நடிகை சமந்தாவின் அந்த 3 டாட்டூக்களின் ரகசியம் தெரியுமா?

முதுகு டாட்டூ

நடிகை சமந்தா தனது முதுகில் ஒரு அழகான பச்சை குத்தியுள்ளார். அது அவரது பின் கழுத்துக்கு கீழே இரண்டு தோள்களுக்கு நடுவே உள்ளது. அது என்ன டாட்டூ என்றால் 'ymc' என்னும் மூன்று எழுத்தாகும். அந்த மூன்று எழுத்திற்கான அர்த்தத்தை நீங்கள் தெரிந்து கொள்ள விரும்புகிறீர்களா? இதோ அதற்கான விடை.

2010 ஆம் ஆண்டு திரைப்பட தயாரிப்பாளர் கௌதம் மேனனின் விமர்சன ரீதியாக பாராட்டப்பட்ட ஒரு தெலுங்கு காதல் திரைப்படமான 'Ye Maaya Chesave' என்னும் படத்தில் சமந்தா அறிமுகமானார். இந்த திரைப்படம் தான் சமந்தாவின் வாழ்க்கையையே மாற்றியதாம். இந்த படத்தில் சமந்தாவின் நிஜ வாழ்க்கை கணவரான நடிகர் நாக சைதன்யாவும் நடித்திருந்தார். ஆகவே தனது தலையெழுத்தை மாற்றி அமைத்த திரைப்படத்தை வாழ்நாள் முழுவதும் நினைவுகூறும் வகையில், அந்த திரைப்படத்தின் முதல் எழுத்துக்களை தனது முதுகில் டாட்டூவாக குத்தியுள்ளார்.

விலா எலும்பில் டாட்டூ

சமந்தா தனது உடலில் குத்தியுள்ள இரண்டாவது டாட்டூ என்றால் அது விலா எலும்பு பகுதியில் இருப்பது. அதுவும் இந்த டாட்டூவானது சமீபத்தில் சமந்தாவின் ரசிகர் அவரை புடவையில் போஸ் கொடுக்கும் படி எடுத்த போட்டோவில் தென்பட்டது. அது என்ன டாட்டூ என்று பார்த்தால், அவரது கணவர் நாக சைதன்யாவின் புனைப்பெயர் என்று கூறப்படும் 'Chay' ஆகும். நிச்சயம் இது நடிகை சமந்தாவின் ஒரு வித்தியாசமான மற்றும் ரொமான்டிக்கான டாட்டூ என்றே கூற வேண்டும்.

மணிக்கட்டு டாட்டூ

மூன்றாவது டாட்டூ சமந்தாவின் மணிக்கட்டு பகுதியில், இரட்டை அம்புகளைக் கொண்ட வைக்கிங் சின்னம் பச்சையாக குத்தப்பட்டுள்ளது. மேலும் இதே மாதிரியான டாட்டூவை அவரது கணவர் நாக சைதன்யாவின் கையிலும் இருப்பதாக கூறப்படுகிறது.

டாட்டூ ராணி

இதுவரை தென்னிந்திய நடிகைகள் யாரும் இவ்வளவு டாட்டூக்களை தங்கள் உடலில் குத்தியது இல்லை. ஆகவே, நடிகை சமந்தாவை தென்னிந்திய சினிமாவின் டாட்டூ ராணி என்றே கூறலாம். அதோடு இவர் குத்தியுள்ள டாட்டூக்கள் ஒவ்வொன்றும் உண்மையிலேயே அனைவரையும் கவரும் வகையில் அற்புதமான அர்த்தத்துடன் உள்ளது. என்ன நண்பர்களே! சொல்வது சரிதானே?