For Quick Alerts
ALLOW NOTIFICATIONS  
For Daily Alerts

காளான் மஞ்சூரியன்

Posted By:
|

உங்கள் வீட்டில் உள்ளோர் மாலை வேளையில் சாப்பிட ஸ்நாக்ஸ் ஏதாவது கேட்கிறார்களா? அதுவும் வாய்க்கு நல்ல விருந்தளிக்கும் வகையில் கேட்கிறார்களா? உங்கள் வீட்டில் காளான் உள்ளதா? அப்படியானால் அந்த காளானைக் கொண்டு ஒரு அட்டகாசமான சுவையுடன் காளான் மஞ்சூரியனை செய்து சாப்பிடுங்கள். இந்த காளான் மஞ்சூரியனை நீங்கள் இதுவரை ஹோட்டலில் தான் சுவைத்திருப்பீர்கள். ஆனால் இதை எளிய முறையில் வீட்டிலேயே செய்யலாம்.

உங்களுக்கு காளான் மஞ்சூரியனை எப்படி செய்வதென்று தெரிந்து கொள்ள வேண்டுமா? கீழே காளான் மஞ்சூரியன் ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

தேவையான பொருட்கள்:

* பட்டன் காளான் - 250 கிராம் (இரண்டாக வெட்டிக் கொள்ளவும்)

* நல்லெண்ணெய் - 1 டீஸ்பூன்

* ஸ்பிரிங் ஆனியன் - 1/2 கப் (பொடியாக நறுக்கியது)

* இஞ்சி - 1 இன்ச் (பொடியாக நறுக்கியது)

* பச்சை மிளகாய் - 2 (பொடியாக நறுக்கியது)

* பூண்டு - 4 பல் (பொடியாக நறுக்கியது)

சாஸ் தயாரிப்பதற்கு...

* சோள மாவு - 1 டீஸ்பூன்

* சில்லி சாஸ் - 1 டேபிள் ஸ்பூன்

* தக்காளி கெட்சப் - 1 டேபிள் ஸ்பூன்

* சோயா சாஸ் - 1 டேபிள் ஸ்பூன்

* தண்ணீர் - 1/2 கப்

மாவு தயாரிப்பதற்கு...

* சோள மாவு - 3 டேபிள் ஸ்பூன்

* மைதா மாவு - 5 டேபிள் ஸ்பூன்

* தண்ணீர் - 1/4 கப்

* மிளகுத் தூள் - 1 டீஸ்பூன்

* உப்பு - சுவைக்கேற்ப

செய்முறை:

* ஒரு பௌலில் சாஸ் தயாரிப்பதற்கு கொடுத்துள்ள சோள மாவு, சில்லி சாஸ், தக்காளி கெட்சப், சோயா சாஸ் மற்றும் நீர் சேர்த்து நன்கு கலந்து கொள்ள வேண்டும்.

* மற்றொரு பௌலில் சோள மாவு, மைதா, தண்ணீர், உப்பு மற்றும் மிளகுத் தூள் சேர்த்து ஓரளவு கெட்டியாக கலந்து கொள்ள வேண்டும்.

* பின் ஒரு வாணலியை அடுப்பில் வைத்து, அதில் பொரிப்பதற்கு தேவையான அளவு எண்ணெய் ஊற்றி சூடானதும், காளானை மாவில் பிரட்டி எண்ணெயில் போட்டு பொன்னிறமாக பொரித்து, தனியாக ஒரு தட்டில் வைத்துக் கொள்ள வேண்டும்.

* பின்பு ஒரு கடாயை அடுப்பில் வைத்து, அதில் எண்ணெய் சிறிது ஊற்றி சூடானதும், இஞ்சி, பூண்டு சேர்த்து சில நொடிகள் வதக்கி, பின் ஸ்பிரிங் ஆனியன், பச்சை மிளகாய் சேர்த்து சில நொடிகள் வதக்க வேண்டும்.

* பிறகு அதில் தயாரித்து வைத்துள்ள சாஸ் கலவையை ஊற்றி, சுவைக்கேற்ப உப்பு சேர்த்து, ஓரளவு கெட்டியாகும் வரை கிளறி விட வேண்டும்.

* பின் அதில் பொரித்து வைத்துள்ள காளானை சேர்த்து 2 நிமிடம் நன்கு கிளறி இறக்கினால், சுவையான காளான் மஞ்சூரியன் தயார்.

Image Courtesy: archanaskitchen

[ of 5 - Users]
English summary

Mushroom Manchurian Recipe In Tamil

Want to know how to make a mushroom manchurian recipe at home? Take a look and give it a try...