பெற்றோர்களே! உங்க குழந்தை பயப்படாமலும் பதட்டப்படாமலும் இருக்க... நீங்க என்ன செய்யணும் தெரியுமா?

தலைமையை ஏற்கட்டும்

உங்கள் குழந்தையுடன் உரையாடும் போது, அவர்களுக்கு தேவையான ஆலோசனைகளை மட்டும் நீங்கள் வழங்குங்கள். எல்லாவற்றிலும் ஆலோசனையை வழங்க வேண்டாம். அவர்களுடைய பிரச்சனைகளை அவர்களே சமாளிக்கட்டும். வயதுக்கு ஏற்ற சவால்களை சுயமாக அவர்கள் எதிர்கொள்ளட்டும். உங்கள் குழந்தைகளின் திறனை அவர்கள் நம்பட்டும். ஒரு செயலை சுயமாக அவர்களே செய்யும்போது, அவர்களின் எதிர்கால வாழ்க்கையை அவர்களால் சமாளிக்க முடியும். எதிலும் தலைமை பொறுப்பு ஏற்று அவர்களால், வழிநடத்த முடியும்.

விளையாட விடுங்கள்

குழந்தைகளுக்கு கவலை மற்றும் பயத்தை ஏற்படுத்தும் சூழ்நிலையை சமாளிக்க அவர்களை விளையாட விடுங்கள். விளையாட்டின்போது, வழிமுறைகளை பின்பற்றி விளையாடவும் அவர்களின் மனதை ஒருநிலை படுத்தவும், வெற்றியை நோக்கி செல்லவும் அவர்களுக்கு ஊக்கம் கொடுங்கள். உங்கள் குழந்தைகள் பின்வாங்க விரும்பும்போது, அவர்களுக்கு ஊக்கம் அளித்து, உறுதுணையுடன் இருங்கள்.

தன்னம்பிக்கையூட்டும் உரையாடலை மேற்கொள்ளுங்கள்

உங்கள் குழந்தையிடம் தன்னம்பிக்கையூட்டும் வகையில் உரையாடலை நீங்கள் மேற்கொள்ள வேண்டும். இது அவர்களின் பயத்தை போக்கி, வலிமையானவர்களாகவும் நம்பிக்கையானவர்களாகவும் மாற்றும். நேர்மையாக இருக்க உங்கள் குழந்தைக்கு கற்றுக்கொடுங்கள். அதிகாரமளிக்கும் உரையாடல்களின் மூலம் சவாலான சூழ்நிலைகளை சமாளிக்க உதவும் திறன்களை உங்கள் குழந்தைகள் வளர்க்க உதவி செய்யுங்கள்.

உடல் உணர்வுகளை

உங்கள் குழந்தைகளின் பதட்டத்துடன் தொடர்புடைய உடல் உணர்வுகளை நீங்கள் அடையாளம் காண வேண்டும். உங்கள் குழந்தையின் உடலைத் தளர்த்தவும் மற்றும் ஓய்வெடுக்கவும், மனதை அமைதிப்படுத்தவும் பயிற்சிகள் மூலம் அவர்களுக்கு வழிகாட்டுங்கள். தியானம் மற்றும் சுவாசம் போன்ற பயிற்சிகள் செய்ய அவர்களுக்கு கற்றுக்கொடுங்கள். பதட்டத்தின் போது, சுவாச பயிற்சி செய்ய அவர்களுக்கு அறிவுறுத்துங்கள்.

உடல் தொடுதலின் மூலம் ஆறுதல்

கட்டிப்பிடிப்பது அல்லது உங்கள் குழந்தையின் கையைப் பிடிப்பது அவர்களின் கவலையைத் தணித்து, அவர்களுக்கு ஆறுதல் உணர்வைத் தரும். நீங்கள் அவர்களுடன் இருக்கிறீர்கள் என்பதை உடல் தொடுதலில் மூலம் உங்கள் குழந்தைக்கு காட்டலாம். உங்கள் குழந்தையின் பயம் மற்றும் பதட்டம் குறையும் வரை உங்கள் கைகளால் குழந்தையைப் பற்றிக் கொள்ளுங்கள்.