டிடிவி தினகரன் பற்றி அனைவரும் அறிந்துக் கொள்ள வேண்டிய 8 உண்மைகள்!

உண்மை #1

சொத்து குவிப்பு வழக்கில் சிறை தண்டனை பெற்ற சசிகலா அவர்களின் அக்கா வனிதாமணியின் 3 மகன்களில் ஒருவர் தான் டி.டி.வி. தினகரன்.

ஜெயலலிதாவுடனான நெருக்கத்தின் காரணமாக சசிகலா அவரது அக்கா மகன்களை அரசியலுக்கு கொண்டு வந்தார். தினகரன், பாஸ்கரன் மற்றும் சுதாகரன் ஆகிய இவர்களை பொதுவாக டி.டி.வி சகோதரர்கள் என்றும் அழைக்கின்றனர்.

உண்மை #2

தினகரன், பாஸ்கரன் மற்றும் சுதாகரன் ஆகிய மூவரும் அ.தி.மு.க-வில் சலுகைகளை பல பெற்று கட்சியின் முக்கிய நபர்களாக மாறினார்.

1988-ம் ஆண்டு எம்.ஜி.ஆர் மரணமடைந்த பிறகு, தினகரன் அதிமுகவில் மேலோங்க ஆரம்பித்தார். சசிகலா கணவர் நடராஜனுக்கும், தினகரனுக்கும் இருந்த நட்பை அறிந்த ஜெயலலிதா, தினகரனை வட்டாரத்தில் இருந்து விலக்கி வைத்தார்.

உண்மை #3

சசிகலாவின் நட்பு காரணமாக ஜெயலலிதாவின் வட்டாரத்தில் மீண்டும் சேர்ந்தார் தினகரன். இதனால், பின்னாளில் நாடாளுமன்ற உறுப்பினராகவும் ஆனார்.

உண்மை #4

2011-ம் ஆண்டு சசிகலா உள்பட அவரின் குடும்ப உறவினர்கள் ஜெயலலிதாவிற்கு எதிராக செயல்பட்டதால், அவர்கள் அனைவரையும் தனது வீட்டில் இருந்து வெளியேற்றினார்.

அதன் பிறகு 2012-ல் மன்னிப்புக் கடிதம் தந்து சசிகலா போயஸ் தோட்டத்துக்குள் மீண்டும் நுழைந்தார். இதன் பிறகும் கூட டி.டி.வி உள்ளிட்ட மற்ற அனைவரையும் தன் வட்டாரத்தில் சேர்த்துக் கொள்ளவும் இல்லை, போயஸ் தோட்டத்துக்குள் அனுமதிக்கவும் இல்லை ஜெயலலிதா.

உண்மை #5

கடந்த ஆண்டு ஜனவரி மாதம் 6-ம் தேதி, சென்னை உயர் நீதிமன்றம் டிடிவி தினகரனுக்கு எதிராக அந்நிய செலாவணி நெறிமுறை சட்டத்தின் கீழ் தொடரப்பட்டிருந்த வழக்கில் தீர்ப்பளித்தது. வெளிநாட்டு பணப் பரிவர்த்தனையில் முறைகேடு செய்ததாக அவருக்கு 25 கோடி ரூபாய் அபராதம் விதித்தது.

உண்மை #6

1991-96-ல் ஜெயலலிதா ஆட்சியில் இருந்தபோது டிடிவி தினகரன் இந்தியாவுக்கு வெளியே இருந்த வங்கிக் கணக்கில் அதிகமாக வைத்திருந்த டெபாசிட் தொகையை இந்தியாவுக்கு மாற்ற முயன்றதற்காக 2000-ம் ஆண்டில் 31 கோடி ரூபாய் அபராதம் விதித்தது. பிறகு மேல்முறையீட்டுக்கு பின்னர் 25 கோடி ரூபாயாக அபராதம் குறைக்கப்பட்டது.

உண்மை #7

ஜெயலலிதாவின் சொத்து குவிப்பு வழக்கில் ஐந்தாவது குற்றவாளியாக சேர்க்கப்பட்ட டி. டி. வி. தினகரன் பிறகு வழக்கிலிருந்து விடுவிக்கப்பட்டார்.

உண்மை #8

டிடிவி தினகரன் எமரால்டு கன்ஸ்ட்ரக்‌ஷன் (Emeralad Construction) என்ற கம்பெனியை 1991-ம் ஆண்டு நடத்தி வந்தார். ஆனால், இந்த கம்பெனி பெயரில் மற்றவர்களின் நிலங்களை ஆக்கிரமிப்பு செய்வதாக காங்கிரஸ் எம்.எல்.ஏ, ஒருவர் இவர் மீது வழக்கு தொடுத்தார். பின்பு, ஹவாலா வழக்கிலும் சிக்கியுள்ளார் மறைந்த ஜெயலலிதாவின் ஆர்.கே. நகர் இடைத்தேர்தலில் போட்டியிடும் டிடிவி தினகரன்.