Tamil Nadu Election 2026: தமிழ்நாடு அரசிலுடன் தொடர்புடைய புகழ்பெற்ற தமிழ்நாட்டு கோவில்கள் என்னென்ன தெரியுமா?

Tamil Nadu Election 2026: 2026 தமிழ்நாடு சட்டமன்ற தேர்தலுக்கான தேதி அறிவிக்கப்பட்டு விட்டது. தமிழ்நாட்டின் தலையெழுத்தை அடுத்த 5 ஆண்டுகளுக்கு நிர்ணயிக்கும் தேர்தல் ஏப்ரல் 23 ஆம் தேதி நடைபெற உள்ளது. தேர்தல் முடிந்து 10 நாட்களுக்கு பிறகு மே 04 ஆம் தேதி தேர்தல் முடிவுகள் வெளிவரப்போகிறது. வேட்பு மனு தாக்கல் இன்னும் தொடங்காத நிலையில் அனைத்து கட்சியினரும் தங்கள் கட்சியின் வெற்றிக்காக கடினமாக உழைத்து வருகிறார்கள்.

தமிழ்நாட்டு அரசியலையும், ஆன்மீகத்தையும் ஒருபோதும் பிரிக்க முடியாது. கடவுள் நம்பிக்கைக்கும், மூட நம்பிக்கைக்கும் உள்ள வித்தியாசத்தை நன்கு உணர்ந்த மக்கள் இங்கு அதிகமாக இருப்பதால்தான் தமிழ்நாடு எப்போதும் தனித்துவமான மாநிலமாக உள்ளது. தமிழ்நாட்டின் பெரும்பாலான அரசியலவாதிகளை நாம் வரும் நாட்களில் பல்வேறு கோவில்களில் பார்க்கலாம். தமிழ்நாட்டின் அரசியலுக்கும், கோவில்களுக்கும் உள்ள தொடர்பு இப்போது உருவானதல்ல. பல நூற்றாண்டுகளுக்கு முன்பிருந்தே தமிழ்நாட்டின் அரசியலில் கோவில்கள் முக்கியப்பங்கு வகித்து வந்தன.

தமிழ்நாடு அரசியலும்-பழங்கால கோவில்களும்

தமிழ்நாட்டிலுள்ள பழமையான கோவில்கள், நம் மாநிலத்தின் அரசியல் சூழலோடு ஆழமான தொர்புகளைக் கொண்டுள்ளன. இவை வரலாற்றுரீதியான அதிகாரச் சின்னங்களாகவும், தமிழர்பண்பாட்டு அடையாளத்தின் மையங்களாகவும் திகழ்கின்றன. ஸ்ரீரங்கம், திருவண்ணாமலை மற்றும் ஸ்ரீவில்லிபுத்தூர் போன்ற முக்கியக் கோவில்கள், இடைக்காலத்தில் வட்டார அதிகாரப் போட்டிகளுக்கும், நவீன கால அரசியல் உரையாடல்களுக்கும் நீண்ட காலமாகவே மையமாக விளங்கி வருகின்றன. தமிழ்நாட்டு அரசியலோடு பின்னிப்பிணைந்துள்ள பழங்கால கோவில்கள் என்னென்ன என்று மேற்கொண்டு பார்க்கலாம்.

ஸ்ரீவில்லிபுத்தூர் ஆண்டாள் கோவில்

விருதுநகர் மாவட்டத்தில் உள்ள 10-ஆம் நூற்றாண்டைச் சேர்ந்த இந்த கோவில், மாநில அரசியலோடு மிக நேரடியான தொடர்பைக் கொண்டதாகத் திகழ்கிறது; ஏனெனில் இந்த கோவிலின் 192 அடி உயர ராஜகோபுரமே தமிழ்நாடு அரசின் அதிகாரப்பூர்வச் சின்னமாக உள்ளது. தமிழர்களின் கலாச்சாரப் பாரம்பரியத்தைப் பிரதிபலிக்கும் இக்கோபுரச் சின்னம், 1940-களின் பிற்பகுதியில் அதிகாரப்பூர்வமாக ஏற்றுக்கொள்ளப்பட்டது.

