கிறுக்குத்தனமான தோழிகள் கொண்ட ஆண்களுக்கு மட்டுமே கிட்டும் பாக்கியங்கள் - ஜமாய்!!!

புகைப்படம்

அம்மா, சகோதரிக்கு அடுத்து நம்முடன் எண்ணற்ற புகைப்படங்கள் எடுத்துக் கொள்ளும் பெண்கள் இவர்கள் மட்டுமே. நம்மில் பெரும்பாலானோர் முகப்புத்தகத்தில் யாரேனும் அவரது தோழிகளுடன் புகைப்படத்தை பகிரும் போது, நன்றாக இருந்தாலும் லைக் செய்யாமல் போயிருப்போம்.

அதற்கு காரணம் இது தான். (நமக்கு ரக்ஷா பந்தனுக்கு ராக்கி கட்டவே ஆளில்ல...)

பிரியாத துணை

நாம் எங்கு சென்றாலும் சரி, அவர்கள் எங்கு சென்றாலும் சரி, அதில் பிரியாத துணையாய் பயணிப்பார், நம்மையும் பயணிக்க வைப்பார்கள். இதில், வீடு வரை வந்து இன்னுமா நீ ரெடி ஆகல என உரிமையோடு அதட்டும் தோழிகளும் இருக்கிறார்கள்.

காதலி இல்லாத குறைகாண நிவர்த்தி

பார்க், பீச், தியேட்டர், கோவில் என எங்கு சென்றாலும் சரியாக நம் கண் முன்னாடியே ஜோடியாக வந்து கடுப்படிப்பார்கள் சிலர். இது பல ஆண்களின் மனதில் அணையாத சோகமாய் சுடர்விட்டு எரிந்துக் கொண்டிருக்கும். இந்த குறையை போக்கி நிவர்த்தி செய்பவர்கள் பெண் தோழிகள்.

அதட்டலும், மிரட்டலும்

சில ஆண்கள், அம்மாவின் பேச்சை கேட்க மறுத்தாலும், தங்களது தோழியின் பேச்சை மீரமாட்டர்கள். அதட்டி, மிரட்டி, ஆண்களை ஒரு வேலை செய்ய வைக்க பெண் தோழிகளால் மட்டுமே முடியும். இதெல்லாம் பெண் தோழிகள் உள்ள ஆண்களுக்கு மட்டுமே தெரிந்த விஷயங்கள்.

சண்டை சச்சரவுகள்

பெண் தோழிகள் இருப்பதால், உங்களுக்கான கடமைகளும் நிறைய இருக்கிறது. அவர்களை பெற்றோருக்கு இணையாக பத்திரமாக பார்த்துக் கொள்ள வேண்டும். யாரவது கேலி கிண்டல் செய்தால் சண்டைக்கு செல்ல வேண்டிய கட்டாயங்கள் கூட ஏற்படும்.

உறுதுணை

அம்மாவுக்கு பிறகு, நமது கனவுகள் நிறைவேற உறுதுணையாய் இருக்கும் பெண். நாம் எவ்வளவு முறை விழுந்தாலும், உன்னால் முடியும் என மனதளவில் நிறைய தெம்பூட்டும் நபர் பெண் தோழி தான். இவர்களது உறுதுணையில் அன்பும், அக்கறையும் கொஞ்சம் அதிகமாகவே இருக்கும்.

காதலுக்கு உதவுதல்

ஒரு பெண்ணின் மனது இன்னொரு பெண்ணுக்கு தான் தெரியும் என்பார்கள். அந்த வகையில் நாம் ஓர் பெண்ணை காதலிக்கும் போது, அந்த பெண்ணை சரியாக கவர்வதற்கு சரியான முறையில் உதவுவார்கள். மற்றும் நமக்காக தூது செல்லவும் தயங்க மாட்டார்கள்.