45 வயதிலும் கவர்ச்சி குறையாமல் சிக்கென்று இருக்கும் ஷில்பா ஷெட்டி - எப்படின்னு தெரிஞ்சுக்கணுமா?

கர்ப்பம்

கர்ப்பம் என்பது ஒவ்வொரு தாய்க்கும் ஒரு அழகான வாழ்வில் மறக்க முடியாத ஒரு அனுபவமாகும். ஆனால் துரதிர்ஷ்டவசமாக, இது உடலில் கொழுப்பை சேர்த்துவிடுவதோடு, அதைக் கரைக்க பல சிரமப்பட வேண்டியிருக்கிறது. சில பெண்களுக்கு அந்த கொழுப்பை கரைப்பதே முடியாத ஒன்றாக உள்ளது. பெரும்பாலான பெண்கள் கர்ப்ப காலத்தில் சுமார் 15-30 கிலோ வரை எடை அதிகரிக்கிறார்கள். அதில் நடிகைகள் மட்டும் விதிவிலக்கல்ல. நிறைய பாலிவுட் நடிகைகள் பிரசவத்திற்கு பின் உடல் பருமனாகிறார்கள். ஆனால் அவர்கள் தங்கள் உடல் எடையைக் குறைக்க தங்களை அர்ப்பணிக்கிறார்கள். அதில் ஷில்பா ஷெட்டியும் ஒருவராவார்.

ஷில்பாவின் கர்ப்ப காலம்

ஷில்பா ஷெட்டி கர்ப்ப காலத்தில் 31 கிலோ எடை வரை அதிகரித்திருந்தார். இதற்கு அவர் கர்ப்ப காலத்தில் பால், நெய் மற்றும் பிற கொழுப்பு உணவுகளை உட்கொண்டது தான் காரணம். பிரசவத்திற்கு பின் உடல் எடை குறையாததைப் பற்றி அவர் மிகுந்த வருத்தம் கொண்டார். ஆனால் கடுமையான உடற்பயிற்சி மற்றும் ஆரோக்கியமான டயட் திட்டத்தை மனம் தளராமல் பின்பற்றினார். மேலும் இவர் தனது எடை இழப்பு குறித்து உலகத்துடனும் பகிர்ந்து கொண்டார். அதை ஊட்டச்சத்து மிற்றும் உடற்பயிற்சி நிபுணரான லுக் கௌடின்ஹோ உடன் இணைந்து "தி கிரேட் இந்தியன் டயட்" என்ற புத்தகத்தை எழுதினார்.

இப்போது பிரசவத்திற்கு பின் ஃபிட்டாக விரும்பும் தாய்மார்களுக்காக, ஷில்பா ஷெட்டியின் ஃபிட்னஸ் மற்றும் டயட் ரகசியங்களைக் காண்போம்.

காலை உணவு

ஷில்பா ஷெட்டி காலையில் எழுந்ததும் ஒரு டம்ளர் சுடுநீர் குடிப்பாராம். அதைத் தொடர்ந்து ஒரு தட்டு எலுமிச்சை சாறு பிழிந்த பப்பாளியை சாப்பிடுவாராம். அதன் பின் ஒரு கப் பால் டீ குடிப்பார். காலை உணவாக கஞ்சி அல்லது 2 முட்டை சாப்பிடுவாராம்.

மதிய உணவு

ஷில்பா மதிய வேளையில் 2 திணை ரொட்டி அல்லது ஒரு சிறிய பௌல் சாதம் மற்றும் தால், மீன் அல்லது காய்கறிகளை சாப்பிடுவார். முக்கியமாக மதிய உணவிற்கு பின் ஒரு துண்ட வெல்லத்தை சாப்பிடுவாராம்.

ஸ்நாக்ஸ்

ஸ்நாக்ஸ் வேளையில், அதாவது மதிய உணவு முடிந்து 2 மணிநேரம் கழித்து ஒரு டம்ளர் கொழுப்பு நீக்கப்பட்ட மோர் குடிப்பாராம். மாலையில் வெல்லம் சேர்த்த டீ குடிப்பாராம்.

இரவு உணவு

இரவு நேரத்தில் காய்கறிகள், வான்கோழி துண்டு அல்லது சால்மன் டீ நிரப்பப்பட்ட லெட்யூஸ் சாலட் சாப்பிடுவாராம். சில சமயங்களில் பன்னீர் அல்லது வறுத்த காய்கறிகளை மற்றும் புரோட்டீனுக்காக சூப் குடிப்பாராம்.

பிரசவத்திற்கு பின்னான உடற்பயிற்சி

ஷில்பா ஷெட்டி பிரசவத்திற்கு பின் தனது உடல் எடையைக் குறைக்க வாரத்திற்கு 5 நாட்கள் உடற்பயிற்சியை தவறாமல் செய்வாராம். அதில் 2 நாட்கள் யோகா, 2 நாட்கள் உடலை வலுப்படுத்தும் உடற்பயிற்சிகள் மற்றும் 1 நாள் கார்டியோ பயிற்சியையும் மேற்கொள்வாராம். அதோடு தினமும் 10 நிமிடம் தியானம் செய்வாராம். யோகாவின் இறுதியில் 10 நிமிடம் உடற்பயிற்சி செய்வது உடல் எடையைக் குறைக்க பெரிதும் உதவுவதாக ஷில்பா ஷெட்டி நம்புகிறார்.

ஷில்பா ஷெட்டியிடம் இருந்து வேறு சில டிப்ஸ்...

* ஷில்பா ஷெட்டி வாரத்திற்கு 6 நாட்கள் தவறாமல் டயட்டை மேற்கொள்வதில் உறுதியாக இருந்தார்.

* பிரசவத்திற்கு பின் ஒரு சீரான உணவில் கவனம் செலுத்தினார்.

* அவரது தினசரி கலோரி உட்கொள்ளல் 1800 ஆகும்.

* 8 மணிக்கு மேல் இரவு உணவை உண்ணமாட்டார் மற்றும் இவரது இரவு உணவானது படுக்கைக்கு செல்வதற்கு 3 மணிநேரத்திற்கு முன்பே முடித்துவிடுவார்.

* உடலில் நீர்ச்சத்து குறையாமல் இருக்க, தினமும் 10 டம்ளர் நீரை தவறாமல் குடிப்பாராம்.

* பதப்படுத்தப்பட்ட உணவுகளான வேர்க்கடலை வெண்ணெய், பாதாம் பால், கடுகு மற்றும் ஆளி விதைகளை உட்கொள்ள பரிந்துரைக்கிறார்.

* வாரத்திற்கு ஒருநாள் மட்டும் தனக்கு விருப்பமான உணவுகளை உண்பாராம்.