திருமண சீசன்ல வெயில், மழையால் கவலையா? பட்ஜெட் வீணாகாம இருக்க இந்த 5 டிப்ஸ் ஃபாலோ பண்ணுங்க!

இந்தியாவில் தற்போது நிலவும் அதீத வானிலை மாற்றங்கள், திருமண வீட்டாருக்குப் பெரும் சவாலாக மாறியுள்ளன. வட இந்தியாவில் சுட்டெரிக்கும் வெயில் வாட்டி வதைக்க, தென்னிந்தியாவிலோ பருவமழை வெளுத்து வாங்குகிறது. இதனால், விருந்தினர்களின் பாதுகாப்பையும் வசதியையும் கருதி திருமணத் திட்டங்களை மாற்ற வேண்டிய கட்டாயம் குடும்பங்களுக்கு ஏற்பட்டுள்ளது. இந்தத் திடீர் மாற்றங்களைச் சமாளிக்கத் துல்லியமான திட்டமிடலும், கூடுதல் பட்ஜெட்டும் தேவைப்படுகின்றன. மாற்றங்கள் குறித்து முன்கூட்டியே தெரிவிப்பது டெக்கரேட்டர்கள் மற்றும் கேட்டரிங் செய்பவர்களுக்கு வசதியாக இருக்கும். ஜூன் மாதத் திருமணங்களுக்குத் தற்போதைய வானிலை நிலவரத்தைப் புரிந்துகொள்வது மிகவும் அவசியம்.

இப்போதைய சூழலில் திருமண நேரத்தைத் தேர்வு செய்வதுதான் மிக முக்கியமான விஷயம். வட இந்தியாவில் வெயிலின் தாக்கத்தைத் தவிர்க்க, பலரும் திறந்தவெளி நிகழ்ச்சிகளை மாலை நேரங்களுக்கு மாற்றுகின்றனர். தென்னிந்தியாவிலோ, மழை எப்போது பெய்யும் என்பதைக் கணித்து, மழை இல்லாத நேரத்தைப் பார்த்து நிகழ்ச்சிகளைத் திட்டமிடுகின்றனர். மேலும், விருந்தினர்களுக்குத் தேவையான குடிநீர் வசதி மற்றும் முதலுதவி பெட்டிகளைத் தயார் நிலையில் வைத்திருப்பது வெப்பம் தொடர்பான பாதிப்புகளைத் தவிர்க்க உதவும். இத்தகைய எளிய பாதுகாப்பு நடவடிக்கைகள் திருமணத்திற்கு வருபவர்களுக்கு ஒரு நிம்மதியான உணவைத் தரும்.

வெயில் மற்றும் மழைக்காலங்களில் திருமணச் செலவுகளைச் சமாளிப்பது எப்படி?

இன்றைய சூழலில் திருமண மண்டபங்களில் கூடுதல் வசதிகள் இருப்பது கட்டாயமாகிவிட்டது. வட இந்தியாவில் வறண்ட வெப்பத்தைச் சமாளிக்கத் தொழில்துறை ஏசி (AC) வசதிகளும், தென்னிந்தியாவில் மழையிலிருந்து தப்பிக்க நீர்ப்புகாத 'ஜெர்மன் ஹேங்கர்' (German hangars) பந்தல்களும் அவசியமாகின்றன. மின் தடையைத் தவிர்க்கத் தரமான ஜெனரேட்டர் வசதிகளும் தேவை. இத்தகைய கூடுதல் வசதிகளால் திருமண பட்ஜெட் சுமார் 15 சதவீதம் வரை அதிகரிக்க வாய்ப்புள்ளது. எனவே, ஒப்பந்தங்களில் வானிலை காரணமாக நிகழ்ச்சி ரத்தானால் கிடைக்கும் ரீஃபண்ட் (Refund) விதிகளைச் சரிபார்ப்பது நல்லது.

வானிலைக்கு ஏற்ப ஆடை மற்றும் அலங்காரத்திலும் மாற்றங்கள் தேவைப்படுகின்றன. வட இந்தியாவின் வெப்பத்தைச் சமாளிக்க மணப்பெண்கள் ஆர்கன்சா (Organza) அல்லது ஷிப்பான் (Chiffon) போன்ற காற்றோட்டமான துணிகளைத் தேர்வு செய்யலாம். மழை பெய்யும் பகுதிகளில் வாட்டர் புரூப் மேக்கப் மற்றும் வலுவான காலணிகளைப் பயன்படுத்துவது நல்லது. விருந்தினர்களின் வசதிக்கு முக்கியத்துவம் அளிப்பதன் மூலம், வானிலை எப்படி இருந்தாலும் திருமணக் கொண்டாட்டங்கள் குறையாமல் பார்த்துக்கொள்ளலாம். இத்தகைய சவால்களை முன்கூட்டியே திட்டமிடுவது உங்கள் பணத்தையும், மகிழ்ச்சியான நினைவுகளையும் பாதுகாக்கும்.