நீங்க குளிக்கும் போது முதல்ல எந்த பகுதியை கழுவுவீங்கன்னு சொல்லுங்க.. உங்கள பத்தின ஒரு ரகசியத்தை சொல்றோம்...

முகம்

நீங்கள் முதலில் முகத்தைக் கழுவுபவராக இருந்தால், மற்றவர்கள் உங்களை எப்படி உணருகிறார்கள் என்பதற்கு நீங்கள் அதிக முக்கியத்துவம் கொடுப்பீர்கள் என்று அர்த்தம். மேலும் நீங்கள் எளிதில் விரக்தியடைவீர்கள் மற்றும் மற்றவர்கள் உங்களைப் பற்றி என்ன நினைக்கிறார்கள் என்பதை தெரிந்து கொள்ள மிகுந்த ஆர்வத்துடன் இருப்பீர்கள்.

அக்குள்

நீங்கள் முதலில் அக்குளை கழுவுபவராக இருந்தால், நீங்கள் சமூக வட்டாரங்களில் அல்லது உங்களைச் சுற்றியுள்ளவர்களிடம் மிகவும் பிரபலமாக இருப்பீர்கள். உங்கள் நண்பர்களுக்கு நல்ல மற்றும் கெட்ட காலங்களில் ஆதரவாக இருப்பீர்கள். மென்மையான இதயம் கொண்டவராக மற்றவர்களால் புகழப்படுவீர்கள். ஒருவரை நேசித்தால் முழுமையாக நேசிப்பீர்கள் அல்லது வெறுத்தால் முழுமையாக வெறுப்பீர்கள்.

கழுத்து/தோள்பட்டை

நீங்கள் அதிகம் சாதித்தவரா? அப்படியானால், நீங்கள் குளிக்கும் போது முதலில் தோள்பட்டை மற்றும் கழுத்தை கழுவுபவராக இருக்கலாம். உங்களுடைய நோக்கம் எப்போதும் உயர்ந்ததாகவே இருக்கும். கடின உழைப்பில் நம்பிக்கைக் கொண்டவராக இருப்பீர்கள். மிகவும் போட்டித்தன்மை கொண்டவராக இருப்பீர்கள் மற்றும் அனைவரையும் விட ஒருபடி மேலே இருக்க விரும்புவீர்கள்.

மார்பு

நீங்கள் குளிக்கும் போது மார்பு பகுதியை முதலில் கழுவுபவராக இருந்தால், நீங்கள் உங்களை அதிகம் விரும்புபவராக இருப்பீர்கள். மேலும் நீங்கள் சுயாதீனமானவர் மற்றும் வாழ்வில் எதையும் மிகவும் தெளிவாக அணுகக்கூடியவர்.

அந்தரங்க பகுதி

நீங்கள் முதலில் அந்தரங்க பகுதியை கழுவுபவராக இருந்தால், நிஜ வாழ்க்கையில் நீங்கள் மிகவும் கூச்ச சுபாவம் உள்ளவராக இருப்பீர்கள் மற்றும் யாருடனும் அவ்வளவு எளிதில் பேசமாட்டீர்கள். உண்மையில் நீங்கள் மற்றவர்கள் மீது அதிக அக்கறைக் கொண்டிருப்பீர்கள். ஆனால் அதை மற்றவர்களிடம் வெளிப்படுத்த நீண்ட காலம் எடுக்கும்.

கால்கள்

நீங்கள் குளிக்கும் போது முதலில் கால்களை கழுவுபவராக இருந்தால், நீங்கள் மிகவும் அடக்கமானவர். மேலும் மிகவும் தாழ்மையானவர் மற்றும் கண்ணியமானவர் என்று மற்றவர்கள் நினைக்கும் வகையில் இருப்பீர்கள். அதோடு நீங்கள் உங்களின் கருத்துக்களை அச்சமின்றி வெளிப்படுத்தக்கூடியவர்.

முதுகு

உங்களின் முதுகு உங்களின் மனதை பிரதிபலிக்கிறது. நீங்கள் குளிக்கும் போது முதலில் நீரை முதுகு பகுதியில் ஊற்றினால், நீங்கள் மிகவும் கவனமாக இருக்கக்கூடியவர். யாரையும் கண்மூடித்தனமாக நம்பமாட்டீர்கள். அதோடு நீங்கள் மற்றவர்களுடன் அவ்வளவு எளிதில் பழகமாட்டீர்கள்.

கைகள்

நீங்கள் முதலில் கைகளை கழுவுபவரானால், இது உங்களின் மன வலிமையைக் குறிக்கிறது. முடிவைப் பற்றி கவலைப்படாமல், நீங்கள் நினைப்பது தான் சரி என்று நினைப்பீர்கள். நீங்கள் ராஜதந்திரமானவர் அல்ல. நீங்கள் நாம் என்ன செய்கிறோமோ அதற்கேற்ற பலன் தான் கிட்டும் என்று நம்புபவர்.

தலைமுடி

நீங்கள் குளிக்கும் போது முதலில் தலைக்கு நீரை ஊற்றி குளிப்பவரானால், நீங்கள் ஒருவித அதீத மனக்கோளாறு உள்ளவராக இருப்பீர்கள் மற்றும் வாழ்வில் ஒழுங்கை விரும்பும் ஒருவராக இருப்பீர்கள். அதோடு நீங்கள் ஒரு கருத்துள்ள நபர், எல்லாவற்றை பற்றியும் கருத்துக்களைக் கூறுவீர்கள். உங்களின் மிகப்பெரிய பலங்களில் ஒன்று நேர மேலாண்மை.