கொரோனா வைரஸ் - கர்ப்பிணிகள், குழந்தைகள் கவனமாக இருங்க...

ஏழாவது வைரஸ் கொரோனா

சீனாவில் உள்ள வன விலங்குகள் மாமிசங்கள் விற்கும் சந்தையில் இருந்து பரவியிருக்கிறது என்று சொன்னாலும் அது உறுதிப்படுத்தப்படவில்லை. விலங்குகள், பறவைகள், பாலூட்டிகள் என அனைத்தையும் கபளீகரம் செய்கிறது இந்த வைரஸ். கொரோனா குடும்பத்தைச் சேர்ந்த ஆறு வகையான வைரஸ் கண்டுபிடிக்கப்பட்டுள்ளது. அனைத்து வைரஸ்களுக்கும் மருந்து கண்டுபிடிக்கப்பட்டிருந்தாலும் தற்போது ஏழாவது விதமான வைரஸ் கண்டுபிடித்திருக்கிறார்கள்.

உலகம் முழுவதும் பீதி

இந்த வைரசுக்கு நாவல் கொரோனா வைரஸ் பெயர் வைத்திருக்கிறார்கள். உலகம் முழுவதும் பீதியை ஏற்படுத்தியுள்ளது கொரோனா வைரஸ் சாதாரண சளி காய்ச்சல் என்று ஆரம்பிக்கிறது. உடம்பிற்குள் புகும் வைரஸ் முதலில் நோய் எதிர்ப்பு சக்தியை குறைக்கிறது. தொண்டையை பாதிப்பு சுவாசப்பிரச்சினையை தருகிறது. வயதானவர்கள், இதயநோய் உள்ளவர்கள், நோய் எதிர்ப்பு சக்தி குறைந்தவர்களை பற்றி பரவுகிறது. எனவே கர்ப்பிணிகள், குழந்தைகள் கவனமாக இருக்க வேண்டியது அவசியம்.

காற்றில் பரவும் நோய்கள்

கர்ப்பிணிகளை எந்த நோயும் எளிதாக தாக்கும். சின்னம்மை, சர்க்கரை நோய் போன்றவை எளிதில் பாதிக்கும். எனவே தான் கர்ப்ப காலத்தில் தேவையான பாதுகாப்பு நடவடிக்கைகளை மேற்கொள்ள வேண்டும் என்கின்றனர் மருத்துவர்கள். சளி, இருமலால் பாதிக்கப்பட்டவர்கள் சுவாசப்பிரச்சினைக்கு ஆளாகின்றனர். காற்றில் இந்த வைரஸ் 24 மணிநேரம் உயிரோட இருக்குமாம். காற்றின் மூலம் இந்த வைரஸ் யாரை எப்போது தாக்கும் என்று தெரியாது. எனவே கர்ப்பிணிகள், குழந்தைகள் முகத்தை மூடி மாஸ்க் போட்டுக்கொள்வது அவசியம்.

நோய்களும் மருந்தும்

சீனாவில் பல லட்சக்கணக்கான மக்கள் இப்போது முடங்கிப் போய் இருக்கிறார்கள். காரணம் இந்த நோய்க்கு இன்னமும் மருந்து கண்டுபிடிக்கப்படவில்லை என்பதுதான் உண்மை. இந்தியாவில் சிக்கன் பாக்ஸ், அம்மை நோய், போலியோ நோய் சிக்கன் குனியா, பன்றிக்காய்ச்சல் என பல நோய்கள் கண்டுபிடிக்கப்பட்டு குணப்பட்டுத்தப்பட்டுள்ளது. அதே போல சளி காய்ச்சல் சுவாச பிரச்சினையை ஏற்படுத்தும் இந்த நோய்க்கும் நம்ம ஊர் சித்த மருத்துவத்தில் கண்டிப்பாக மருந்து கண்டுபிடித்து விடுவார்கள் என்று நம்பலாம்.

சமைத்த உணவுகளை சாப்பிடுங்கள்

இந்த கொரோனா நோய் கோழிகளை எளிதாக தாக்குகிறது. எனவே சுகாதாரமான முறையில் கோழிகளை சரியாக சமைத்து சாப்பிட வேண்டும். சுகாதாரமானமுறையில் சமைக்கப்பட்ட உணவுகளை மட்டுமே சாப்பிடுங்கள். கர்ப்பிணிகளும், குழந்தைகளும் இந்த நோய் பற்றிய அச்சம் நீங்கும் வரை அசைவ உணவுகளை தவிர்த்து விடுவது நல்லது.

கைகளை கழுவுங்கள்

சாப்பிடும் முன்பாகவும் சாப்பிட்ட பின்னரும் கைகளை கழுவுங்கள், ஹோட்டலில் சாப்பிடப்போனால் அங்கே சரியான முறையில் சுகாதாரமான முறையில் சமைக்கப்படுகிறதா என பாருங்கள். வீட்டில் சாப்பிடும் தட்டுக்களை நன்றாக கழுவுங்கள். வீட்டு சாப்பாடுகளை சரியாக சமைத்து சாப்பிடுங்கள். குளிர்பானங்கள், ஐஸ்கிரீம்களை தவிர்த்து விடுங்கள். நீங்களாக சளி, இருமல் பாதிப்பிற்கு ஆளாக வேண்டாம் என்பது மருத்துவர்களின் அறிவுரையாகும்.