சகாப்தம் படைத்த பழம்பெரும் சோழ மன்னர்கள் பற்றிய தகவல்கள்!!

விசயாலய சோழன்

விசயாலய சோழன் ஆட்சி புரிந்த காலம் 848-871, இவர் சுராதிராஜனின் மகன். இவர் தஞ்சாவூரை தலைநகராக கொண்டு ஆட்சி புரிந்தார்.

ஆதித்த சோழன்

ஆதித்த சோழன் சோழனின் ஆட்சி காலம் 871-907, இவர் விசலாய சோழனின் வம்சாவளி ஆவார். இவரும் தஞ்சாவூரை தலைநகராக கொண்டு சோழ இராஜ்ஜியத்தை ஆட்சி செய்து வந்தார்.

முதலாம் பராந்தக சோழன்

முதலாம் பராந்தக சோழன் 907-950 ஆண்டுகளில் தஞ்சாவூரை தலைநகராக கொண்டு சோழ நாட்டை ஆட்சி செய்து வந்தார். இவர் ஆதித்த சோழனின் மகன் ஆவார்.

கண்டராதித்த சோழன்

கண்டராதித்த சோழன் 950-955 ஆண்டுகளில்சோழ நாட்டை ஆட சி செய்து வந்தார். இவரும் தஞ்சாவூரை தான் தலைநகராக கொண்டிருந்தார். இவர் முதலாம் பராந்தக சோழனின் இரண்டாம் மகன் ஆவர்.

அரிஞ்சய சோழன்

அரிஞ்சய சோழன் ஓராண்டு காலம் மட்டுமே சோழ நாட்டை ஆட்சி செய்தார் (956-957). இராட்டிரகூடர்களை அகற்றுவதற்கு முயன்றான். இம் முயற்சி தோல்வியின் முடிந்து, ஆற்றூர் என்னுமிடத்தில் இறந்தார். இவர் முதலாம் பராந்தக சோழனின் மூன்றாவது மகன் ஆவார்.

இரண்டாம் பராந்தக சோழன்

இரண்டாம் பராந்தக சோழன் 957-973 ஆண்டுகளின் காலக்கட்டத்தில் சோழ பகுதியை ஆண்டு வந்தார். அரிஞ்சய சோழனின் மகன் இவர். இவர் தஞ்சாவூரை தலைநகராக கொண்டு ஆட்சி செய்து வந்தார்.

ஆதித்த கரிகாலன்

ஆதித்த கரிகாலன் இரண்டாம் பராந்தக சோழனின் மூத்த மகன் ஆவார். இவர் காஞ்சிபுரத்தை தலைநகராக கொண்டு 957-969 ஆண்டு காலக்கட்டத்தில் சோழ சாம்ராஜ்யத்தை ஆட்சி செய்து வந்தார்.

உத்தம சோழன்

உத்தம சோழன், கண்டராதித்த சோழனின் மகன் ஆவார். இவர் மீண்டும் தஞ்சாவூரையே தலைநகராக கொண்டு 970-985 ஆண்டு காலக்கட்டத்தில் ஆட்சி புரிந்தார்.

முதலாம் இராசராச சோழன்

முதலாம் இராசராச சோழன், இரண்டாம் பராந்தக சோழனின் இரண்டாம் மகன் ஆவார். இவர் தான் தஞ்சையை தலைநகராக கொண்டு ஆட்சி செய்த கடைசி சோழ மன்னர். இவர் 985-1014 ஆண்டு காலக்கட்டத்தில் சோழ இராஜ்ஜியத்தை ஆட்சி செய்து வந்தார்.

முதலாம் இராசேந்திர சோழன்

முதலாம் இராசேந்திர சோழன், முதலாம் இராசராச சோழன் வம்சாவளி ஆவார். இவர் தான் காலம் காலமாக சோழர்களின் தலைநகராக இருந்து வந்த தஞ்சையை மாற்றி. கங்கை கொண்ட சோழபுரத்தை தலைநகர் ஆக்கினார். இவரது ஆட்சிக் காலம் 1012-1044.

முதலாம் இராசாதிராச சோழன்

முதலாம் இராசாதிராச சோழன், முதலாம் இராசேந்திர சோழனின் மூத்த மகன் ஆவார். இவர் தொடர்ந்து கங்கைக் கொண்ட சோழபுரத்தை தலைநகராக கொண்டு சோழ தேசத்தை ஆட்சி செய்துவந்தார். இவரது ஆட்சி காலம் 1018-1054.

