ஒரு தந்தை தன் மகனுக்கு கட்டாயம் கற்றுத் தர வேண்டியவைகள்!!!

பெண்களை மதிக்க வேண்டும்

உங்கள் மகனுக்குக் குழந்தையிலேயே சொல்லிக் கொடுக்க வேண்டிய முக்கிய பாடம் இது. உங்கள் மனைவியிடம் குழந்தையின் எதிரிலேயே நீங்கள் தவறாக நடக்க முயன்றால் அவன் அதிலிருந்து என்ன கற்றுக் கொள்வான்? எனவே பெண்களை உணர்வு மற்றும் உடல் ரீதியாக மதிக்கக் கற்றுக்கொடுக்கவும். இதன் மூலம் அவனுக்கும் அந்த மதிப்புத் திரும்பக் கிடைக்கும்.

அவனை ஒரு நல்ல மனிதனாக்குங்கள்

ஒரு தந்தை மகனுக்கு என்ன சொல்லிக் கொடுக்க வேண்டும்? உங்கள் நண்பர்கள், சக பணியாளர்கள் மற்றும் குடும்பதினரிடையே நீங்கள் ஒரு பாதுகாவலனாக, நல்ல பண்புகளுள்ளவராக நல்ல பழக்கங்களுள்ளவராகவும் இன்னும் பல நல்ல இயல்புகளுக்காக நல்ல பெயரை எடுத்துள்ளீர்கள். உங்கள் மகனும் அதைப் போலவே பெயரெடுக்க வேண்டும் என்று விரும்புவீர்கள் அல்லவா? எனவே தன்னம்பிக்கையுடனும், அதே வேளை பண்பாட்டுடனும் விளங்க அவனுக்குக் கற்றுக் கொடுங்கள்.

நேர்மையைக் கற்றுக் கொடுங்கள்

இது ஒவ்வொரு தந்தையும் தன் மகனுக்குக் கற்றுத்தர வேண்டிய முக்கிய பாடம். எவரும் கவனிக்காத நிலையிலும் கூட சரியானவற்றையே செய்வது உங்கள் நேர்மையினைக் குறிக்கும். இந்த உண்மையாய் இருக்கத் தூண்டும் நற்பண்பை, உங்கள் மகனுக்கு நீங்கள் சொல்லிக் கொடுப்பது அவசியம்.

கடினமாக உழைக்க வையுங்கள்

நீங்கள் உங்கள் மகனுக்குக் கற்றுத்தரவேண்டிய 10 பாடங்களுள் இது மிகவும் முக்கியமான ஒன்று. வாழ்வதற்கான எளிய முறையை அதாவது கடின உழைப்பின் மூலம் வெற்றியை அடைய முடியும் என்பதை உணர்த்துங்கள். கடின உழைப்பு என்பது ஒழுக்கமான வாழ்க்கைக்கு வழிவகுக்கும்.

அவனை பொறுப்புள்ளவனாக்குங்கள்

அவனை வலிமையுடன் வளர்ப்பதன் மூலம் அவன் சிறு வயதிலேயே பொறுப்புகளை ஏற்க முடியும். தன்னை மட்டுமே சார்ந்திருக்குமாறு வலிமையாக இருக்க அவனுக்குக் கற்றுக் கொடுங்கள். அவனை பொறுப்புள்ளவனாக்கினால், பிற்காலத்தில் கடினமான வாழ்க்கை சூழ்நிலைகளில் முடிவெடுக்க வேண்டிய தருணங்களில் தன்னம்பிக்கைக் குறைவால் அல்லல் படாமல் இருப்பான்.

அன்பு செலுத்துதல்

உங்கள் மகனை அனைவருக்கும் பிடித்து இருந்தால் அது உங்களுக்கு மகிழ்ச்சியைத் தரும் தானே? அவனை அவ்வாறு அனைவராலும் விரும்பப்படும் மனிதனாக மாற்ற, அவனை அனைவரின் மீதும் அன்பு செலுத்த வேண்டும் என்று எடுத்துக் கூறுங்கள். இல்லாதவர்களுக்குப் பகிர்ந்தளிக்கவும் அதன் மூலம் மற்றவர்களின் துன்பங்களைப் புரிந்து கொள்பவனாக நெறியுள்ளவனாக அவன் மாறவும் கற்றுக் கொடுங்கள்.

பணத்தின் அருமையைப் புரிய வையுங்கள்

உங்கள் மகனை ஊதாரியாய் இருக்க அனுமதிக்காதீர்கள். அவனின் முக்கியமற்ற அர்த்தமில்லாத தேவைகளைக் கட்டுப்படுத்தி பணத்திற்கு மதிப்பளிக்கக் கற்றுக் கொடுங்கள். அவனுக்கு பணத்தை சேமிப்பதன் சாதகங்களை சிறுவயது முதலே கற்றுத் தந்தால், அதனை அவன் பிடித்துக் கொண்டு தன்னுடைய வாழ்வில் பயன்பெறுவான்.

தன் மனைவியிடம் ஒரு சிறந்த ஆணாக இருக்கக் கற்றுக் கொடுங்கள்

ஒரு மனைவி கிடைக்க நீங்கள் செய்ய வேண்டிய அனைத்தையும் செய்தீர்கள். இப்பொழுது அவனுக்கு தன் மனைவியை தன் வாழ்வின் முக்கியமான பெண்ணை மதிக்கவும், அவளுக்காகப் போராடவும், அவளை சிறப்பாக வைத்துக் கொள்ளவும் மற்றும் பாதுகாக்கவும் கற்றுக்கொடுங்கள். நீங்கள் அவனுடைய தாய்க்கு இதையெல்லாம் செய்து அவனுக்கு உதாரணமாக இருங்கள்.

சொல்லின் செல்வனாக அவனை ஆக்குங்கள்

நீங்கள் கற்றுத் தரவேண்டியவற்றுள் இதுவும் ஒரு முக்கியமான பாடம். ஒருவருக்குத் தரும் வாக்கைக் காப்பாற்ற உங்களால் ஆன அனைத்து முயற்சிகளையும் மேற்கொள்ள வேண்டும். மாறாக, உங்களால் இயலாத காரியங்களுக்கு வாக்களிக்காமல் இருக்கக் கற்றுக் கொள்ள வேண்டும்.

சுயமரியாதை

ஒட்டுமொத்தமாக, ஒரு மனிதன் தன்னுடைய சுயமரியாதையை இழக்காமல் இருந்தால் எங்கு சென்றாலும் அவனுக்கு வெற்றி நிச்சயம். நீங்கள் வாழ்ந்த வரை கவுரமாக தலை நிமிர்ந்து வாழ்ந்ததைப் போல அவனுக்கும் வாழக் கற்றுக் கொடுங்கள்.