸ்கை கட்டுரை தொடர்பான தகவலை உறுதிப்படுத்தவில்லை. மேலும் எங்கள் ஒரே நோக்கம் தகவலை வழங்குவது மட்டுமே. அதை வெறும் தகவலாக மட்டும் எடுத்துக் கொள்ள வேண்டும். எந்தவொரு தகவலையும் அனுமானத்தையும் பயிற்சி செய்வதற்கு அல்லது செயல்படுத்துவதற்கு முன், தயவுசெய்து சம்பந்தப்பட்ட நிபுணரை அணுகவும்.)

Disclaimer: இந்தக் கட்டுரையில் குறிப்பிடப்பட்டுள்ள ரத்தினக் கற்களின் நன்மைகள் பாரம்பரிய நம்பிக்கைகள் மற்றும் ஜோதிட நடைமுறைகளை அடிப்படையாகக் கொண்டவை. இதன் முடிவுகள் நபருக்கு நபர் மாறுபடும். ஜோதிட நோக்கங்களுக்காக எந்த ரத்தினக் கல்லையும் அணிவதற்கு முன்பு ஒரு சான்றளிக்கப்பட்ட ஜோதிடர் அல்லது ரத்தின நிபுணரை அணுகுமாறு நாங்கள் பரிந்துரைக்கிறோம். இந்த உள்ளடக்கம் தகவல் நோக்கங்களுக்காக மட்டுமே, மேலும் தொழில்முறை ஆலோசனைக்கு மாற்றாக எடுத்துக்கொள்ள வேண்டாம்.