இரண்டாம் இராசேந்திர சோழன்

இரண்டாம் இராசேந்திர சோழன், முதலாம் இராசேந்திர சோழனின் இரண்டாவது மகன் ஆவார். இவரது ஆட்சி காலம் 1051-1063 ஆண்டுகள் ஆகும்.

வீரராசேந்திர சோழன்

வீரராசேந்திர சோழன், இரண்டாம் இராசேந்திர சோழனின் மகன் ஆவார். இவர் 1063-1070 ஆண்டுகளுக்கு உட்பட்ட காலத்தில் சோழ தேசத்தை ஆட்சி செய்து வந்தார்.

அதிராசேந்திர சோழன்

வீரராசேந்திர சோழனின் மரணத்திற்கு பிறகு ஆட்சி பொறுப்பேற்ற அதிராசேந்திர சோழன் ஒருசில மாதங்களிலேயே சூழ்ச்சி மற்றும் கலகங்களின் காரணமாக கொலை செய்யப்பட்டதாக கூறப்படுகிறது. இவர் 1070ஆம் ஆண்டில் ஒரு சில மாதங்கள் மட்டுமே ஆட்சி செய்தார். விசயாலய சோழனில் தொடங்கி அதிராசேந்திர சோழன் வரையிலான அரசர்கள் மட்டுமே விசயாலய வம்சத்தை சேர்ந்தவர்கள். அதிராசேந்திர சோழனின் மறைவிற்கு பிறகு சாளுக்கிய வம்சம் சோழ தேசத்தை ஆட்சி செய்ய தொடங்கியது.

முதலாம் குலோத்துங்க சோழன்

அதிராசேந்திர சோழனின் மறைவுக்கு பிறகு சாளுக்கிய வம்சத்தில் இருந்து முதலாம் குலோத்துங்க சோழன் சோழ தேசத்தை ஆட்சி செய்ய தொடங்கினான். இவர், 1070-1120 ஆண்டு காலக்கட்டத்தில் ஆட்சி செய்து வந்தார்.

விக்கிரம சோழன்

விக்கிரம சோழன், முதலாம் குலோத்துங்க சோழனின் மகன். இவர் கங்கை கொண்ட சோழபுரத்தை தலைநகராக கொண்டு 1118-1136 ஆண்டு காலகட்டத்தில் ஆட்சி செய்து வந்தார்.

இரண்டாம் குலோத்துங்க சோழன்

இரண்டாம் குலோத்துங்க சோழன், விக்கிரம சோழனின் மகன் ஆவார். இவரது ஆட்சி காலம் 1133-1150 ஆண்டுகளுக்கு உட்பட்டது ஆகும்.

இரண்டாம் இராசராச சோழன்

இரண்டாம் இராசராச சோழன், இரண்டாம் குலோத்துங்க சோழனின் மகன் ஆவார். இவர் சோழ தேசத்தை 1146-1163 ஆண்டுகளில் ஆட்சி செய்து வந்தார்.

இரண்டாம் இராசாதிராச சோழன்

இரண்டாம் இராசாதிராச சோழன், இரண்டாம் இராசராச சோழனின் ஒன்றுவிட்ட சகோதரன் ஆவார். இவர் 1163-1178 ஆண்டுகளில் சோழ தேசத்தை ஆட்சி செய்து வந்தார்.

மூன்றாம் குலோத்துங்க சோழன்

மூன்றாம் குலோத்துங்க சோழன், இரண்டாம் இராசராச சோழனின் மகன். இவர் கங்கை கொண்ட சோழபுரத்தை தலைநகராக கொண்டு, சோழ தேசத்தை 1173-1218 ஆண்டு காலக்கட்டத்தில் ஆட்சி செய்தார்.

மூன்றாம் இராசராச சோழன்

மூன்றாம் இராசராச சோழன், மூன்றாம் குலோத்துங்க சோழனின் மகனாவார். இவர் 1216-1256 ஆண்டுகளில் சோழ தேசத்தை ஆட்சி செய்தார்.

மூன்றாம் இராசேந்திர சோழன்

மூன்றாம் இராசேந்திர சோழன், மூன்றாம் இராசராச சோழனின் மகன். இவர் 1246-1279ஆண்டுகளில் சோழ சாம்ராஜ்ஜியத்தை ஆட்சி செய்து வந்துள்ளார்.