தீபாவளிக்கு உங்கள் சமையலறையை ஈஸியா சுத்தம் பண்றது எப்படினு தெரியுமா?

பூச்சி கட்டுப்பாடு

உங்கள் சமையலறையை சுத்தம் செய்வதை பூச்சிகளை விரட்டுவதில் இருந்து தொடங்கவும் ஏனெனில் இதுதான் இருப்பதிலேயே சவாலான ஒன்றாகும். கடைகளில் கிடைக்கும் பூச்சி மருந்துகள் நல்ல பலனை கொடுக்கவில்லையெனில் வேப்ப இலைகளை கொண்டு சமையலறையில் இருக்கும் பூச்சிகளை முழுமையாக விரட்டலாம்.

அலமாரிகளை சுத்தம் செய்தல்

நீங்கள் வெள்ளை வினிகர் மற்றும் சோப்பை வெதுவெதுப்பான நீரில் சேர்த்து உங்கள் வீட்டை சுத்தப்படுத்தலாம். இந்த கரைசலில் ஒரு சுத்தமான துணியை ஊறவைத்து, உங்கள் அலமாரிகளை ஒரு பக்கத்தில் இருந்து சுத்தம் செய்ய தொடங்குங்கள். மற்றொரு உலர்ந்த துணியைக் கொண்டு கறைகள் மற்றும் துருக்களை சுத்தம் செய்யவும்.

MOST READ:சர்க்கரை நோய் உள்ள ஆண்கள் தங்களின் பாலியல் வாழ்க்கையை பாதுகாக்க என்ன செய்யணும் தெரியுமா?

காலியிடத்தை உருவாக்குதல்

உங்கள் சமையலறையை சுத்தம் செய்வதற்கான முக்கிய பகுதிகளில் இதுவும் ஒன்றாகும். நீங்கள் இனி பயன்படுத்தாத எந்தவொரு பொருளையும் அகற்றவும். 3-4 மாதங்களுக்கும் மேலாக கிடந்த பொருட்கள் மற்றும் மசாலாக்களைத் தேடி குப்பைதொட்டியில் போட்டுவிடுங்கள்.

லேபிள்களைப் பயன்படுத்துதல்

உங்கள் சமயலறையில் மசாலா பொருட்களையும், பருப்புகளையும் அடையாளம் காண்பது எவ்வளவு கடினமானது என்று நீங்கள் எப்போதாவது சிந்தித்து இருக்கிறீர்களா? இதற்கு எளிய வழி அந்தந்த பொருட்களில் அதன் பெயரை எழுதி ஒட்டிவிடுவதுதான். இது தீபாவளியின் போது மட்டுமின்றி வருடம் முழுவதிற்கும் உங்களுக்கு உதவியாக இருக்கும்.

பிரிட்ஜை சுத்தம் செய்தல்

எந்தவொரு தேவையற்ற பொருட்களையும் அகற்ற உங்கள் குளிர்சாதன பெட்டியை வாரந்தோறும் சுத்தம் செய்ய வேண்டும். நன்றாக சுத்தம் செய்ய வினிகர் மற்றும் வெதுவெதுப்பான நீரைக் கலந்து வீட்டிலேயே கரைசலைத் தயாரிக்கலாம். இதன் பின்னர் இதில் அரை எலுமிச்சை பழத்தை நனைத்து உங்கள் பிரிட்ஜின் அசுத்தமான பகுதியில் தேய்த்தால் நிகழும் மாயத்தை நீங்களே பார்க்கலாம்.

MOST READ:துலாம் ராசிக்காரங்களோட இந்த குணம்தான் எல்லாருக்கும் இவங்கள பிடிக்க காரணமாம் தெரியுமா?

இடத்தை திறம்பட பயன்படுத்துதல்

உங்கள் வீட்டில் இருக்கும் பொருட்களை திறம்பட அடுக்கி வைக்க உங்களின் கற்பனைத்திறனை பயன்படுத்தவும். கப் மற்றும் குவளைகளுக்கு நீங்கள் கொக்கிகள் மற்றும் ஹேங்கர்களைப் பயன்படுத்தலாம். மிகக் குறைந்த இடத்தைப் பயன்படுத்தும் போது அவை அழகாக இருக்கும். அடிக்கடி பயன்படுத்தும் பொருட்களை மட்டும் உங்கள் சமையலறையில் வைக்கவும், எப்போதாவது பயன்படுத்தும் பொருட்களை அலமாரிகளில் வைக்கவும்.