தவெக விஜய் டெல்லி சிபிஐ-ல் ஆஜர்: இதுவரை ஜெயிலில் அடைக்கப்பட்ட இந்திய உச்ச நடிகர்கள் யார் யார் தெரியுமா?

இந்தியாவில் அரசியல்வாதிகளை விட அதிக புகழையும், பிரபலத்தையும் அடைபவர்கள் நடிகர்/நடிகைகள்தான். இந்தியாவில் சினிமாவை சேர்ந்தவர்களை ரசிப்பவர்களை விட அவர்களை வழிபடுபவர்களே அதிகமாக இருக்கிறார்கள். தங்களுக்கு பிடித்த நடிகர்கள் எவ்வளவு பெரிய குற்றத்தை செய்தாலும் அவர்கள் மேல் வெறுப்பு கொள்ளாமல் அவர்களுக்கு பக்க பலமாக இருக்கும் ரசிகர்களே இங்கு அதிகமாக உள்ளனர். இது மிகவும் துரதிர்ஷ்டமான ஒரு விஷயமாகும்.

எவ்வளவு புகழ் பெற்ற நடிகராக இருந்தாலும் அவர்களும் சட்டத்திற்கு முன் விதிவிலக்கானவர்கள் அல்ல என்பதை நிரூபிக்கும் பல சம்பவங்கள் இதுவரை இந்தியாவில் நடந்துள்ளது. ஆனால் அதுபோல குற்றத்திற்காக சிறை சென்ற நடிகர்களின் மிகவும் எண்ணிக்கை மிகவும் சொற்பமே. சமீபத்தில் நடிகர் ஸ்ரீகாந்த், கிருஷ்ணா போன்ற நடிகர்கள் போதை மருந்து வழக்கில் கைது செய்யப்பட்டு பிணையில் விடுவிக்கப்பட்டனர்.

சல்மான் கான், சஞ்சய் தத் போன்ற உச்ச நடிகர்கள் கூட சிறையில் அடைக்கப்பட்டனர். கரூர் துயர சம்பவத்தைத் தொடர்ந்து நடிகரும், தமிழக வெற்றி கழகத்தின் தலைவருமான விஜயை சிபிஐ டெல்லியில் வைத்து விசாரிக்க உள்ளது. இது தமிழக அரசியலிலும், கோலிவுட்டிலும் பரபரப்பை ஏற்படுத்தியுள்ளது. இந்த நிலையில் இதுவரை காவல்துரையினரால் கைது செய்யப்பட்டுள்ள பிரபல இந்திய நடிகர்கள் யாரென்று இந்த பதிவில் தெரிந்து கொள்ளலாம்.

சல்மான் கான்

சல்மான் கான் இந்திய அளவில் புகழ் பெற்ற பிரபலமான நடிகர்களில் ஓவருவராவார். 1998-ஆம் ஆண்டு மான் வேட்டை வழக்கில் குற்றவாளியாக அறிவிக்கப்பட்ட அவருக்கு, ஐந்து ஆண்டுகள் சிறைத் தண்டனை விதிக்கப்பட்டது. பல நீதிமன்ற போராட்டங்களுக்குப் பிறகு, அவர் 18 நாட்கள் சிறையில் இருந்தார். இது தவிர, 2002-ல் மும்பையில் நடந்த ஒரு கொடிய விபத்தில் தப்பியோடிய வழக்கில் அவருக்கு இரண்டு ஆண்டுகள் சிறைத் தண்டனை விதிக்கப்பட்டது. இந்த இரண்டு வழக்குகளும் பொது விவாதங்களிலும் சட்ட ஆவணங்களிலும் இன்றும் இடம்பெற்று வருகின்றன.

