வீட்டுல சீக்கிரமே கேஸ் தீர்ந்துபோகுதா? அப்ப இந்த டிப்ஸை ஃபாலோ பண்ணுங்க...ரொம்ப நாள் கேஸ் தீராமல் இருக்குமாம்!

நம் எல்லாருடைய வீட்டிலும் சிலிண்டர் கேஸை பயன்படுத்திதான் உணவு சமைக்கிறோம். நாளுக்கு நாள் சிலிண்டரின் விலை அதிகரித்து வருகிறது. பொதுவாக மாத்திற்கு ஒருமுறை அல்லது இரண்டு மாதத்திற்கு ஒருமுறை சிலிண்டர் வாங்க வேண்டியிருக்கும். நாம் கேஸை உபயோகிப்பதை பொறுத்து, அது சீக்கிரம் காலியாகுவதும், நீண்ட நாள் நீடிப்பதும் இருக்கலாம்.

ஆதலால், உணவு சமைக்கும்போது கேஸை நாம் திறமையாகப் பயன்படுத்த வேண்டும். நாளுக்கு நாள் சிலிண்டரின் விலை அதிகரித்து வருவதால், இந்த மதிப்புமிக்க வளத்தைப் பாதுகாப்பது முன்னெப்போதையும் விட தற்போது முக்கியமானது. ஆனால், அதை எப்படி நீண்ட காலத்திற்கு இயக்குவது என்பது பலருக்குத் தெரியாது.

பெரும்பாலான மக்கள் எல்பிஜியைப் பயன்படுத்துகின்றனர். ஏனெனில் இது நமது கார்பன் தடயத்தைக் குறைக்கவும், காலநிலை மாற்றத்தின் தாக்கத்தைக் கட்டுப்படுத்தவும் உதவுகிறது. எல்பிஜி வாயுவை திறமையாகப் பயன்படுத்துவதன் மூலம், வளிமண்டலத்தில் வெளியிடப்படும் பசுமை இல்ல வாயுக்களின் எண்ணிக்கையைக் குறைக்கலாம்.

மேலும், இது உங்கள் பணத்தை சேமிக்கவும் உதவுகிறது. உணவை சமைப்பது முதல் தண்ணீரை சூடாக்குவது வரை குறைந்த எரிவாயை மட்டுமே நீங்கள் பயன்படுத்த வேண்டும். உங்கள் கேஸ் சிலிண்டரை நீண்ட காலம் இயக்க நீங்கள் பின்பற்ற வேண்டிய சில எளிய குறிப்புகள் பற்றி இங்கே தெரிந்துகொள்ளுங்கள்.

கேஸ் தீர்ந்துபோவதை எப்படி கண்டுபிடிக்கலாம்?
முதலில், ஒரு பெரிய பருத்தி துணியை எடுத்து தண்ணீரில் நனைத்து, சிலிண்டரைச் சுற்றி நன்றாகத் துடைக்க வேண்டும். பின்னர், 10 நிமிடங்களுக்குப் பிறகு சிலிண்டரை சரிபார்க்கவும். உலர்ந்த பகுதி உலராத பகுதி என இரண்டின் அளவையும் சரிபார்க்க வேண்டும். உலர்ந்த பகுதியானது, சிலிண்டரில் எஞ்சியிருக்கும் வாயுவின் அளவை உங்களுக்கு காட்டும். உலராத பகுதி அது முடிவடையும் நிலையில் உள்ளதைக் குறிக்கும்.

மொத்தமாக சமைக்க வேண்டும்
சிறிதுசிறிதாக உணவை நீங்கள் அடிக்கடி சமைக்கும்போது, அதிகளவில் கேஸை பயன்படுத்தி சமைக்க வேண்டியிருக்கும். இதுவே நீங்கள் அதிகமாக உணவு சமைக்கும்போது, ​​பல சிறிய உணவுகளை சமைப்பதை விட வாயுவை மிகவும் திறமையாகப் பயன்படுத்தலாம். மீதமுள்ள உணவை குளிர்சாதன பெட்டியில் சேமித்து, பின்னர் அவற்றை மீண்டும் சூடுபடுத்தி சாப்பிடலாம்.

