முட்டையினுள் மஞ்சள் கருவை ஒட்டியிருக்கும் வெள்ளை நிற மெல்லிய சவ்வு பற்றித் தெரியுமா?

முட்டைக் கருத்திரி

இது ஒரு முட்டைக் கருத்திரி. இது ஒருவகையான புரோட்டீனும் கூட. இது தான் முட்டையின் மையப்பகுதியில் மஞ்சள் கருவை வைத்திருக்க உதவுகிறது.

நல்லதா? கெட்டதா?

மஞ்சள் கருவை ஒட்டியிருக்கும் வெள்ளை நிற சவ்வு போன்ற மெல்லிய கயிறு உண்மையிலேயே மிகவும் நல்லது. இதை சாப்பிட எவ்வித அச்சமும் கொள்ளத் தேவையில்லை.

நல்ல முட்டை

முட்டையில் உள்ள அந்த வெள்ளை நிற சவ்வு தான், ஒரு முட்டை நல்லதா, கெட்டதா என்பதையே சொல்லும். ஒருவேளை முட்டையில் அந்த வெள்ளை நிற சவ்வு இல்லாவிட்டால், அது வாங்கி பல நாட்களாகிவிட்டது என்றும், முட்டை கெட்டுப் போயுள்ளது என்றும் அர்த்தம்.

மேலும் சில தகவல்...

முழு பச்சை முட்டையை வினிகரில் 2 நாட்கள் ஊற வைத்தால், அதன் ஓடு வினிகரில் கரைந்து, படத்தில் காட்டப்பட்டவாறு தான் இருக்கும் என்பது தெரியுமா?

Image Courtesy

நல்ல முட்டை பரிசோதனை

முட்டை நற்பதமானதா அல்லது கெட்டுப் போனதா என்பதை ஒரு எளிய பரிசோதனையின் மூலம் தெரிந்து கொள்ளலாம். அதற்கு ஒரு பாத்திரத்தில் நீரை நிரப்பி, அதில் முட்டையைப் போட வேண்டும்.

* அப்போது முட்டை நீரில் முழுமையாக மூழ்கினால், அந்த முட்டை மிகவும் நற்பதமானது என்று அர்த்தம்.

* அதுவே முட்டையின் ஒரு முனை அடிப்பகுதியை தொட்டவாறும், மறுமுனை மிதந்தவாறும் இருந்தால், அந்த முட்டை இன்னும் சாப்பிடுவதற்கு ஏற்ற நிலையில் உள்ளது என்று அர்த்தம்.

* ஒருவேளை முட்டை மிதந்தால், அந்த முட்டை கெட்டுப் போயுள்ளது என்று அர்த்தம்.

Image Courtesy