திருமண உறவில் துணை பேசுவதை அக்கறையுடன் கேட்பது எப்படி?

அக்கறையை வெளிக்காட்டுங்கள்

உங்கள் துணையின் மீது உங்களுக்கு அதிக அக்கறை இருக்கிறது என்பதை அவருக்கு புரிய வையுங்கள். உங்கள் தரப்பிலிருந்து நீங்கள் செய்யும் சில செயல்கள் அவர்களை எளிதில் காயப்படுத்தி விடும். அதனால் அவர்கள் பேசும் போது கைப்பேசியை பார்ப்பது, நொடிக்கொரு முறை கடிகாரத்தை பார்ப்பது, கொட்டாவி விடுவது அல்லது இங்கேயும் அங்கேயும் பார்ப்பது போன்றவற்றை தவிர்க்க வேண்டும்.

செய்கையில் வெளிப்படுத்துங்கள்

நீங்கள் உங்கள் கணவன் அல்லது மனைவி பேசுவதை காது கொடுத்து கேட்பது எப்படி என்ற கேள்விக்கு விடை வேண்டுமா? 'எதிர் செய்கையில் ஈடுபடுங்கள்' என்பது தான் அதற்கான பதில். உங்கள் தரப்பிலிருந்து ஒரு நேர்மறையான ஆதரவை மட்டுமே அவர்கள் எதிர்ப்பார்க்கிறார்கள். அதை புரிந்து கொண்டு அதற்கேற்ப நடந்து கொண்டு, அவர்கள் பேசுவதை நீங்கள் அக்கறையுடன் கவனிப்பீர்கள் என்பதை அவர்களுக்கு புரிய வையுங்கள்.

கேள்வி கேளுங்கள்

அவர்கள் பேசுவதை நீங்கள் கவனித்து கொண்டிருக்கும் போது, அது சம்பந்தப்பட்டதை பற்றி கேள்வி எழுப்புங்கள். இதனால் நீங்கள் அவர்கள் பேசுவதை தான் கவனித்துக் கொண்டிருக்கிறீர்கள் என்பது அவர்களுக்கு தெரியும். அவர்கள் சொல்லி முடித்ததை பற்றி கேள்வி கேட்பதே சரியான தேர்வாக இருக்கும். இப்படி செய்யும் போது அவர்கள் பேசுவதை அக்கறையுடன் கவனிப்பது எப்படி என்பது உங்களுக்கு தெரியும்.

முன்னதாக நடந்த உரையாடல்களை நினைவுப்படுத்துங்கள்

உங்கள் இருவருக்கும் நடந்த உரையாடல்களை பற்றி அவர்களிடம் நினைவு கூறுவது ஒரு சிறந்த வழியாக இருக்கும். அதனால் அவர்கள் கூறியது எல்லாம் உங்கள் நினைவில் இருக்கிறது என்று அவர்கள் சந்தோஷப்படுவார்கள். உங்களுக்கும் அவர்கள் பேசுவதை கவனிப்பது எப்படி என்பது புரியும்.

நடுநடுவே பேசாதீர்கள்

உங்கள் கணவன் அல்லது மனைவி பேசும் போது நடுநடுவே பேசாதீர்கள். உங்களுக்கு ஏதாவது சொல்ல வேண்டும் என்றால் அவர்கள் கூறுவதை கூறி முடிக்கும் வரை காத்திருங்கள். அப்படி செய்யும் போது அவர்கள் பேசுவதை நீங்கள் முழுமையாக கவனிக்கிறீர்கள் என்ற திருப்தியை அவர்கள் அடைவர்ர்கள். எப்படி முழுமையாக கை வைப்பது என்பதை நீங்களும் அறிந்து கொள்வீர்கள்.

உடல் மொழியை பயன்படுத்துங்கள்

அக்கறையுடன் கவனிப்பது எப்படி என்று தெரிந்து கொண்டால் உங்கள் உறவு மென்மையாக திகழும். அதற்கு உடல் மொழியை பயன்படுத்துவது ஒரு சிறந்த வழியாக இருக்கும். அப்படி செய்யும் போது அவர்கள் தங்கள் பேச்சை இன்னமும் சுவாரசியத்துடன் தொடர்வார்கள்.

ஊக்கப்படுத்துங்கள்

உங்கள் துணை எதையாவது பேசிக் கொண்டிருக்கும் போது, அவர்களை ஊக்கப்படுத்துங்கள். பல நேரங்களில் உங்களுக்கு முக்கியமில்லாததாக படுவது அவர்களுக்கு முக்கியமானதாக படும். அதனால் காது கொடுத்து கேட்கும் போது அவர்களின் உணர்ச்சிகளுக்கும் மரியாதை கொடுங்கள்.