வறுமை உங்கள வாட்டி எடுக்குதா? அப்ப அதுக்கு உங்க வீட்டுல இருக்குற இந்த பொருட்கள் தான் காரணம்...

நடராஜர் சிலை

வாஸ்து சாஸ்திரப்படி, வீட்டில் நடராஜர் சிலையை வைத்திருக்கக்கூடாது. இல்லாவிட்டால், அது வீட்டில் குழப்பத்தை உண்டாக்கும். அதோடு வீட்டில் சண்டைகள் ஏற்பட வாய்ப்புள்ளது. ஆகவே தான் வீட்டில் நடராஜர் சிலையை வைத்திருக்கக்கூடாது. உங்கள் வீட்டில் நடராஜர் சிலை இருந்தால், உடனடியாக அதை வீட்டில் இருந்து அகற்றுங்கள்.

போர் படங்கள்

வாஸ்து சாஸ்திரத்தின் படி, வீட்டில் போர் புரிவது போன்ற புடங்களை வைத்திருக்கக்கூடாது. ஏனெனில் இம்மாதிரியான படங்கள் குடும்ப உறுப்பினர்களை மோசமாக பாதிக்குமாம். எனவே போர் படங்களை வீட்டில் வைத்திருப்பதைத் தவிர்த்திடுங்கள்.

முட்கள் நிறைந்த செடி

இன்று பலருக்கும் வீட்டில் செடிகளை வளர்க்கும் பழக்கம் அதிகரித்துள்ளது. ஆனால் அப்படி வீட்டில் வளர்க்கும் போது வாஸ்துப்படி எந்த மாதிரியான செடிகளை வளர்க்கலாம், எதை வளர்க்கக்கூடாது என்பதை முதலில் தெரிந்து கொள்ளுங்கள். வாஸ்துப்படி, ரோஜா செடிகளைத் தவிர, வீட்டில் முட்கள் நிறைந்த செடிகளை வளர்க்கக்கூடாது. இம்மாதிரியான செடிகள் வீட்டில் எதிர்மறை உருவாக்குகிறது.

எதிர்மறையான படங்கள்

வாஸ்து சாஸ்திரத்தில், கப்பல் மூழ்குவது, வேட்டையாடுவது, கத்திச் சண்டை, பிடிபட்ட யானைகள் அல்லது அழுவது போன்ற படங்களை வைத்திருப்பது தவறு என்று கருதப்படுகிறது. ஏனென்றால் இம்மாதிரியான படங்கள் வீட்டில் எதிர்மறை ஆற்றலை தங்க வைத்து, குடும்பத்தின் முன்னேற்றத்தில் தடைகளை உருவாக்கும். ஆகவே வீட்டில் எப்போதும் நேர்மறையான படங்களை வைத்திருக்க முயலுங்கள்.

சூரிய அஸ்தமனம்

வாஸ்து சாஸ்திரத்தின் படி, ஒருவரது வீட்டில் சூரியன் உதிக்கும் படியான படத்தை வைத்திருக்கலாம். ஆனால் சூரியன் மறையும் படியான போட்டோவை வீட்டில் வைத்திருக்கக்கூடாது. இது குடும்ப முன்னேற்றத்தை தடுக்கும்.