உலகில் உள்ள மக்கள் விரும்பி சாப்பிடக்கூடிய பூச்சிகள்!!!

சாக்லெட் தேள்

பொதுவாக தேள் கொட்டும் தன்மையுடையது. ஆனால் இந்த தேள் கொட்டாது. ஏனெனில் இதனைத் தான் எண்ணெயில் போட்டு நன்கு பொரித்து விடுகிறோமே, பின் எப்படி கொட்டும். மேலும் இப்படி பொரித்தப் பின்னர், அதன் சுவையை அதிகரிக்க, அதன் மேல் சாக்லெட் சாஸ் ஊற்றி பரிமாறுகிறார்களாம்.

கரையான்

வீட்டில் உள்ள நாற்காலிகளை அழிக்கும் கரையான்களைக் கூட, ஆப்ரிக்காவில் உள்ள மக்கள் வறுத்து சாப்பிடுகிறார்களாம்.

பார்பெக்யூ கூட்டுப்புழு

அனைவரும் பார்பெக்யூ சிக்கன் கேள்விப்பட்டிருப்போம். ஆனால் பார்பெக்யூ கூட்டுப்புழு கேள்விப்பட்டதுண்டா? ஆம், உலகில் உள்ள சில மக்கள் கூட்டுப்புழுவை நன்கு வேக வைத்து, அதனுள் இருக்கும் சதையை ரசித்து ருசித்து சாப்பிடுவார்களாம்.

கொசு முட்டை

அனைவரையும் கடித்து துன்புறுத்தும் கொசுக்களை பழிவாங்கும் விதமாக, மெக்சிகோவில் உள்ள மக்கள் கொசுக்களின் முட்டையை வெயிலில் உலர வைத்து, பின் அதனை வறுத்து, அதன் மேல் எலுமிச்சை சாற்றினை பிழிந்து சாப்பிடுவார்களாம்.

வறுத்த சிலந்தி

இது பார்ப்பதற்கே அருவெறுப்பாக இருந்தாலும், உண்மையில் கம்போடியாவில் உள்ள மக்கள் சிலந்திகளை வறுத்து, சாப்பிடுவார்களாம்.

கரப்பான் பூச்சி

உலகமே அழிந்தாலும், அழியாமல் இருக்கும் பூச்சியான கரப்பான் பூச்சியைக் கண்டால், அனைவரும் பயப்படுவோம். ஆனால் இந்த கரப்பான் பூச்சியை உலகின் சில பகுதிகளில் உள்ள மக்கள், வறுத்தோ அல்லது வேக வைத்தோ சாப்பிடுவார்கள்.

வெட்டுக்கிளி

பண்டைய காலத்தில் உள்ள கிரேக்க நாட்டு மக்களின் விருப்பமான உணவு தான் வெட்டுக்கிளி. இப்போதும் இந்த வெட்டுக்கிளியை கிரேக்க மக்கள் விரும்பி சாப்பிடுவார்களாம்.