சஞ்சய் தத்

தற்போது இந்தியாவின் அனைத்து முக்கியமான மொழிகளிலும் நடித்து வரும் சஞ்சய் தத் 1993 மும்பை குண்டுவெடிப்புச் சம்பவம் தொடர்பாக சட்டவிரோத துப்பாக்கிகளை வைத்திருந்த குற்றத்திற்காகக் கைது செய்யப்பட்டார். சஞ்சய் தத்தின் வழக்கில், நீதிமன்றத்தில் பரபரப்பான நிகழ்வுகளும் ஊடகங்களின் பெரும் கவனமும் காணப்பட்டன. ஆரம்பத்தில் அவருக்கு ஆறு ஆண்டுகள் சிறைத் தண்டனை விதிக்கப்பட்டாலும், உச்ச நீதிமன்றம் அவரது தண்டனையை ஐந்து ஆண்டுகளாகக் குறைத்தது. தனது தண்டனைக் காலத்தை நிறைவு செய்த பிறகும், நன்னடத்தைக் காரணமாக முன்கூட்டியே விடுவிக்கப்பட்ட பின்னர் அவர் மீண்டும் திரைப்படங்களில் நடிக்கத் தொடங்கினார்.

சைப் அலி கான்

பாலிவுட்டின் பிரபல நடிகர்களில் ஒருவரான சைப் அலி கான் 2012 ஆம் ஆண்டில், மும்பையில் உள்ள ஒரு உணவகத்தில் செய்த மோதலைத் தொடர்ந்து, அவர் மீது தாக்குதல் குற்றச்சாட்டு சுமத்தப்பட்டது. இந்த விவகாரம் அவருக்கு சிறைத்தண்டனை வழங்க வழிவகுக்கவில்லை என்றாலும், பிரபலங்களின் பொது நடத்தை எவ்வாறு பெரும்பாலும் சட்டத்தின் கீழ் வருகிறது என்பதற்கு இது ஒரு உதாரணமாக மாறியது.

ரியா சக்ரவர்த்தி

2025 ஆம் ஆண்டு இந்தியாவையே உலுக்கிய பெரிய துயர சம்பவமாக இருந்தது பாலிவுட் நடிகர் சுஷாந்த் சிங் ராஜ்புத்தின் தற்கொலைதான். சுஷாந்த் சிங் ராஜ்புத்தின் மரணத்தைத் தொடர்ந்து, தடைசெய்யப்பட்ட போதைப் பொருட்களை வாங்கிய குற்றச்சாட்டில் ரியா சக்ரவர்த்தி போதைப்பொருள் கட்டுப்பாட்டுப் பணியகத்தால் கைது செய்யப்பட்டார். பின்னர் பைகுல்லா சிறையில் ஒரு மாத காலம் அடைக்கப்பட்டார். இப்போது, ​​அவர் இந்த வழக்கில் இருந்து விடுவிக்கப்பட்டு, படிப்படியாக தனது யூடியூப் சேனல், பிராண்டுகள் மற்றும் பலவற்றின் மூலம் பொழுதுபோக்குத் துறையில் தீவிரமாக செயல்பட்டு வருகிறார்.

சூரஜ் பஞ்சோலி

ஜியா கான் வழக்கில் தற்கொலைக்குத் தூண்டிய குற்றச்சாட்டுகளின் கீழ் 2013-ல் சூரஜ் பஞ்சோலி கைது செய்யப்பட்டது, பாலிவுட்டின் சிக்கலான சட்டப் போராட்டங்களில் ஒன்றாக இன்றும் நீடிக்கிறது. ஆர்தர் ரோடு சிறையில் சிறிது காலம் இருந்த பிறகு அவருக்கு ஜாமீன் வழங்கப்பட்டது. தன் மீதுள்ள குற்றச்சாட்டிலிருந்து வெளியே வர அவர் நடத்தி வரும் தொடர் போராட்டம் நீதிமன்றங்களிலும் செய்தித்தலைப்புகளிலும் தொடர்ந்து வெளிப்பட்டு வருகிறது. தற்போது முழுமையாக விடுதலையாகாத நிலையில், சூரஜ் தொடர்ந்து படங்களில் நடித்து வருகிறார்.

