ஆடி கிருத்திகை ஸ்பெஷல் கோதுமை நெய் அப்பம் ரெசிபி - இந்த மாதிரி ட்ரை பண்ணுங்க - டேஸ்ட் பிரமாதமா இருக்கும்

Aadi Krithigai Special Kothumai Appam Recipe in Tamil: ஆடி மாதத்தில் பல முக்கியமான பண்டிகைகள் வருகிறது. அதில் முக்கியமான ஒரு பண்டிகைதான் ஆடு கிருத்திகை. பொதுவாக ஒவ்வொரு மாதமும் வரும் கிருத்திகை நாளானது தமிழ்க் கடவுள் முருகனை வழிபடுவதற்கான சிறந்த நாளாகக் கருதப்படுகிறது. குறிப்பாக ஆடி மாதம் வரும் கிருத்திகை நாளானது மிகவும் சிறப்பான நாளாகக் கருதப்படுகிறது. இந்த நாளில் முருகனுக்கு பிடித்த உணவுகளை செய்து வழிபடுவது அவரது ஆசியை பெற உதவும். அப்படி முருகனின் அருளைப் பெற உதவும் ஈசியாக செய்யக்கூடிய ஒரு உணவுதான் கோதுமை அப்பம்.

கோதுமை, வாழைப்பழம் மற்றும் வெல்லம் இருந்தால் போதும் இந்த அப்பத்தை எளிதாக செய்து விடலாம். இந்த கோதுமை அப்பம் செய்வதற்கு மிகவும் சுலபமாக இருப்பதோடு, குழந்தைகள் முதல் பெரியவர்கள் வரை அனைவரும் விரும்பி சாப்பிடக்கூடிய வகையிலும் இருக்கும். அதோடு இந்த கோதுமை அப்பத்தை ஒருமுறை செய்தால், 2 நாட்கள் வரை வைத்து சாப்பிடலாம். ஆடி கிருத்திகை மட்டுமின்றி இந்த அப்பத்தை நீங்கள் விரும்பும் போதெல்லாம் டக்குனு செய்து விடலாம்.

உங்களுக்கு சுவையான கோதுமை அப்பத்தை எப்படி செய்வதென்று தெரிந்து கொள்ள வேண்டுமா? கீழே கோதுமை அப்பம் ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

தேவையான பொருட்கள்:

- 1 கப் கோதுமை மாவு
- 2 ஸ்பூன் அரிசி மாவு
- 1 வாழைப்பழம்
- 1 சிட்டிகை ஏலக்காய் தூள்
- 1 கப் துருவிய வெல்லம்
- 2 ஸ்பூன் துருவிய தேங்காய்
- ¼ கப் நெய்
- 1 சிட்டிகை உப்பு
- 2 சிட்டிகை சமையல் சோடா

செய்முறை:

- ஒரு பாத்திரத்தில் ⅓ கப் தண்ணீர் எடுத்துக்கொள்ளவும். அதில் வெல்லத்தைச் சேர்த்து, அது முழுமையாகக் கரையும் வரை சூடாக்கவும்.

- வெல்லம் முழுமையாகக் கரைந்ததும், அதை வடிகட்டி வெல்லக் கரைசலைத் தனியாக எடுத்து வைக்கவும்.

- ஒரு பாத்திரத்தில் கோதுமை மாவை எடுத்துக்கொள்ளவும். அதனுடன் அரிசி மாவு, துருவிய தேங்காய், ஏலக்காய் தூள் மற்றும் உப்பு சேர்த்து நன்றாகக் கலக்கவும்.

- ஒரு பாத்திரத்தில் கோதுமை மாவை எடுத்துக்கொள்ளவும். அதனுடன் அரிசி மாவு, துருவிய தேங்காய், ஏலக்காய் தூள் மற்றும் உப்பு சேர்த்து நன்றாகக் கலக்கவும்.

- இப்போது, ​​நறுக்கி வைத்துள்ள வாழைப்பழத் துண்டுகளை மாவு கலவையுடன் சேர்க்கவும். வாழைப்பழத்தை நன்றாக மசித்தும் சேர்க்கலாம்.

- இப்போது வடிகட்டி வைத்துள்ள வெல்லப்பாகை மாவில் சேர்க்கவும்.

- மாவு மற்றும் வாழைப்பழம் ஆகியவை வெல்லக் கரைசலுடன் நன்றாகக் கலக்குமாறு நன்கு கலக்கவும்.

- இறுதியாக, சமையல் சோடா சேர்த்து மெதுவாகக் கலக்கவும். அப்பம் மாவின் பதத்திற்கு ஏற்பத் தண்ணீர் சேர்க்கவும்.

- இப்போது பணியாரக் கல்லைச் சூடாக்கி, ஒவ்வொரு குழியிலும் அரை ஸ்பூன் நெய் ஊற்றவும். நெய் சூடானதும், ஒவ்வொரு குழியிலும் முக்கால் பாகம் நிறையும் வரை அப்பம் மாவை ஊற்றவும்.

- தீயைக் குறைத்து வைத்து ஒரு நிமிடம் வேகவிடவும். பிறகு அப்பங்களை கவனமாகத் திருப்பிப் போட்டு, மறுபுறமும் பொன்னிறமாகும் வரை குறைந்த தீயில் வேகவைக்கவும். அப்பத்தின் உட்பகுதி நன்றாக வெந்துள்ளதா என்பதை சோதித்து விட்டு கல்லிலிருந்து எடுக்கவும்.

- இதேபோல மீதமுள்ள மாவையும் ஊற்றி எடுத்தால் சுவையான கோதுமை அப்பம் ரெடி!