கட்டிப்பிடி வைத்தியத்தால் உண்டாகும் ஆச்சரியமூட்டும் 7 நன்மைகள்

1. குழந்தையின் உடல் வெப்பநிலை

குழந்தையின் உடல் சீக்கிரமாக குளிர்ச்சியடைந்து விடும். உங்கள் குழந்தையை மார்போடு அணைத்துக்கொள்வதால் உடல் மிதமான வெப்பநிலை நீடிக்கிறது. குழந்தை கதகதப்பாக உணருகிறது.

2. சுவாச கோளாறுகளை நீக்கும்

குழந்தை பிறந்த உடன் வெளியுலக காற்றை முதல் முறையாக சுவாசிக்க சற்று கடினமாக இருக்கும். குழந்தையை மார்போடு அனைத்துக்கொள்வது, குழந்தையின் இதய துடிப்புகளை சீராக்கி, குழந்தை எளிதாக சுவாசிக்க உதவுகிறது.

3. பிரவத்திற்கு பின் மன அழுத்தமா?

பிரசவத்திற்கு பிறகு உண்டாகும் மன அழுத்தம், குழந்தையை கட்டி அணைக்கும் போது குறைகிறது. குழந்தைக்கு தாய்பால் கொடுக்கும் போது மன அழுத்தத்தை உண்டாக்கும் ஹார்மோன்கள் கட்டுப்படுத்தப்படுகின்றன.

4. பிணைப்பை அதிகரிக்கிறது

குழந்தையை மார்போடு அணைத்துக்கொள்ளும் போது, குழந்தைக்கும் தாய்க்குமான பிணைப்பு அதிகரிக்கிறது. இது தந்தைக்கும் பொருந்தும். இவ்வாறு செய்வதனால், குழந்தையின் உணர்வுகளை உங்களால் புரிந்து கொள்ள முடியும். குழந்தைக்கு பசிக்கிறதா? ஏதேனும் வலியா? என்பது போன்ற சில நுணுக்கமான விஷயங்களை நீங்கள் தெரிந்துகொள்ள முடியும்.

5.தாய்ப்பாலை அதிகரிக்கிறது

குழந்தை உடனான இந்த பிணைப்பு தாய்ப்பாலை அதிகரிக்கிறது. இது குழந்தைக்கும் தாய்க்கும் இடையே ஒரு வலுவான பிணைப்பை ஏற்படுத்துகிறது. பாட்டிலில் பால் கொடுக்கும் போதும் கூட குழந்தையை தனது மார்போடு அரவணைத்து கொடுப்பது சிறந்தது என மருத்துவர்கள் தெரிவித்துள்ளனர்.

6. எடை அதிகரிக்க உதவுகிறது

தொடர்ந்து தாயின் மிக நெருங்கிய அரவணைப்பில் இருக்கும் குழந்தைகளுக்கு, பொதுமான அளவு எடை அதிகரிக்கிறது. இது பிறந்த குழந்தைகளின் எடையை அதிகரிக்க சிறந்த வழியாக சொல்லப்படுகிறது.

7.நன்றாக தூங்க உதவும்

குழந்தையை உங்கள் சருமத்துடன் சேர்த்து அரவணிப்பது, குழந்தை நிம்மதியான, ஆழ்ந்த தூக்கம் கொள்ள உதவுகிறது.