அம்னோடிக் திரவம் குறைவாக இருந்தால் கருவில் இருக்கும் குழந்தை பாதுகாப்பாக இருக்குமா?

சாத்தியமான காரணங்கள்:

பிறவி குறைபாடுகள்

அமினோடிக் திரவம் குழந்தையின் சிறுநீர் வெளிப்பாட்டை சார்ந்துள்ளது என்பதால், குறைவான அம்னோடிக் திரவம் சிறுநீரகங்களின் வளர்ச்சியிலோ அல்லது சிறுநீர் பாதையிலோ உள்ள சிக்கல்களைக் குறிக்கும். இது குறைந்த சிறுநீர் வெளியீட்டிற்கு வழிவகுக்கிறது.

நஞ்சுக்கொடி பிரச்சனைகள்

நஞ்சுக்கொடி தான் வயிற்றில் வளரும் குழந்தைக்கு போதுமான இரத்தத்தையும் ஊட்டச்சத்துகளையும் வழங்குகிறது. இந்த செயல்களை செய்யத் தவறும் போது அமினோடிக் திரவம் மறுசுழற்சி செய்வது தடுக்கப்படலாம். இதனாலும் அமினோடிக் திரவத்தில் குறைவு ஏற்படலாம்.

சவ்வுகளில் கசிவு ஏற்படுதல்

குழந்தையை வயிற்றில் பிடித்திருக்கும் சவ்வுகளில் கிழிசல் அல்லது கசிவு ஏற்படலாம். இதனாலும் குறைந்த அமினோடிக் திரவ அளவு ஏற்படக்கூடும். இது சவ்வுகளின் முன்கூட்டிய சிதைவு அல்லது PROM என்று அழைக்கப்படுகிறது.

நீடித்த கர்ப்ப நாள்

கர்ப்பம் ஒரு வேளை குறித்த பிரசவ தேதிக்கு அப்பால் செல்லும் போது அமினோடிக் திரவக் குறைவு ஏற்படலாம்.

தாய்வழி சுகாதார சிக்கல்கள்

கர்ப்ப காலத்தில் பெண்களுக்கு உயர் இரத்த அழுத்தம், ப்ரீக்ளாம்ப்சியா, கர்ப்பகால நீரிழிவு நோயால் பாதிக்கப்பட்டிருந்தால், இவை அமினோடிக் திரவ அளவில் மாற்றத்தை உண்டாக்கும்.

இது எவ்வாறு குழந்தையை பாதிக்கிறது?

குழந்தையின் வளர்ச்சிக்கு அமினோடிக் திரவம் முக்கியமானது என்பதால் இது குழந்தையின் தசைகள் மற்றும் கை கால் வளர்ச்சிக்கு உதவுகிறது. பின்னர் குழந்தை சுவாசிக்க மற்றும் நுரையீரல் உருவாகிய உடன் குழந்தை திரவத்தை விழுங்க கற்றுக் கொள்கிறது. இதனால் அமினோடிக் திரவம் குறைகிறது. அமினோடிக் திரவம் குறையும் போது குழந்தையின் வளர்ச்சி தடைபடுகிறது.

என்ன செய்ய வேண்டும்?

தாயின் வயிற்றில் உள்ள அமினோடிக் திரவத்தை அதிகரிக்க முடியாது. இருப்பினும் தாயால் திரவ உணவுகளை உட்கொள்வது மூலம் அமினோடிக் திரவத்தை மேம்படுத்த உதவும். இது குழந்தையின் கர்ப்ப வயதைப் பொறுத்தது. ஆரம்ப கால கர்ப்ப காலத்தில் அமினோடிக் திரவ குறைவு நடந்தால், மருத்துவர்கள் காத்திருப்பு மற்றும் கண்காணிப்பு அணுகுமுறையை எடுத்துக் கொண்டு, தாயின் திரவ உட்கொள்ளலை மேம்படுத்தும் படி பரிந்துரைப்பார்கள். ஆனால் கர்ப்பத்தின் பிற்காலத்தில் இது நடந்தால் உடனடியாக அறுவை சிகிச்சை தாய்க்கு பரிந்துரைக்கப்படலாம் என்று மருத்துவர்கள் கூறுகின்றனர்.