ராஜ்பால் யாதவ்

2013 ஆம் ஆண்டில், நீதிமன்ற அவமதிப்புக்காக ராஜ்பால் யாதவ் பத்து நாட்கள் நீதிமன்றக் காவலில் வைக்கப்பட்டார். 5 கோடி ரூபாய் கடன் மீட்பு வழக்கு தொடர்பான ஒரு சர்ச்சையின் போது அவர் ஒரு தவறான பிரமாணப் பத்திரத்தைச் சமர்ப்பித்திருந்தார். இந்தத் தண்டனை குறுகிய காலமே என்றாலும், இந்தச் சம்பவம் பிரபலங்களின் வணிக முயற்சிகளுக்குப் பின்னணியில் உள்ள நிதிச் சிக்கல்களை வெளிக்கொண்டு வந்தது.

தர்ஷன் தூகுதீபா

கன்னட நடிகர் தர்ஷன் தூகுதீபா கொலை வழக்கில் கைது செய்யப்பட்டது அவரது ரசிகர்களிடையே பெரும் அதிர்ச்சியை ஏற்படுத்தியது. அவர் மீதான சட்டப்பூர்வ நடவடிக்கைகள் இன்னும் நடந்துகொண்டிருக்கும் நிலையில், அவர் இப்போதும் சிறையில்தான் உள்ளார்.

ஆர்யன் கான்

2021 ஆம் ஆண்டில், ஷாருக் கானின் மகன் ஆர்யன் கான், போதைப்பொருள் தடுப்புப் பிரிவினரின் சோதனையின் போது ஒரு சொகுசுக் கப்பலில் வைத்து கைது செய்யப்பட்டார். அவரிடமிருந்து நேரடியாக எதுவும் கைப்பற்றப்படாவிட்டாலும், அவர் 20 நாட்களுக்கும் மேலாகக் காவலில் வைக்கப்பட்டிருந்தார். பின்னர் அவர் மீது எந்த குற்றமும் இல்லை என்று நிரூபிக்கப்பட்டது. தற்போது விடுதலையாகியுள்ள கான், நெட்ஃபிக்ஸின் 'பேட்ஸ் ஆஃப் பாலிவுட்' என்ற தொடரின் மூலம் இயக்குநராக அறிமுகமாகி உள்ளார்.

திலீப்

மலையாள நடிகர் திலீப், சக நடிகை ஒருவரைக் கடத்தித் தாக்கிய சம்பவத்தைத் திட்டமிட்டு அரங்கேற்றியதாகக் கூறப்படும் குற்றச்சாட்டின் பேரில் 2017-ல் கைது செய்யப்பட்டார். தாக்குதல் நடத்தியவர்களுக்குப் பணம் கொடுத்தது மற்றும் குற்றச் சம்பவத்தின் வீடியோ காட்சிகளை பதிவு செய்தது போன்ற குற்றச்சாட்டுகளும் அவர் மீது சுமத்தப்பட்டன. சில நாட்களுக்கு முன் அவர் விடுதலை செய்யப்பட்டது கேரள சினிமாவில் பெரும் விவாதத்தைத் தூண்டியது.

அல்லு அர்ஜுன்

புஷ்பா திரைப்படம் மூலம் சர்வதேச அங்கீகாரத்தைப் பெற்ற நடிகர் அல்லு அர்ஜுனும் சமீபத்தில் சிறையில் அடைக்கப்பட்டார். தெலுங்கு சூப்பர் ஸ்டார் அல்லு அர்ஜுன், புஷ்பா 2 திரைப்பட வெளியீட்டின் போது ஏற்பட்ட கூட்ட நெரிசலில் ஒரு பெண் உயிரிழந்ததைத் தொடர்ந்து, சிறிது நேரம் காவலில் வைக்கப்பட்டார், பின்னர் அவருக்கு ஜாமீன் வழங்கப்பட்டது. அந்த நடிகர் வருத்தம் தெரிவித்து ஒரு அறிக்கையை வெளியிட்டார், மேலும் இந்தச் சம்பவம் முக்கிய சினிமா நிகழ்வுகளில் கூட்டத்தைக் கட்டுப்படுத்துவது குறித்து கேள்விகளை எழுப்பியது.