வெள்ளை நிற பள்ளிச் சீருடையை புத்தம் புதிதாக மின்னச் செய்வதற்கான சில எளிய வழிகள்...

எலுமிச்சை

உங்கள் குழந்தையின் பள்ளிச் சீருடையானது வெள்ளை என்றால், அதில் படிந்த கறையை போக்க பலர் மிகவும் சிரமப்படுவார்கள். ஆனால் அப்படி சிரமப்படாமல் எளிதில் போக்க, ப்ளீச்சிங் தன்மை அதிகம் நிறைந்த எலுமிச்சை சாற்றினைப் பயன்படுத்தலாம். அதிலும் எலுமிச்சையை இரண்டாக வெட்டி, அதனை கறை உள்ள இடத்தில் நன்கு அழுத்தி தேய்க்க வேண்டும். இப்படி கறை மறையும் வரை நன்கு அழுத்தி தேய்த்து, பின் சோப்பு நீரில் ஊற வைத்து, பிரஷ் பயன்படுத்தி தேய்த்தால், கறைகள் மறைந்துவிடும்.

வினிகர்

வினிகர் மற்றொரு ப்ளீச்சிங் பொருள். இவையும் வெள்ளை நிற பள்ளிச் சீருடையில் படியும் கறைகளை எளிதில போக்க வல்லது. அதற்கு 1/2 கப் வினிகரை, நீரில் கலந்து, அதில் பள்ளிச் சீருடையை 1 மணிநேரம் ஊற வைத்து, பின் பிரஷ் பயன்படுத்தி நன்கு தேய்த்து துவைக்க வேண்டும்.

பேக்கிங் பவுடர்

குழந்தைகளின் பள்ளிச் சீருடையில் களிமண்ணின் கறை இருந்தால், அதனை பேக்கிங் பவுடர் பயன்படுத்தி துவைத்தால் பளிச்சென்றாகும். அதற்கு பேக்கிங் பவுடரை தண்ணீர் ஊற்றி பேஸ்ட் செய்து கொண்டு, கறை உள்ள இடத்தில் தடவி, கறை போகும் வரை தேய்க்க வேண்டும். இதனால் நீங்காத கறைகளும் நீங்கிவிடும்.

ப்ளீச்

ப்ளீச்சிங் பவுடரை நீரில் கரைத்து, அதனை கறை படிந்த வெள்ளை நிற பள்ளிச் சீருடையில் தடவி தேய்த்து, பின் துவைத்து கறைகள் மறைந்துவிடும்.

தக்காளி ஜூஸ்

தக்காளி ஜூஸ் கூட ஒரு இயற்கையான ப்ளீச்சிங் தன்மை கொண்ட பொருள். இதனைக் கொண்டு கறைப் படிந்த வெள்ளை நிற பள்ளிச் சீருடையை துவைத்தால், கறைகள் அகலும்.