For Quick Alerts
ALLOW NOTIFICATIONS  
For Daily Alerts

கொங்குநாடு கோழி குழம்பு

வார இறுதி நாட்களில் வித்தியாசமான ரெசிபிக்களை வீட்டில் செய்ய விரும்புபவரா? அதுவும் நீங்கள் சிக்கன் பிரியரா? அப்படியானால் இந்த வார இறுதியில் உங்கள் வீட்டில் கொங்குநாடு கோழி குழம்பை வீட்டில் செய்யுங்கள்.

Posted By:
|

வார இறுதி நாட்களில் வித்தியாசமான ரெசிபிக்களை வீட்டில் செய்ய விரும்புபவரா? அதுவும் நீங்கள் சிக்கன் பிரியரா? அப்படியானால் இந்த வார இறுதியில் உங்கள் வீட்டில் கொங்குநாடு கோழி குழம்பை வீட்டில் செய்யுங்கள். இந்த கோழி குழம்பு சாதம், புலாவ், பிரியாணி ஆகியவற்றுடன் சேர்த்து சாப்பிட சூப்பராக இருக்கும். இது தவிர ரொட்டி, பரோட்டா ஆகியவற்றுடனும் சேர்த்து சாப்பிடலாம். உங்களுக்கு கொங்குநாடு கோழி குழம்பு எப்படி செய்வதென்று தெரிந்து கொள்ள வேண்டுமா?

Kongunadu Kozhi Kuzhambu Recipe In Tamil

கீழே கொங்குநாடு கோழி குழம்பு ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

தேவையான பொருட்கள்:

குழம்பு மிளகாய் தூள் செய்வதற்கு...

* வரமிளகாய் - 100 கிராம்

* மல்லி விதைகள் - 300 கிராம்

* சீரகம் - 25 கிராம்

* மிளகு - 25 கிராம்

குழம்பு செய்வதற்கு...

* நல்லெண்ணெய் - 1/4 கப்

* சோம்பு - 1 டீஸ்பூன்

* பட்டை - 1 துண்டு

* ஏலக்காய் - 3

* கிராம்பு - 3

* பெரிய வெங்காயம் - 1 (நறுக்கியது)

* பச்சை மிளகாய் - 2

* இஞ்சி பூண்டு விழுது - 1 டேபிள் ஸ்பூன்

* தக்காளி - 2 (நறுக்கியது)

* குழம்பு மிளகாய் தூள் - 3-4 டேபிள் ஸ்பூன்

* உப்பு - சுவைக்கேற்ப

* சிக்கன் - 1/2 கிலோ

* தண்ணீர் - தேவையான அளவு

செய்முறை:

* முதலில் குழம்பு மிளகாய் தூள் செய்வதற்கு கொடுத்துள்ள பொருட்களை லேசாக வறுத்து, மிக்சர் ஜாரில் போட்டு நன்கு அரைத்து பொடி செய்து கொள்ள வேண்டும்.

* பின் சிக்கனை நன்கு சுத்தமாக நீரில் கழுவி தனியாக வைத்துக் கொள்ள வேண்டும்.

* பின்னர் ஒரு வாணலியை அடுப்பில் வைத்து, அதில் எண்ணெய் ஊற்றி சூடானதும், சோம்பு, பட்டை, ஏலக்காய், கிராம்பு சேர்த்து தாளிக்க வேண்டும்.

* பின்பு அதில் வெங்காயம், பச்சை மிளகாய் சேர்த்து நன்கு பொன்னிறமாக வதக்க வேண்டும்.

* அடுத்து அதில் இஞ்சி பூண்டு விழுது சேர்த்து பச்சை வாசனை போக நன்கு வதக்கி, பின் தக்காளியை சேர்த்து, சிறிது உப்பு சேர்த்து நன்கு மென்மையாகும் வரை வதக்க வேண்டும்.

* பிறகு அதில் குழம்பு மிளகாயை தூள் மற்றும் சுவைக்கேற்ப உப்பு சேர்த்து கிளறி விட வேண்டும்.

* பின் அதில் சிக்கனை சேர்த்து நன்கு கிளறி, தேவையான அளவு நீரை ஊற்றி, மூடி வைத்து 20 நிமிடம் வேக வைத்து இறக்கினால், சுவையான கொங்குநாடு கோழி குழம்பு தயார்.

Image Courtesy: yummytummyaarthi

[ of 5 - Users]
English summary

Kongunadu Kozhi Kuzhambu Recipe In Tamil

Want to know how to make a kongunadu kozhi kuzhambu recipe at home? Take a look and give it a try...
Story first published: Saturday, October 30, 2021, 20:12 [IST]
Desktop Bottom Promotion