கும்பத்தில் சனி அஸ்தமனமாவதால் ஜனவரி 30 முதல் இந்த 3 ராசிக்காரங்க கொஞ்சம் எச்சரிக்கையா இருக்கணும்...

கடகம்

கடக ராசியின் 8 ஆவது வீட்டில் சனி அஸ்தமனமாகிறார். இதனால் இக்காலத்தில் கடக ராசிக்காரர்கள் தொழில், ஆரோக்கியம் போன்றவற்றில் பல சவால்களை சந்திக்க நேரிடும். எனவே சற்று எச்சரிக்கையாக இருக்க வேண்டும். வியாபாரிகள், வேலை செய்பவர்கள், முதலீட்டு முடிவுகளை கவனமாக எடுக்க வேண்டும். ஏனெனில் இக்காலத்தில் பண இழப்பு ஏற்பட வாய்ப்புள்ளது. செய்யும் வேலைகளை கவனமாக செய்ய வேண்டும். ஆரோக்கியத்தில் மிகவும் கவனமாக இருக்க வேண்டு. வாழ்க்கைத் துணையுடன் வாக்குவாதங்களைத் தவிர்க்க வேண்டும். இல்லாவிட்டால் மன உளைச்சலால் பிரச்சனைகளை சந்திக்க நேரிடும். முக்கியமாக இக்காலத்தில் யாருக்கும் கடன் கொடுத்துவிடாதீர்கள்.

சிம்மம்

சிம்ம ராசியின் 7 ஆவது வீட்டில் சனி அஸ்தமனமாகிறார். இதனால் இக்காலத்தில் உங்களின் பட்ஜெட்டில் குழப்பம் ஏற்படலாம். ஊதாரித்தனமாக செலவு செய்வதைக் கட்டுப்படுத்தாவிட்டால், கடுமையான நிதி நெருக்கடியில் சிக்கி அவதிப்பட நேரிடும். எனவே சிக்கனமாக செலவு செய்ய முயற்சி செய்யுங்கள். சனி அஸ்தமனமாவதால், காதல் மற்றும் திருமண வாழ்க்கையில் பாதிப்பு ஏற்படும். முக்கியமாக இந்த காலத்தில் எந்த ஒரு புதிய வேலைகளையும் தொடங்காமல் இருப்பது நல்லது.

விருச்சிகம்

விருச்சிக ராசியின் 4 ஆவது வீட்டில் சனி அஸ்தமனமாகிறார். இதனால் விருச்சிக ராசிக்காரர்கள் சற்று கவனமாக இருக்க வேண்டும். இந்த காலகட்டத்தில் யாருக்கும் பணம் கொடுத்துவிடாதீர்கள். இல்லாவிட்டால், அந்த பணம் திரும்ப கிடைக்காது. சனியின் நிலையால் உங்கள் தாயாரின் ஆரோக்கியம் மோசமடையக்கூடும் என்பதால் இக்காலத்தில் அவரைக் கவனித்துக் கொள்ள அறிவுறுத்தப்படுகிறது. சனி அஸ்தமனத்தால் தொழிலில் பாதிப்பு ஏற்படும். என்ன தான் புதிய வேலை வாய்ப்புகள் கிடைத்தாலும், சில காரணங்களால் அது தடைபடலாம்.

(பொறுப்புத் துறப்பு: மேலே கொடுக்கப்பட்டுள்ள தகவல் இணையத்தில் கிடைக்கும் அனுமானங்கள் மற்றும் தகவல்களின் அடிப்படையில் கொடுக்கப்பட்டுள்ளன மற்றும் நம்பகத்தன்மைக்கு உத்தரவாதம் இல்லை. தமிழ் போல்ட்ஸ்கை கட்டுரை தொடர்பான தகவலை உறுதிப்படுத்தவில்லை. மேலும் எங்கள் ஒரே நோக்கம் தகவலை வழங்குவது மட்டுமே. அதை வெறும் தகவலாக மட்டும் எடுத்துக் கொள்ள வேண்டும். எந்தவொரு தகவலையும் அனுமானத்தையும் பயிற்சி செய்வதற்கு அல்லது செயல்படுத்துவதற்கு முன், தயவுசெய்து சம்பந்தப்பட்ட நிபுணரை அணுகவும்.)