நாம் தினமும் சாலையில் பார்க்கும் வேகத்தடையை கண்டிபிடித்தவர் யார் தெரியுமா? வேகத்தடையில் இவ்வளவு விஷயம் இருக்கா

இந்தியாவில் ஆண்டுதோறும் லட்சக்கணக்கான மக்கள் சாலை விபத்துகளில் மரணமடைகிறார்கள். ஒருவேளை சாலைகளில் வேகத்தடை இல்லையென்றால் இந்த எண்ணிக்கையில் மேலும் சில லட்சங்கள் அதிகரிக்கும். வேகமாக வாகனத்தை ஓட்டும்போது நடுவே வரும் வேகத்தடைகள் பெரும்பாலும் நமக்கு எரிச்சலை ஏற்படுத்தும்.

உண்மையில் வேகத்தடைகள் போக்குவரத்தைப் பாதுகாப்பாக வைத்திருப்பதிலும், விபத்துக்களை குறைப்பதிலும் முக்கிய பங்கு வகிக்கின்றன. பொதுவாக அவை என்ன செய்கின்றன என்பது நமக்குத் தெரிந்தாலும், நாம் நினைப்பதை விட வேகத்தடையில் பல விஷயங்கள் உள்ளன. வேகத்தடைகளைப் பற்றிய சில ஆச்சரியமான விஷயங்களை இந்த பதிவில் தெரிந்து கொள்ளலாம்.

வேகத்தடைக்கு பின்னால் உள்ள புத்திசாலித்தனம்

நாம் தினமும் பார்க்கும் வேகத்தடையை யார் கண்டுபிடித்தார்கள் என்று நீங்கள் எப்போதாவது யோசித்திருக்கிறீர்களா? உண்மையில் அதை கண்டுபிடித்தது அது ஒரு சாலை பொறியாளரோ அல்லது போக்குவரத்து மேலாளரோ அல்ல, அவர் ஒரு புகழ்பெற்ற இயற்பியலாளர்.

முதல் வேகத்தடை 1950 களில் தோன்றியது, மின்காந்தக் கோட்பாட்டில் தனது பங்களிப்புக்காக நோபல் பரிசு வென்ற ஆர்தர் ஹோலி காம்ப்டன்தான் அவர். அவர் தனது அறிவியல் பங்களிப்புகளுக்கு பிரபலமானவராக இருந்தபோதிலும், செயிண்ட் லூயிஸில் உள்ள தனது பணியிடமான வாஷிங்டன் பல்கலைக்கழகத்திற்கு அருகில் வாகனங்களை வேகமாக ஓட்டுவதில் அவருக்கு இருந்த அக்கறைதான், 1953 இல் முதல் "போக்குவரத்தை கட்டுப்படுத்தும் வேகத்தடையை" உருவாக்க அவரை வழிநடத்தியது.

வேகத்தடைக்கு பல பெயர்கள் உள்ளன

நாம் வேகத்தடைகளை பொதுவாக Speed Breaker என்று அழைப்போம், ஆனால் அவை உலகம் முழுவதும் வெவ்வேறு பெயர்களில் அழைக்கப்படுகின்றன. இங்கிலாந்தில், அவை வேடிக்கையாக "Sleeping Police Officers" என்று அழைக்கப்படுகின்றன, ஏனெனில் அவை ஒரு போலீஸ்காரரைப் போலவே வாகனத்தின் வேகத்தைக் குறைக்கச் செய்கின்றன.

நியூசிலாந்தில், வேகத்தடையின் மீது வாகனம் ஓட்டும்போது ஏற்படும் நடுங்கும் உணர்வு காரணமாக அவை "ஜட்ஜர் பார்கள்" என்று அழைக்கப்படுகின்றன. அர்ஜென்டினாவில், அவை "லோமோஸ் டி பர்ரோ" அல்லது "கழுதைகளின் முதுகு" என்று அழைக்கப்படுகின்றன.

வேகத்தடைகள் எதனால் செய்யப்படுகின்றன?

வேகத்தடைகளைப் பொறுத்தவரை, அவை செய்யப்படும் பொருட்கள் மிகவும் மாறுபட்டவை. நிலக்கீல் மற்றும் கான்கிரீட் ஆகியவை அவற்றின் நீடித்து உழைக்கும் தன்மை காரணமாக வேகத்தடைகள் செய்ய முதன்மை தேர்வுகளாக இருக்கிறது, சில நாடுகளில் வேகத்தடைகள் ரப்பர், உலோகம் அல்லது மறுசுழற்சி செய்யப்பட்ட பிளாஸ்டிக்கிலிருந்தும் தயாரிக்கப்படலாம். குறிப்பாக ரப்பர் வேகத்தடைகளில் முக்கியமான நன்மை உள்ளது, அது என்னவெனில் அவற்றை நகர்த்திக் கொள்ளலாம். எனவே அவற்றை நகர்த்துவது அல்லது தேவைப்படும்போது வெளியே எடுப்பது எளிது.

வேகத்தடைக்கும், பிரேக்கர்களுக்கும் உள்ள வித்தியாசம்

வேகத்தடையும், பிரேக்கர்களும் பார்ப்பதற்கு ஒரே மாதிரியாகத் தோன்றலாம், ஆனால் அவை வெவ்வேறு வேலைகளை செய்கின்றன. வாகன நிறுத்துமிடங்கள் மற்றும் தனியார் சாலைகளில் காணப்படும் வேகத்தடைகள், வாகனங்களை திடீரென மணிக்கு 5 கிமீ வேகத்தில் மெதுவாக்குகின்றன. பொதுச் சாலைகளில் காணப்படும் Speed humps, மணிக்கு 20 கிமீ வேகத்தில் லேசான வேகத்தைக் குறைக்கின்றன, இதனால் பள்ளிகள் மற்றும் கிராஸ் சாலைகளுக்கு அருகில் அவை சிறந்தவையாக இருக்கும். ஓட்டுநர்களுக்கு ஆபத்தானவை என்பதால், பொதுச் சாலைகளில் Speed breakers பயன்படுத்தப்படுவதில்லை, ஆனால் அவை அடுக்குமாடி குடியிருப்புகள் மற்றும் மருத்துவமனைகள் போன்ற பகுதிகளில் வேகத்தைக் கட்டுப்படுத்த உதவுகின்றன.

புதுமையான வேகத்தடைகள்

சில நாடுகளில், புதிய தொழில்நுட்பத்துடன், போக்குவரத்தை கட்டுப்படுத்தும் வேகத்தடைகள் பயன்பாட்டில் உள்ளன. ஒரு வாகனம் வேக வரம்பை மீறும் போது மட்டுமே டைனமிக் வேகத்தடைகள் செயல்படும், இதனால் அவை மிகவும் திறமையானதாகவும் குறைவான இடையூறுகளை ஏற்படுத்துவதாகவும் இருக்கும். இடையில் இடைவெளிகளைக் கொண்ட வேகத்தடைகள், பேருந்துகள் மற்றும் அவசர லாரிகள் போன்ற பெரிய வாகனங்களை சீராகக் கடந்து செல்ல அனுமதிக்கின்றன, அதே நேரத்தில் சிறிய வாகனங்களை மெதுவாக்குகின்றன.