தங்கம் மற்றும் வெள்ளியால் செய்யப்படும் இந்தியாவின் காஸ்ட்லியான கல்யாண பத்திரிக்கை... இதன் விலை என்ன தெரியுமா?

இந்தியாவில் திருமணம் என்பது வெறும் சாதாரண நிகழ்வாக பார்க்கப்படுவதில்லை. இது ஒரு குடும்பங்கள் இணையும் கொண்டாட்டமாக கருதப்படுகிறது. திருமணத்தின் தொடக்கப்புள்ளியாக இருப்பது அதற்காக அச்சிடப்படும் அழைப்பிதழ்தான். கொண்டாட்டங்களுக்கான மனநிலையை உருவாக்குவதில் திருமண அழைப்பிதழ்கள் முக்கியமானவை.

பாரம்பரியமாக, "மஞ்சள் கடிதம்" என்று அழைக்கப்படும் முதல் அழைப்பிதழ் மணமகளின் குடும்பத்திலிருந்து மணமகனுக்கு அனுப்பப்படுகிறது. பெரும்பாலான குடும்பங்கள் அச்சிடப்பட்ட காகித அழைப்பிதழ்களைப் பயன்படுத்துகையில், உத்தரபிரதேசத்தின் ஃபிரோசாபாத்தில் உள்ள ஒரு சிறந்த பொன் வியாபாரி, ஆடம்பரமான தங்கம் மற்றும் வெள்ளி திருமண அழைப்பிதழ் மூலம் அனைவரையும் ஆச்சரியப்படுத்தியுள்ளார்.

Photo Credit:

It is representaional image only

ஃபிரோசாபாத்தில் உள்ள ஆக்ரா கேட்டில் லாலா ரவீந்திர நாத் கன்ஹையா லால் சரஃபா கடையை நடத்தி வரும் லக்கி ஜிண்டால், அளித்த பிரத்யேகமான பேட்டியில், "திருமணங்களில், மக்கள் அழைப்பிதழ் அட்டைகளை அச்சிடுகிறார்கள், ஆனால் அவர்கள் பெரும்பாலும் அவற்றின் மதிப்பை புரிந்து கொள்ளாமலும், செலவை மிச்சப்படுத்தவும் அவற்றை நிராகரிக்கிறார்கள். குறிப்பாக திருமணம் நிச்சயிக்கப்பட்ட பின், ​​​​மக்கள் ஒரு மஞ்சள் கடிதத்தின் வடிவத்தில் அழைப்பிதழை அச்சிட்டு, மணமகனின் குடும்பத்திற்கு அனுப்புகிறார்கள், பின்னர் அவர்கள் அதை தூக்கி எறிந்து விடுகிறார்கள். ஆனால் அழைப்பிதழை அவ்வாறு அவமதிக்கக்கூடாது. இந்த அழைப்பிதழ் அட்டைகளை எப்போதும் கவனமாக வைத்திருக்க வேண்டும், ஏனெனில் திருமண அழைப்பிதழ் ஒரு நேசத்துக்குரிய நினைவுப் பொருளாகும்.

திருமண பாரம்பரியத்தின் முக்கிய அங்கமான மஞ்சள் கடிதம் மரியாதையுடன் நடத்தப்படுவதற்கும் பாதுகாக்கப்படுவதற்கும் தகுதியானது என்று ஜிண்டால் வலியுறுத்தினார். அவர் அளித்த பேட்டியின் படி, ஜிண்டால் கடை அழகு மற்றும் ஆடம்பரம் கலந்த பிரமிக்க வைக்கும் திருமண அழைப்பிதழ்களை உருவாக்கத் தொடங்கியுள்ளது. தங்கம் மற்றும் வெள்ளியால் செய்யப்பட்ட நுணுக்கமான வடிவமைப்புகளைக் கொண்ட இந்த அட்டைகள், மறக்கமுடியாத நினைவுகளை உருவாக்க விரும்பும் தம்பதிகளிடையே வேகமாக பிரபலமாகி வருகின்றன. அழைப்பிதழ்கள் தங்கம் அல்லது வெள்ளி எழுத்துக்களால் அழகாக பொறிக்கப்பட்டுள்ளன, இது அவற்றின் அழகைக் கூட்டுகின்றன.

ஃபிரோசாபாத் நகரில் முதல் முறையாக தங்கம் மற்றும் வெள்ளியால் திருமண அட்டைகள் தயாரிக்கப்படுகின்றன. இந்த கார்டுகள் இந்த விலைமதிப்பற்ற உலோகங்களில் இருந்து வடிவமைக்கப்பட்ட பிரேம்களைக் கொண்டுள்ளன, அதுமட்டுமின்றி பாரம்பரிய திருமண அட்டைகளைப் போலவே வாடிக்கையாளர்கள் அழைப்பிதழ்களை அச்சிட அனுமதிக்கிறது.

இந்த கடையின் முதலாளி லக்கி ஜிண்டால் கூறுகையில், இந்த திருமண அட்டைகளின் விலை ரூ. 10,000 முதல் அதிகபட்சமாக ரூ. 11 லட்சம் வரை நிர்ணயிக்கப்பட்டுள்ளது. மேலும், "மக்கள் தாங்கள் விரும்பும் அழைப்பிதழ் அட்டையை உருவாக்க எங்களை தொடர்பு கொள்ளலாம். ஒவ்வொரு அட்டையும் தூய தங்கம் மற்றும் வெள்ளியில் இருந்து துல்லியமாக வடிவமைக்கப்பட்டுள்ளது, இயந்திரங்கள் மூலம் தர சோதனைகள் செய்யப்படுகின்றன. திருமண சீசன் நெருங்கி வருவதால், இந்த அழைப்பிதழ்களுக்கான ஆர்டர்களை நாங்கள் ஏற்கனவே பெற ஆரம்பித்துவிட்டோம். ரூ. 11 லட்சத்தில், இந்தியாவில் இதுவரை எந்த அழைப்பிதழும் அச்சிடப்படவில்லை.

மேலும் அவர் கூறுகையில், "நாங்கள் பல்வேறு வடிவமைப்புகளுக்கான கோரிக்கைகளை தொடர்ந்து பெறுகிறோம், மேலும் இந்த ஆடம்பர அட்டைகளுக்கான தேவை வேகமாக அதிகரித்து வருகிறது," என்று கூறியுள்ளார்.