மாடர்ன் பெண்கள் vs லோக்கல் பாய்ஸ் மத்தியில் லவ் அதிகமாக ஏற்படுவதற்கான காரணங்கள்!!!

லோக்கல் பாய்ஸ் அடிப்படை தகுதிகள்

லோக்கல் பாய்ஸ் என்பவர்களுக்கு என ஓர் தனி தகுதி இருக்கிறது, முகத்தை கடுப்பாகவும், உடலை எடுப்பாகவும் வைத்திருக்க வேண்டும். எப்போதுமே சட்டையில் மேல் பட்டன் இரண்டினை கழற்றி விட்டிருக்க வேண்டும். உள்ளுக்குள் கருப்பு நிற பனியன் அணிந்திருக்க வேண்டும். ஜீன்ஸ் தவிர வேறு எந்த வகை பேண்ட்டும் அணியவே கூடாது. இந்த அடிப்படை தகுதிகள் இருப்பவர்கள் மட்டும் தான் லோக்கல் பாய்ஸ் எனும் பெயருக்கு தகுதியானவர்கள். இந்த கெத்து தான் பெண்களை மிகவும் ஈர்க்கிறது.

லோக்கல் பாய்ஸ் வகைகள்

கல்லூரியில் உலாவும் லோக்கல் பாய்ஸ் என கூறப்படுபவர்கள் ரவுடிகள் அல்ல. மேலோட்டமாக உதார்விட்டு திரிபவர்கள். இவர்களது பன்ச் வசனங்கள், அசால்ட்டான பாவனைகள். பத்து பேருக்கு நடுவில் தனியாய் தெரியும் தன்மை போன்றவை தான் பெண்களுக்கு இவர்கள் மேல் ஏற்படும் முதல் கவர்ச்சி.

கெத்து

கலை அறிவியல் கல்லூரியில் பெரும்பாலும் விஸ்காம் மாணவர்களும், பொறியியல் கல்லூரியில் பெரும்பாலும் மெக்கானிக்கல் மாணவர்களும் தான் அதிகமான லோக்கல் பாய்ஸாக இருப்பார்கள். ஏனெனில், இந்த பிரிவுகளில் தான் பெண்கள் குறைவான எண்ணிக்கையில் இருப்பார்கள், மானம், கெளரவம் போன்றவை பற்றி கவலைப்பட தேவையில்லை. இதனால் இவர்களது கெத்துக்கு எந்த குறைச்சலும் இருக்காது.

பருவ பெண்களுக்கு பிடிக்க காரணம்

எந்த பிரச்சனை என்றாலும் அதை துணிச்சலாக எதிர்கொள்வது, யாருக்கும் பயப்படாமல் இவர்கள் செய்யும் செயல்கள், மற்றவர்கள் இவர்களை பற்றி அதிகமாக பேசுவது போன்றவை பருவ பெண்களுக்கு இவர்களை பிடிக்க முக்கிய காரணமாக இருக்கிறது.

கல்லூரி காதல் கதைகள்

ரீலில் மட்டுமின்றி, ரியல் வாழ்க்கையிலும் கூட பெரும்பாலான கல்லூரி பயிலும் மாணவர் மத்தியில் மாடர்ன் பெண்களுக்கும் லோக்கல் பாய்ஸ்களுக்கும் தான் அதிகமாக காதல் மலர்கிறது.

காதல் டூ கல்யாணம்

ஆனால், கல்லூரி முடிந்து வேலை, வாழ்க்கையில் செட்டில் என்பது போன்ற எண்ணங்கள் மனதில் போது இந்த வகை காதல்கள் மெல்ல, மெல்ல காணாமல் போய் விடுகிறது. எந்த புரிதலும் இன்றி, வெறும் கவர்ச்சியினால் ஏற்படும் இந்த காதல்கள் கல்லூரி வாழ்க்கையோடு சேர்ந்து முடிவிற்கு வந்துவிடுகிறது.

ஒன்றிரண்டு மட்டுமே பாஸ் ஆகின்றன

கல்லூரியிலும் ஜாலியாய் வாழ்ந்துவிட்டு, எதிர்கால வாழ்க்கையின் மீதும் சரியான அக்கறையோடு இருக்கும் ஒருசில காதல் ஜோடிகள் மட்டுமே காதலில் பாஸாகி, திருமண பந்தத்தில் இணைகின்றனர்.

இது வெறும் மாயை

பருவ வயதில், திரைப்படத்தின் தாக்கத்தினால் ஏற்படும் மோகம் மற்றும் சில ஈர்க்கும் செயல்களை கண்டு இவர்கள் காதல் என்ற பெயரில் மாயை உறவில் விழுந்தாலும், உண்மையை உணரும் போது, போதுமான முதிர்ச்சியின்மையினால் பிரிந்து விடுகிறார்கள்.