உங்கள் பிறந்த தேதியின் படி உங்கள் வீட்டில் பணமழை பொழிய நீங்க என்ன செய்யணும் தெரியுமா?

பிறந்த எண்

வேத நூல்களின் படி ஒவ்வொருவருக்கும் பிறந்த எண், விதி எண் மற்றும் பெயர் என மூன்று எண் இருக்கும். பிறந்த எண் என்பது ஒருவருடைய பிறந்த எண்ணின் கூட்டுத்தொகையாகும். அதவாது 23 என்றால் 2+3=5 ஆகும். விதி எண் என்றால் பிறந்த மொத்த தேதியின் கூட்டுத்தொகையாகும், அதாவது 12-09-1985 என்றால் 1+2+ 0 +9 +1 +9+ 8 +5= 35, 3+5=8.

பெயர் எண்

பெயர் எண் என்றால் ஒருவரின் பெயருடைய மொத்த கூட்டுத்தொகையாகும். உங்கள் பெயரின் ஒவ்வொரு எழுத்திற்கும் ஒரு தனித்துவமான சத்தமும், அதற்கென சக்தியும் இருக்கும். உதாரணம் சரண்ராஜ் சிதம்பரம்= 11, 1+1=2. அங்க சாஸ்திரத்தின் படி உங்கள் பிறந்த எண்ணின் படி உங்கள் வாழ்க்கையை மாற்ற நீங்கள் செய்ய வேண்டியது என்னவென்று பார்க்கலாம்.

பிறந்த எண் 1

உங்கள் பிறந்த எண்ணின் கூட்டுத்தொகை 1 ஆக இருந்தால் அதாவது 1,10,19,28 ஆக இருந்தால் உங்களை சுற்றி நடக்கும் சம்பவங்களால் நீங்கள் எளிதில் பாதிக்கப்படுவீர்கள். உங்களின் அதிர்ஷ்டத்தை அதிகரிக்க ஞாயிற்றுக்கிழமையில் இனிப்பு சாப்பிடுங்கள். கையில் மாணிக்கக்கல் போடுவது உங்களுக்கு சிறந்த எதிர்காலத்தை வழங்கும்.

பிறந்த எண் 2

2, 11, 20, 29 தேதிகளில் பிறந்தவர்களின் பிறந்த எண் 2 ஆகும். நீங்கள் திங்கள் கிழமையில் விரதம் இருப்பது நல்லது. அது இயலவில்லை எனில் திங்கள் கிழமையில் உப்பு சாப்பிட முயலுங்கள். கையில் முத்து அணிவது உங்கள் வாழ்க்கையில் வெற்றிகளை குவிக்க உதவும்.

பிறந்த எண் 3

3, 12, 21, 30 போன்ற தேதிகளில் பிறந்தவர்களின் கூட்டுத்தொகை 3 ஆகும். வியாழக்கிழமையில் மஞ்சள் துணி அணிவது உங்களுக்கு அதிர்ஷ்டத்தை ஏற்படுத்தும் மேலும் வியாழக்கிழமையில் ப்ரஜாபதியை வழிபடுவது வெற்றியை உங்கள் தோள்கள் மீது கொண்டுவரும்.

பிறந்த எண் 4

4, 13, 22, 31 ஆகிய தேதிகளில் பிறந்தவர்களின் கூட்டுத்தொகை 4 ஆகும். இவர்கள் வாழ்க்கையில் இருக்கும் தடங்கல்களை அகற்ற பிள்ளையாரை வழிபட வேண்டும். ஓம் ப்ரஹ்ம் புரிஷ் பிரம்மான் சாஹ் ரஹ்வ் நாமா என்ற மந்திரம் வெற்றியை வீடு தேடி வரவைக்கும்.

பிறந்த எண் 5

5, 14, 23 தேதிகளில் பிறந்தவர்களின் கூட்டுத்தொகைதான் 5 ஆகும். இவர்கள் மாட்டிற்கு புதன் கிழமைகளில் புல்லும், வெல்லமும் கொடுக்க வேண்டும். பிள்ளையாரை வழிபடுவது வெற்றியின் வாய்ப்பை அதிகரிக்கும். 'ஓம் பிராம்ம் ப்ரின்ம் பிரவும் ஸால் புதயே நாமா ' என்பது இவர்களின் வெற்றிக்கான மந்திரம் ஆகும்.

பிறந்த எண் 6

6, 15, 24, தேதிகளில் பிறந்தவர்களின் பிறந்த எண் 6 ஆகும். வியாழ கிழமைகளில் லக்ஷ்மியை வழிபட்டு இனிப்பு சாப்பிடுவது இவர்களின் பொருளாதார நிலையை உயர்த்தும். ஓம் டிராம்ம் டிரின்ம் ட்ரான்ம் சாஹ் ஷுக்ரேரே நமாஹ் என்பது இவர்களின் வெற்றிக்கான மந்திரம் ஆகும்.

பிறந்த எண் 7

7, 16 மற்றும் 25 தேதிகளில் பிறந்தவர்களின் பிறந்த எண் 7 ஆகும். இவர்கள் கருப்பு நாயிற்கு உணவு படைப்பது இவர்களுக்கு மிகுந்த நன்மையை ஏற்படுத்தும். நினைத்தது பலிக்க சிவபெருமானை வணங்கி அபிஷேகம் செய்ய வேண்டும்.

பிறந்த எண் 8

8, 17 மற்றும் 26 தேதிகளில் பிறந்தவர்களின் பிறந்த எண் 8 ஆகும். இவர்கள் அரசமரத்திற்கு நெய் விளக்கேற்றி வழிபடுவது நல்லது. இவர்கள் சனிபகவானை ஊதுபத்திகள் கொண்டு வழிபடுவது இவர்களின் வாழ்க்கையில் இருக்கும் எதிர்மறை ஆற்றலை அப்புறப்படுத்தும்.

பிறந்த எண் 9

9, 18 மற்றும் 27 ஆகிய தேதிகளில் பிறந்தவர்களின் பிறந்த எண் 9 ஆகும். இவர்கள் செவ்வாய் கிழமைகளில் அனுமனை வழிபடுவது இவர்கள் வாழ்வில் நல்ல மாற்றங்களை ஏற்படுத்தும். இவர்கள் தங்கம் அணிவது பொருளாதாரரீதியாக இவர்களுக்கு நல்ல முன்னேற்றத்தை கொடுக்கும்.