இஸ்திரிப் பெட்டி இல்லாமல் துணியை இஸ்திரி செய்ய சில வழிகள்!!!

ஹேர் ஸ்ட்ரைட்னர்

உங்களிடம் ஹேர் ஸ்ட்ரைட்னர் இருந்தால், அதனைக் கொண்டும் துணியை அயர்ன் செய்யலாம். ஆனால் அப்படி அயர்ன் செய்யும் போது, அதிகப்படியான வெப்பம் இல்லாதவாறு பார்த்துக் கொள்ளுங்கள். இல்லாவிட்டால், துணியானது கருகிவிடும்.

படுக்கை

இது காலம் காலமாக பலர் பின்பற்றும் ஒரு முறை. அது என்னவெனில், இரவில் படுக்கும் முன்பு, ஒரு நியூஸ் பேப்பரின் நடுவே அயர்ன் செய்ய வேண்டிய துணியை வைத்து படுக்கும் மெத்தையின் அடியில் இட்டு, காலையில் அதனைப் பயன்படுத்தலாம்.

சொம்பு அல்லது மெட்டல் பாத்திரங்கள்

இவற்றைக் கொண்டும் எளிமையாக துணியை இஸ்திரி செய்யலாம். அதற்கு சுருக்கம் உள்ள துணியில் லேசாக நீரை தெளித்து, பின் சொம்பு அல்லது மெட்டல் பாத்திரத்தில் சுடுநீரை நிரப்பி, சுருக்கம் உள்ள இடத்தில் வைத்து அழுத்தினால் சுருக்கங்கள் மறையும்.

ஈரமான டவல்

சுருக்கம் உள்ள துணியை தரையில் விரித்து, அதன் மேல் நீரில் நனைத்து பிழிந்த டவலை வைத்து, கைகளால் 5-10 நிமிடம் தேய்த்து, பின் சிறிது நேரம் சூரியவெப்பத்தில் உலர வைத்து எடுத்தால், சுருக்கங்கள் போய்விடும்.

சூரியவெப்பம்

துணியில் சுருக்கங்கள் விழாமல் இருக்க வேண்டுமானால், துணியை துவைக்கும் போது நீரில் அலசியப் பின், பிழியாமல் அப்படியே சூரிய வெப்பத்தில் உலரை வைத்து எடுத்தால், சுருக்கம் ஏற்படுவதைத் தடுக்கலாம். .

ஹேர் ட்ரையர்

துணியில் உள்ள சுருக்கங்களை இஸ்திரி பெட்டி பயன்படுத்தி போக்க வேண்டுமானால், ஹேர் ட்ரையர் இருந்தால் எளிதில் போக்கலாம். அதற்கு சுருக்கம் உள்ள பகுதியில் நீரை தெளித்து, பின் ஹேர் ட்ரையர் பயன்படுத்தி உலர வைத்தால் சுருக்கங்கள் போய்விடும்.

கெட்டில்

நீரை சூடேற்ற உதவும் கெட்டில் உங்களிடம் இருந்தால், அதில் நீரை ஊற்றி நன்கு கொதிக்க விட வேண்டும். அப்படி நீர் கொதிக்கும் போது, வெளிவரும் ஆவியில் சுருக்கம் உள்ள துணியை 8-12 இன்ச் தொலைவில் வைத்து எடுத்தால், சுருக்கங்களானது மாயமாக மறைந்துவிடும்.