பிரஷர் குக்கரைப் பயன்படுத்தவும்
மற்ற பாத்திரங்களை விட பிரஷர் குக்கர் உணவை விரைவில் சமைத்துவிடும் என்பதால், நீங்கள் பிரஷர் குக்கரை பயன்படுத்தியே உணவை சமைக்க தொடங்குங்கள். இதனால், குறைந்தளவு கேஸ் மட்டுமே செலவாகும்.

ஏனெனில் இது அதிக அழுத்தத்தில் உணவை சமைக்க நீராவியைப் பயன்படுத்துகிறது. இதன்மூலம் நீங்கள் குறைந்த நேரத்தில் உணவை எளிதில் சமைக்கலாம். இது எரிவாயுவை சேமித்து, நீண்ட காலம் சிலிண்டர் கேஸ் காலியாகமல் இருக்க உதவும்.

சரியான பர்னரைப் பயன்படுத்தவும்
நீங்கள் பயன்படுத்தும் பாத்திரம் மற்றும் பொருட்களின் அளவுடன் பொருந்தக்கூடிய பர்னரைப் பயன்படுத்த வேண்டும். ஏனெனில், பெரிய பர்னர் ஒரு சிறிய பானை அல்லது பாத்திரத்தை சூடாக்க அதிக வாயுவைப் பயன்படுத்த வேண்டியிருக்கும். எனவே சரியான அளவைத் தேர்ந்தெடுத்து பயன்படுத்துங்கள். நீங்கள் சமைக்கும் பாத்திரத்திற்கு ஏற்ப பர்னரை சிறிதாகவும் பெரிதாகவும் பயன்படுத்த வேண்டும்.

பர்னரை சுத்தமாக வைத்திருங்கள்
சுத்தமான பர்னர் வேகமான வெப்பத்தை வெளியிடும். உங்கள் பர்னரில் அடைப்பு போன்று ஏதாவது பிரச்சனை இருந்தால், வெப்பம் சரியாக வெளிவராது. இதனால், உணவு சமைக்க அதிக நேரம் எடுக்கும். அதிகளவு கேஸ் இதனால் பயன்படுத்த வேண்டியிருக்கும்.

சுத்தமான பர்னரை நீங்கள் பயன்படுத்தும்போது குறைந்த வாயு மட்டுமே செலவாகும். எனவே, பர்னரை நல்ல நிலையில் வைத்திருக்க, அதை அடிக்கடி சுத்தம் செய்ய வேண்டும்.

பர்னரை முன்கூட்டியே அணைக்கவும்
சமைக்கும் போது, உங்கள் உணவு முழுவதுமாக சமைப்பதற்கு சில நிமிடங்களுக்கு முன் பர்னரை அணைக்க வேண்டும். அதில் இருக்கும் மீதமுள்ள வெப்பம் சமையல் செயல்முறையை முடித்து வாயுவைச் சேமிக்கும். இதன் மூலம் சிலிண்டர் கேஸை நீங்கள் சேமிக்கலாம்.

பாத்திரத்தை மூடி வைக்க வேண்டும்
நீங்கள் சமைக்கும் போது, பானை அல்லது பாத்திரத்தை மூடி வைத்து சமைக்க வேண்டும். இது வெப்பம் மற்றும் நீராவியைப் பிடிக்கும் என்பதால், விரைவில் உங்கள் உணவு வெந்துவிடும். இதில் குறைவான அளவு மட்டுமே கேஸ் செலவாகும். குறைந்த வாயுவைப் பயன்படுத்தி உணவை விரைவாகவும் திறமையாகவும் சமைக்கலாம்.

இயற்கை ஒளியைப் பயன்படுத்துங்கள்
நீங்கள் பகலில் சமைக்கிறீர்கள் என்றால், சமையலறை விளக்குகளை இயக்குவதற்குப் பதிலாக இயற்கை ஒளியைப் பயன்படுத்துங்கள். இது ஆற்றலைச் சேமிக்கும் மற்றும் உங்கள் எரிவாயு பயன்பாட்டைக் குறைக்க உதவும்.