ஆகஸ்ட் மாதம் 4 முக்கிய கிரகங்களின் இடமாற்றத்தால், இந்த 4 ராசிக்கு அட்டகாசமா இருக்கப் போகுது...

புதன் பெயர்ச்சி

ஜோதிடத்தின் படி, ஆகஸ்ட் மாதத்தில் 4 கிரகங்களின் நிலை மாறவுள்ளது. அதில் ஆகஸ்ட் 9 ஆம் தேதி முதல் கிரக பெயர்ச்சி நிகழவிருக்கிறது. இந்த நாளில் புதன் சந்திரனின் கடக ராசியில் இருந்து சூரியனின் சிம்ம ராசிக்கு இடம் மாறுகிறது. இங்கு ஆகஸ்ட் 26 ஆம் தேதி வரை புதன் இருக்கும். பின்னர் கன்னி ராசிக்கு இடம் மாறும்.

சுக்கிர பெயர்ச்சி

இரண்டாவதாக, ஆகஸ்ட் 11 ஆம் தேதி கிரக மாற்றம் நிகழ்கிறது. இந்நாளில் சுக்கிரன் சிம்ம ராசியில் இருந்து கன்னி ராசிக்கு இடம் மாறுகிறார். இந்த ராசியில் 25 நாட்கள் பயணித்து, பின்னர் செப்டம்பர் 6 ஆம் தேதி துலாம் ராசிக்கு இடம் மாறுவார்.

சூரிய பெயர்ச்சி

மூன்றாவதாக ஆகஸ்ட் 17 ஆம் தேதி சூரியன் கடக ராசியில் இருந்து சிம்ம ராசிக்கு செல்லவிருக்கிறார். இந்த ராசியில் சூரியன் செப்டம்பர் 17 ஆம் தேதி வரை இருந்து, பின் கன்னி ராசிக்கு இடம் மாறுவார்.

புதன் பெயர்ச்சி

நான்காவதாக புதன் பெயர்ச்சியாகும். புதனின் இடமாற்ற காலம் சுமார் 14 நாட்கள் ஆகும். இத்தகைய நிலையில், புதன் சிம்ம ராசியில் இருந்து கன்னி ராசிக்கு ஆகஸ்ட் 26 ஆம் தேதி இடம் மாறுகிறார். இந்த புதனின் மாற்றம் உங்களுக்கு பல வழிகளில் நன்மையளிக்கும். இந்த கன்னி ராசியில் புதன் செப்டம்பர் 22 ஆம் தேதி வரை இருப்பார்.

ஆகஸ்ட் மாதத்தில் இந்த 4 கிரகங்களின் இட மாற்றத்தால் 4 ராசிக்காரர்கள் மிகவும் நன்மை அடைவார்கள். அந்த ராசிக்காரர்கள் யார்யார் என்பதை தொடர்ந்து படித்து தெரிந்து கொள்ளுங்கள்.

மேஷம்

4 கிரகங்களின் இட மாற்றத்தினால், மேஷ ராசிக்காரர்கள் அனைத்து பணிகளிலும் வெற்றி காண்பார்கள். அலுவலகம் அல்லது வீடு எதுவாயினும், உங்களின் வேலை அனைத்து இடங்களிலும் பாராட்டப்படும். இக்காலத்தில் நீங்கள் மிகவும் பிஸியாக இருப்பீர்கள். ஆனால் அதற்கு ஏற்ப நல்ல பலனையும் பெறுவீர்கள். இக்காலத்தில் பல புதிய வெற்றிகளை அடைவீர்கள். இயந்திர தொழிலில் ஈடுபடுபவர்களுக்கும், கைவினை கலைஞர்களுக்கும் இந்த காலம் மிகவும் உகந்ததாக இருக்கும்.

மிதுனம்

மிதுன ராசிக்காரர்களுக்கும் 4 கிரகங்களின் இடமாற்றம் பயனளிக்கும். பணியிடத்தில் மதிக்கப்படுவீர்கள். வியாபாரம் செய்பவர்களுக்கு கை மேல் பலன் கிடைக்கும். வேலையில் பதவு உயர்வுக்கான வாய்ப்புள்ளது. உங்களின் எதிரிகளை இக்காலத்தில் எளிதில் தோற்கடிப்பீர்கள். உங்களின் சுயமரியாதை அதிகரிக்கும். குடும்பத்தில் மகிழ்ச்சியும் அமைதியும் இருக்கும். ஆனால் இக்காலத்தில் யாரையும் கண்மூடித்தனமாக நம்புவதைத் தவிர்க்க அறிவுறுத்தப்படுகிறது.

சிம்மம்

ஆகஸ்ட் மாதத்தில் நிகழும் 4 கிரகங்களின் பெயர்ச்சி சிம்ம ராசிக்காரர்களுக்கு மகிழ்ச்சியையும், அதிர்ஷ்டத்தையும் அதிகரிக்கும். இந்த மாதத்தில் உங்களின் ஆற்றலும், நம்பிக்கையும் அதிகரித்து இருக்கும். நீங்கள் மிகவும் மகிழ்ச்சியாக இருப்பீர்கள். மேலும் இக்காலம் உங்கள் ஆரோக்கியத்தைப் பற்றி உங்களுக்கு அதிக விழிப்புணர்வை ஏற்படுத்தும். இந்த மாதத்தில் நீங்கள் ரிஸ்க் எடுக்க தயங்க மாட்டீர்கள். வணிகர்களுக்கு நேரம் முக்கியமாகும்.

துலாம்

ஆகஸ்ட் மாத கிரக பெயர்ச்சிகள் துலாம் ராசிக்காரர்களுக்கு நன்மை பயக்கும். உழைக்கும் மக்களுக்கு இந்த மாதத்தில் அதிர்ஷ்டத்தின் ஆதரவு கிடைக்கும். இக்காலத்தில் வியாபாரிகள் நல்ல லாபம் ஈட்ட முடியும். இதனால் இந்த மாதத்தில் வருவாய் சிறப்பாக இருக்கும். கூடுதலாக, கலை மற்றும் கலாச்சார நடவடிக்கைகளில் ஈடுபடுபவர்களுக்கு முக்கியமான காலம். இக்காலத்தில் உங்களின் திறமை அதிகரிக்கும் மற்றும் நீங்கள் சிறப்பாக செயல்படுவீர்கள். அரசு பணிபுரிபவர்கள் சலுகைகளைப் பெற வாய்ப்புள்ளது.