இந்த ராசிகளில் பிறந்தவர்களுக்கு காதலை விட எப்பொழுதும் சுயவெற்றியே முக்கியமாம்...பார்த்து பழகுங்கள்..

மேஷம்

மேஷ ராசிக்காரர்களுக்கு போட்டி போடுவது என்பது இரத்தத்திலேயே இருக்கும் குணமாகும். பணியிடங்களில் இவர்கள் எப்பொழுதும் போட்டி மனம்பான்மையுடன்தான் இருப்பார்கள். வெற்றிதான் இவர்களுக்கு வாழ்க்கையில் எல்லாமே. சிறுசிறு வெற்றிகள் இவர்களை எப்பொழுதும் மகிழ்ச்சி படுத்தாது. உச்ச வெற்றி மட்டுமே இவர்களுக்கு திருப்தியை தரும். ஒருவேளை நீங்கள் மேஷ ராசிக்கார்களை விரும்புபவராக இருந்தால் அவர்களின் இந்த குணத்தை சகித்துக்கொள்ளத்தான் வேண்டும்.

ரிஷபம்

கம்பீரம் மற்றும் நம்பிக்கையே இவர்களின் அடையாளமாகும். அவர்கள் எப்பொழுதும் தங்களின் இருப்பை தக்கவைத்து கொள்வார்கள் அதற்கு அவர்களின் வேலை ஒன்றும் விதிவிலக்கல்ல. அவர்களின் வசீகரம் எப்பொழுதும் மேலதிகாரத்தில் இருப்பவர்களை கவரும், இதனால் அவர்களுக்கு சாதகமான சூழல்கள் எப்போதும் நிறைந்திருக்கும். இவர்கள் காதலில் மகிழ்ச்சியாக இருந்தாலும் வெற்றிக்கு கொடுக்கும் முக்கியத்துவம் காதலுக்கு இவர்களிடம் இருக்காது.

சிம்மம்

மற்ற அனைத்து ராசிகளை காட்டிலும் சிம்ம ராசிக்காரகளுக்கு மேலாதிக்கம் மிகவும் அதிகமாக இருக்கும், சொல்லப்போனால் இது அவர்களின் வெற்றிக்கு சாதகமானதாகவே இருக்கும். தங்களுக்கு மற்றவர்கள் கட்டளையிடும் நிலையில் இருப்பதை இவர்கள் ஒருபோதும் விரும்பமாட்டார்கள். பணியிடத்தில் எந்த தந்திரத்தை பயன்படுத்தி உச்சத்திற்கு வரவேண்டும் என்று இவர்கள் நன்கு அறிவார்கள். அதே தந்திரத்தை இவர்கள் காதலில் வெற்றிபெறவும் பயன்படுத்துவார்கள். ஆனால் காதலை? வெற்றியா? என்றால் இவர்களின் தலை வெற்றியின் பக்கமே சாயும்.

கன்னி

மற்ற ராசிக்காரர்களை போல இவர்கள் வெற்றி பெற வேண்டும் என்று ஆக்ரோஷமாக செயல்பட மாட்டார்கள். மாறாக இவர்கள் எப்பொழுதும் கடின உழைப்பாளிகளாக இருப்பார்கள். இவர்களின் உழைப்பே இவர்களுக்கான வெற்றியை பெற்றுத்தரும். அவர்களின் கடின உழைப்புதான் அவர்களை காதல் உறவுகளில் இருந்து எப்போதும் விலகியே வைத்திருக்கும், அவர்களே விரும்பினாலும் அவர்களின் சூழல் அவர்களை காதலில் ஈடுபட விடாது. அவர்களின் கவனம் எப்பொழுதும் வேலையிலேயே இருக்கும்.

தனுசு

தனுசு ராசிக்காரர்கள் எப்பொழுதும் அர்ஜுனன் போல தன்னுடைய இலக்கை நோக்கியே பயணிப்பார்கள். இதற்காக அவர்கள் உண்மையான காதலை கூட தவிர்க்க தயங்க மாட்டார்கள். இருப்பினும் தங்கள் காதலை தக்க வைத்து கொள்ள எப்பொழுதும் பொய் சத்தியங்களை செய்து கொண்டு இருப்பார்கள். இதுபோன்ற சூழ்நிலைகளில் அவர்கள் வேலைக்கே அதிக முக்கியத்துவம் கொடுப்பார்கள். வெற்றி இவர்களுக்கு காதலை விட அதிக மகிழ்ச்சியை கொடுப்பதாக இருக்கும்.

கும்பம்

இவர்கள் தங்களுடைய அறிவாற்றல் மற்றும் கடின உழைப்பை எப்பொழுதும் தங்களின் முன்னேற்றத்திற்காகவும், பிறருக்கு உதவுவதற்காகவும் பயன்படுத்துவார்கள். மற்றவர்களுடன் பழகுவதிலும், உறவுகளை பராமரிப்பதிலும் இவர்கள் அற்புதமான வழிமுறைகளை பின்பற்றுவார்கள். தன்னுடைய முன்னேற்றத்திற்கு எப்பொழுதும் சுயநலமாக இருக்க இவர்கள் தயங்க மாட்டார்கள். எனவே வாய்ப்புகள் வரும்போது முன்னேற அதனை அவர்கள் பயன்படுத்திக்கொள்ள எதையும் செய்வார்கள்.