குழந்தை முன்பு ஓர் சூப்பர் அப்பாவாக திகழ நீங்கள் என்ன செய்ய வேண்டும்?

குழந்தையின் கனவுகள்

உங்களது கனவுகளை அவர்கள் மீது திணிக்காமல், அவர்களது கனவுகள் என்ன என்று கண்டறிந்து. அதை மெய்ப்பிக்க அவர்களுக்கு சிறந்த வழிக்காட்டியாக திகழ வேண்டும்.

நேரம் ஒதுக்குதல்

நீங்கள் உங்கள் குழந்தைக்கு செலவுக்கு நிறைய பணம் கொடுப்பதைவிட, அவர்களுடன் நிறைய நேரம் செலவழிக்க வேண்டும். இந்த நேரத்தில் தான் அவர்கள் என்ன மனநிலையில் இருக்கிறார்கள், அவர்களுக்குள் என்ன எண்ணங்கள் ஓடுகிறது, என்றெல்லாம் தெரிந்துக் கொள்ள முடியும். அதை தெரிந்துக் கொண்டு அதை ஓர் ஆசானாக இருந்து நெறிப்படுத்த வேண்டும்.

பிடித்தவை நினைவுக் கொள்தல்

உங்கள் குழந்தையிடம் வெறும் தந்தையாக மட்டும் இல்லாமல், அவருக்கு பிடித்ததை எல்லாம் நினைவில் கொண்டு, ஆச்சரியமூட்டும் ஓர் நல்ல நண்பனாகவும் இருக்க வேண்டும்.

வெளியே அழைத்து செல்தல்

குறைந்த பட்சம் இரண்டு வாரத்திற்கு ஒருமுறையாவது வெளியே அழைத்து செல்வது, வருடத்திற்கு இரண்டு முறையாவது வெளியூர்களுக்கு கூட்டி வருதல் போன்றவை எல்லாம், குழந்தைகளுக்கு உங்கள் மீது அளவுக் கடந்த பாசத்தை உண்டாகும். அதற்கும் மேலாக நிறைய அழகான நினைவுகளை அவர்களுக்கு இது பரிசளிக்கும்.

காது கொடுத்து அவர்கள் பேசுதலை கேட்க வேண்டும்

குழந்தைகள் என்ன கூறுகிறார்கள் என்று முதலில் காது கொடுத்து கேட்க வேண்டும். அது தான் நல்ல தகப்பனின் முதல் தலையாய பண்பு. அப்போது தான் அவர்களுக்கு அறிவுரையாக இருந்தாலும் கூட சரியாக கூற முடியும்.