பிரகதீஸ்வரர் கோவில்

உலகப்புகழ் பெற்ற தஞ்சையில் உள்ள பிரகதீஸ்வரர் கோவில் முதலாம் ராஜராஜ சோழனால் 11-ஆம் நூற்றாண்தில் கட்டப்பட்டது. இந்த கோவில், தமிழர்களின் வலிமைக்கும், அடையாளத்திற்கும் ஒரு முக்கிய சின்னமாக திகழ்கிறது. பொதுவாக பேச்சுவழக்கில் இது பெரும்பாலும் "பெரிய கோவில்" என்றே அழைக்கப்படுகிறது. இந்த கோவில் உட்பட சோழர்களின் மரபானது, திராவிட மற்றும் தேசியக் கட்சிகள் எனப் பல்வேறு அரசியல் கட்சிகளாலும் தங்கள் தேர்தல் வெற்றிக்கு முன்னிறுத்தப்படுகிறது. தமிழர்களின் பெருமையையும், கட்டிடக்கலையையும் உலகிற்கு வெளிப்படுத்தும் ஒரு பிரமாண்ட சின்னமாக தஞ்சை பெரிய கோவில் நிலைபெற்றுள்ளது.

கங்கைகொண்ட சோழபுரம் கோவில்

அரியலூர் மாவட்டத்தில் உள்ள இந்த புகழ் பெற்ற கோவில் வட இந்தியாவில் தான் ஈட்டிய வெற்றியைக் கொண்டாடும் விதமாக இராஜ ராஜ சோழனின் மகனான முதலாம் இராஜேந்திர சோழனால் கட்டப்பட்டது. தற்போது அண்மைக் காலமாக ஒரு முக்கியத்துவம் வாய்ந்த அரசியல் அடையாளமாக உருவெடுத்துள்ளது. தேர்தல் காலங்களில், பிரதமர் மோடி போன்ற தேசியத் தலைவர்கள், பலரும் மறந்த இந்த கோவிலுக்கு வருகை தந்தது சோழர்களின் கடற்படைப் பாரம்பரியத்தை முன்னிலைப்படுத்துவதையும், அதனைத் தேசியப் பெருமையுடன் இணைப்பதையும் நோக்கமாகக் கொண்டுள்ளன.

அருணாசலேஸ்வரர் கோவில்

திருவண்ணாமலையில் உள்ள இந்த தொன்மையான ஆலயம், நிர்வாகம் தொடர்பான அரசியல் மோதல்களின் மையமாகத் திகழ்கிறது. 2026-ஆம் ஆண்டில், கார்த்திகை தீபம் ஏற்றும் உரிமை குறித்த அரசியல் பூசல்களுக்கு இந்த கோவில் களமாக அமைந்தது.

மதுரை மீனாட்சி அம்மன் கோவில்

மதுரை மீனாட்சி கோவில் உலகப்புகழ் பெற்றதாகும். இந்த கோவிலின் மேற்கு கோபுரமே தமிழ்நாட்டின் மாநிலச் சின்னத்திற்கு உண்மையான உத்வேகமாக அமைந்தது என்று கூறப்படுகிறது. இந்த கோபுரம் மதுரை நாயக்கர்களின் வரலாற்றுச் சிறப்புமிக்க சமூக-அரசியல் வல்லமையைப் பிரதிபலிக்கிறது. மேலும், தற்போது இந்து சமய அறநிலையத் துறையின் (HR&CE) கீழ் இயங்கும் ஒரு பிரம்மாண்டமான நிர்வாக அமைப்பாகவும் இது திகழ்கிறது. தென் தமிழகத்தில் இந்த கோவிலை புறக்கணித்து எந்த அரசியல்வாதியும் அரசியல் செய்ய முடியாது. பெரும்பாலான அரசியல்வாதிகள் தங்களின் பிரச்சாரத்தை இங்கிருந்தே தொடங்குகின்றனர்.

இராமநாதசுவாமி திருக்கோவில்

இராமேஸ்வரத்தில் உள்ள இந்த கோவில் தமிழ்நாட்டிற்கும் இந்தியாவின் பிற பகுதிகளுக்கும் இடையிலான அரசியல் மற்றும் கலாச்சாரத் தொடர்பை முன்னிலைப்படுத்துகிறது. பல்வேறு தேசிய தலைவர்களால் க்காட்டப்பட்டுள்ளவாறு, தேசிய ஒருமைப்பாட்டை வளர்ப்பதற்கான அரசியல் உரையாடல்களில் இந்த கோவில் எப்போதும் முக்கியப் புள்ளியாக இருக்கும்.