காஞ்சிபுரம் சேலையில் கலக்கிய சோனம் கபூர்!!!

காஞ்சிபுரம் சேலை

தென்னிந்தியாவில் மிகவும் பிரபலமான ஒரு சேலை தான் காஞ்சிபுரம். பொதுவாக இந்த சேலையை பெண்கள் திருமணம் மற்றும் மற்ற ஆடம்பர நிகழ்ச்சிகளின் போது உடுத்துவார்கள். சோனம் கபூரும், ஆரஞ்சு கலந்த ரோஸ் நிற பட்டுப்புடவையை அணிந்து வந்தார்.

ஜிமிக்கி

சாதாரணமாக பட்டுப்புடவைக்கு ஜிமிக்கி போட்டால் தான் முகத்திற்கு ஒரு கலையே வரும். அந்த வகையில் சோனம் கபூர் அழகான பெரிய ஜிமிக்கியைப் போட்டிருப்பது, அவரது முகத்தில் இன்னும் அழகை அதிகரிக்கிறது.

கொண்டை

புடவைக்கு பெண்கள் கொண்டை அல்லது பின்னல் போடுவார்கள். ஆகவே சோனம் கபூர், இந்த பட்டுப் புடவைக்கு ஸ்டைலான ஒரு கொண்டைப் போட்டு வந்தார்.

மல்லிகைப்பூ

பொதுவாக தென்னிந்திய பெண்கள் புடவை அணிந்தால், மல்லிகைப்பூ வைக்காமல் இருக்கமாட்டார்கள். அப்படித் தான் சோனம் கபூரும், பட்டுப் புடவைக்கு கொண்டையின் மேல் மல்லிகைப் பூவைச் சுற்றி வைத்து வந்துள்ளார்.

பார்டர் ஜாக்கெட்

காஞ்சிபுர பட்டுப் புடவைக்கு, அதற்கு மேட்சாக பார்டர் உள்ள ஜாக்கெட்டுகளை அணிந்தால் தான் நன்றாக இருக்கும். எனவே சோனம் கபூர், சிறிதும் மாறாமல் அப்படியே வந்திருந்தார்.

காஜல்

பெண்களுக்கு அழகே கண்கள் தான். அத்தகைய கண்கள் கவர்ச்சியாக வெளிப்பட, சோனம் கபூர் கண்களுக்கு சற்று அடர்த்தியாக காஜலை போட்டு வந்திருந்தார்.

போட்லி பேக்

என்ன தான் தலை முதல் கால் வரை பாரம்பரிய உடைகளை அணிந்திருந்தாலும், அங்கு பேக் மட்டும் இல்லாமல் இல்லை. சோனம் கபூர் முற்றிலும் தென்னிந்திய பாணியில் காணப்பட வேண்டுமென்று, உடைக்கு ஏற்றவாறே அழகான சிறிய போட்லி பேக்கை கொண்டு வந்தார்.

அழகி

எவ்வளவு தான் ஃபேஷனாக இருந்தாலும், தமிழ் பாரம்பரிய உடையை அணிந்ததும், சோனம் கபூரின் தோற்றமே மாறிவிட்டது தானே!