மனிதர்களின் உள்ளங்கை மற்றும் பாதங்களில் மட்டும் ஏன் முடி வளர்வதில்லை என்று தெரியுமா?

உடலில் முடி ஏன் வளர்கிறது?

தோல் நிபுணரான சாரா மில்லர் இணையதளம் ஒன்றில் தலைமுடி குறித்து நிறைய ஆராய்ச்சிகள் செய்யப்பட்டுள்ளதாக கூறியிருந்தார். அதில் முடி ஏன் உள்ளங்கை மற்றும் பாதங்களில் வளர்வதில்லை என்பது பற்றிய ஆய்வையும் மேற்கொண்டுள்ளார். மனித உடலில் Wnt என்ற ஒரு வகை புரோட்டீன் உள்ளது. இந்த புரோட்டீன் தான் ஒரு தூதுவராக செயல்படுகிறது. அதாவது இந்த புரோட்டீன் தான் முடியின் வளர்ச்சி, இடைவெளி மற்றும் செல்களிடையே வளர்ச்சி பற்றிய தகவல்ளை வழங்குகிறது. இந்த புரோட்டீனால் பெறப்படும் சமிக்ஞைகள் முடியின் வளர்ச்சிக்கு மிகவும் முக்கியம்.

எலி ஆய்வு

மனித உடலில் முடிகள் வளராத பகுதிகளில் Wnt புரோட்டீன்களின் வேலையை செய்ய அனுமதிக்காத தடுப்பான்கள் இருப்பதாக தோல் நிபுணரான சாரா மில்லர் கூறுகிறார். அந்த தடுப்பான்களானது Dickkopf 2 (DKK2) எனப்படும் ஒரு வகை புரோட்டீனாகும் என்றும் கூறினார். இந்த கண்டுபிடிப்பை எலிகளைக் கொண்டு ஆய்வு செய்ததாக சாரா கூறினார்.

முயல் ஆய்வு

இந்த ஆய்வில் எலிகளின் உடலில் இருந்து இந்த DKK2 புரோட்டீன் அகற்றப்பட்ட போது, அவற்றின் உள்ளங்கைகளிலும் முடி வளர ஆரம்பித்தன என்றும் கூறினார். அதன் பின் முயல் மீது இந்த ஆய்வு மேற்கொள்ளப்பட்டது. முயல்கள் மீதான ஆய்வில், இந்த புரோட்டீன் அவற்றின் உடலில் மிகச்சிறிய அளவில் காணப்படுவதாகவும், அதனால் தான் அவற்றின் கைகள் மற்றும் கால்களில் முடி அதிகம் இருப்பதாகவும் தெரிய வந்தது. இப்போது அனைவரது மனதிலும் எழும் ஓர் கேள்வி, இந்த புரோட்டீன் ஏன் உள்ளது என்பதாகவே இருக்கும்.

DKK2 புரோட்டீன் ஏன் உள்ளது?

உடலில் DKK2 புரோட்டீன்கள் இருப்பதற்கான காரணம் என்ன என்பதை ஆய்வாளர்களால் இன்னும் கண்டுபிடிக்க முடியவில்லை. ஆனால் உயிர் பரிணாம வளர்ச்சியின் காரணமாக, உயிரினங்களிடம் இந்த புரோட்டீன்கள் காணப்படுகின்றன என்று தோல் நிபுணர் சாரா விளக்கினார். மேலும் கரடிகள், முயல்கள் போன்ற விலங்குகள் பாறைகள் மற்றும் கரடுமுரடான சாலைகளில் நடப்பதனால், அவற்றின் கைகள் மற்றும் பாதங்களில் முடி வளர்கிறது. மனிதர்களின் உள்ளங்கை மற்றும் பாதங்களில் முடி வளர்ந்தால், பிரச்சனை இன்னும் அதிகரிக்கும்.