இந்த செடியை இப்படி வளர்ப்பது உங்கள் இல்லத்தில் வறுமையையும், துரதிர்ஷ்டத்தையும் ஏற்படுத்துமாம்...!

காய்ந்து போக விடக்கூடாது

மணி பிளாண்ட்டிற்கு தொடர்ச்சியாக தண்ணீர் விடுவதும், அதன் இலைகளை சீராக கத்தரிப்பதும் அவசியமான ஒன்றாகும். வாடிய மணி பிளாண்ட் செடிகள் உங்கள் வீட்டின் நிதிநிலையை மோசமாக்கும். உங்கள் மணி பிளாண்ட்டை சீராக பராமரிக்க வேண்டியது அவசியமாகும்.

மணி பிளாண்ட்டின் திசை

மணி பிளாண்ட் ஒருபோதும் வடகிழக்கு திசையில்வைக்கப்படக்கூடாது. இது உங்கள் வீட்டின் நிதி நிலையை மட்டும் பாதிக்காது, மாறாக இது உங்கள் ஆரோக்கியத்தையும், உங்கள் குடும்ப உறுப்பினர்களின் ஆரோக்கியத்தையும் பாதிக்கும்.

தரையில் வைக்கக்கூடாது

உங்கள் மணி பிளாண்ட் அதிகமாக வளர்ந்து விட்டால், அதனை சீராக நறுக்க வேண்டும். ஆனால் அதன் இலைகள் மற்றும் தண்டுகள் தரையில் விழக்கூடாது. அவ்வாறு இது தரையில் விழுவது புனிதமற்ற செயலாக கருதப்படுகிறது.

தென்கிழக்கு திசை

எப்போதும் மணி பிளாண்ட் உங்கள் வீட்டின் தென்கிழக்கு திசையில் வைக்கப்பட வேண்டும். இதுதான் பிள்ளையாருக்கு மிகவும் பிடித்த திசையாகும். இந்த இடத்தில் இதனை வைப்பது உங்கள் வீட்டிற்கு ஆரோக்கியம், செழிப்பு மற்றும் அமைதியை கொண்டு வருவதாக கூறப்படுகிறது.

திருமண பிரச்சினை

நீங்கள் திருமணமானவராக இருந்தால் நீங்கள் உங்கள் வீட்டின் கிழக்கு-மேற்கு திசையில் இதனை வைக்கக்கூடாது. இது கணவன், மனைவிக்கு இடையே பல குழப்பங்கள் மற்றும் வாக்குவாதங்கள் ஏற்பட காரணமாக வாய்ப்புள்ளது.

வீட்டின் உட்புறம்

உங்கள் வீட்டின் உட்புறத்தில் இந்த செடியை வளர்ப்பது உங்களுக்கு வெளியே வளர்பதை விட இருமடங்கு பலனைத்தரும். இதனை ஒரு மண்பானையிலோ அல்லது கண்ணாடி குடுவையிலோ வளர்க்கலாம். ஒருவேளை வெளியே வைக்க வேண்டிய சூழ்நிலை ஏற்பட்டால் அது நிழலில் இருப்பதை உறுதி செய்யவும். இதன் பயன்கள் என்னென்ன என்று மேற்கொண்டு பார்க்கலாம்.

செல்வம் அதிகரிக்கும்

மணி பிளாண்ட் உண்மையில் பணத்தை குறிக்கிறது. இது எவ்வளவு பசுமையாக இருக்கிறதோ உங்கள் வீதி அவ்வளவு செல்வம் அதிகரிக்கும் என்று வாஸ்து சாஸ்திரம் கூறுகிறது. எவ்வளவு இலைகள் இருக்கிறதோ அவ்வளவு நல்லது.

இதய வடிவம்

இதன் இலைகள் இதய வடிவத்தில் இருப்பதால் இது அன்பு மற்றும் மகிழ்ச்சியைக் குறிக்கிறது. மேலும் இது முறிந்த உறவுகளை இணைப்பதற்கும், குடும்பத்தினரிடையே நல்லுறவை வளர்க்கவும் உதவுகிறது.

ஆற்றலை அதிகரிக்கும்

மணி பிளாண்ட்டிற்கு என வாஸ்து சாஸ்திரத்தில் முக்கிய இடமுள்ளது. பசுமையான, ஆரோக்கியமான மணி பிளாண்ட் வீட்டை சுற்றி நேர்மறை ஆற்றலை பரவச்செய்கிறது. மேலும் இது பல ஆரோக்கிய நன்மைகளையும் வழங்குகிறது.