பிரேமம் செலின் பற்றி பலரும் அறியாத தகவல்கள்!!

பிறப்பும், படிப்பும்

செலின் என்கிற மடோனா செபாஸ்டியன் பிறந்தது எர்ணாகுளத்தில். இவர் பெங்களூரில் இவரது பட்டப்படிப்பை முடித்தார். இவர் பி.காம் பட்டதாரி ஆவார்.

இசை

நடிப்பு மட்டுமின்றி, இவர் ஓர் நல்ல பாடகியும் ஆவார். மற்றும் இவருக்கு இசை மீது சீரிய ஆர்வமும் உள்ளது. கர்நாடக மற்றும் மேற்கத்திய இசையை இவர் முறைப்படி கற்று தேர்ந்தவர் என்பது குறிப்பிடத்தக்கது.

பாடகியாக பிரபலம்

இவர் மலையாள இசை நிகழ்ச்சியான மியூசிக் மோஜோ ( Music Mojo) எனும் நிகழ்ச்சியில் பாடி வந்தார். இதன் மூலம் பார்வையாளர்கள் மத்தியில் பெரும் பிரபலமடைந்தார்.

பாடகி டூ நடிகை

இதனை தொடர்ந்து சூர்யா டிவியில் ஓர் நிகழ்ச்சியை தொகுத்து வழங்கி வந்தார், அப்போது இவரை டிவியில் கண்ட பிரேமம் திரைப்பட இயக்குனர் அல்போன்ஸ் புத்திரன் இவரை நடிப்பு தேர்வுக்கு அழைத்து, நடிகையாகவும் தேர்வு செய்தார் என கூறப்படுகிறது.

நடிப்பில் ஆர்வம் குறைவு

நடிப்பில் ஆர்வம் குறைவாக இருப்பினும் கூட இவர் தேர்வு செய்யப்பட்டார். முதலில் இவர் தான் பிரேமம் திரைப்படத்தில் மேரி கதாபாத்திரத்தில் நடிக்கவிருந்ததாம். பிறகு செலின் பாத்திரம் ஏற்று நடித்தார் என கூறப்படுகிறது.

இசை பயணம்

இவர் தீபக் தேவ் மற்றும் கோபி சுந்தர் போன்ற இசையமைப்பாளர்களிடம் பாடல்கள் பாடியுள்ளார். சிறு வயது முதலே இவருக்கு இசையில் ஆர்வம் அதிகம். "யூ டூ ப்ரூட்டஸ்" (You Too Brutus) என்ற படத்தில் "Raavukali" என்ற பாடலும் பாடியுள்ளார்.

சொந்தமான இசை குழு

ராபி ஆபிரகாம் என்பவருடன் இணைந்து "Everafter" என்ற இசை குழுவை நடத்தி வருகிறார் மடோனா செபாஸ்டியன். இந்த குழுவின் மூலம் திறமையுள்ள புதிய இசைக்கலைஞர்களுக்கு வாய்ப்பளிக்க திட்டமிட்டுள்ளார்.

முதல் ஆன்லைன் பாடல்

இந்தாண்டு ஆரம்பத்தில் இவர்களது முதல் ஆன்லைன் இசையான "Veruthe" வெளியானது. ரசிகர்கள் மத்தியில் இந்த பாடல் நல்ல வரவேற்பு பெற்றது.